Rm 5:1 - Testamente Ledrimpswha ni Mapsalma

¹ Leswi hihlayiwiki valulami hi kupfumela, ahiveneni ni kurula ku Xikwembu Nkulukumba ha Hosi yeru Yesu Kriste.

Rm 5:1 Referans Kwoze

Rm 15:13

Ingi Xikwembu Nkulukumba, lweyi kulavisela kupfaka ku yene, aan'witate hi kutrhava ni kurula kupfumeleni kwenu, akuva n'wiva lava vayandriki akulaviseleni, hi ntamu wa Moya wa Kuxwenga.

Yohana 16:33

Nin'wibyeli leswo akuva n'wivani kurula ku mine. Amisaveni leyi n'witavani nhlomulu, kambe tiyani ntamu, mine nihluli misava.

Va-le-Kolosa 1:20

na kone ha Yene ayentxi akurula hi ngati ya xihambano xakwe, hinkonta yake atitlhanganisela mintxhumu hinkwayu, leyi minga lana misaveni ni le tilweni.

Rm 6:23

Hikusa a hakelo dra xidoho i kufa, kambe a nyiko leyipfaka ku Xikwembu Nkulukumba i vutomi lebyi byingahelikiki hi ntlhanganu na Kriste Yesu Hosi yeru.

Rm 14:17

Hileswo-ke, a Mfumu wa Xikwembu Nkulukumba ahi mhaka ya swakuda ni swakunwa, kambe i mhaka ya kululama, kurula ni kutrhava loku pfaka ku Moya wa Kuhlawuleka.

II Tsl 3:16

A Hosi, Xikwembu Nkulukumba wa kurula aan'winyike kurula kwake minkama hinkwayu ni hi tindlela hinkwatu. A Hosi ayive na n'wine hinkwenu.

Yohana 14:27

Nin'wisiyela kurula, nin'winyika kurula kwanga. Anin'winyikisi xileswi misava minyikisaka xiswone. A timbilu tenu tingatxhuki tiganaganeka, tingatxhuki titxhava.

Rm 4:5

Kambe, lweyi wakuka angatiri, apfumela ku Xikwembu Nkulukumba lweyi ayamukelaka mudohi, amuyentxa nakulobye wakwe hi kupfumela kwake na kunge hi mintiho.

Va-le-Kolosa 3:15

A kufume timbilwini tenu a kurula ka Kriste, loku Xikwembu Nkulukumba an'wivitaneliki kone akuva n'wiyentxa miri min'we ntsena, vanani lava vatlangelaka.

Rm 15:33

Xikwembu Nkulukumba lweyi a nyikaka kurula, ave na n'wine hinkwenu. Amen.

Mintiro Ya Vapostola 10:36

Hi yone mhaka leyi ayirumeliki vana va Israyele, loko avativisa a Ivangeli ya kurula ha Yesu Kriste; lweyi anga Hosi ya hinkwavu.

Va-le-Filipiya 3:9

ni kuva ni kumiwa ku Yene, na ningena kululama kwanga loku kupfaka nawini, kambe loku kupfaka hi kupfumela ku Kriste,

I Tsl 5:23

Ke, Xikwembu Nkulukumba wa kurula an'wibasise kakuhinkwaswu, ne moyeni wenu ne hikeni ni mirini, n'wiva lava vabekisekaka hi mfanelo, n'wingave ni kusoleka akubuyeni ka Hosi yeru Yesu Kriste.

Rm 5:18

Xileswo, Swanga hileswi ha xidoho xin'we ntsena, xitisiki a tremo henhla ka vhanu hinkwavu akuva vayavanyisiwa, xiswoswo kambe, hinkonta ya xiyentxo xin'we xakululama kuxikile timpswalu henhla ka vhanu hinkwavu akuva vava ni kululama loku kunyikaka vutomi.

Lk 19:42

aku: Loko fanga uswitivile na wene namunhla ntsena, leswi swivangaka kurula kwaku! Kambe swoswi, swifihlekile mahlweni kwaku!

Rm 1:7

Nitralela n'wine hinkwenu, Xikwembu Nkulukumba an'wirandriki, an'wivitaniki a kuhanyela Yene. Ingi Xikwembu Nkulukumba, Tatana weru, na Yesu Kriste Hosi yeru vangan'winyika timpswalu ni kurula.

Lk 19:38

Vaku: Akukhensiwe Mufumi, lweyi ataka hi vito dra Hosi! A kurula akuve Tilweni, ni kutwala ahenhlahenhla!

Gl 2:16

Hine hi tivaka leswaku a mhunu angahlayiwi mululami hinkonta ya mintiro ya nawu, ntsena hi kupfumela ku Kriste Yesu, hine hi pfumeli ku Yesu Kriste akuva hihlayiwa valulami hi kupfumela ku Kriste, kunge hi mintiro ya nawu, hikuva akuna mhunu lweyi atakahlayiwa mululami hi mintiro ya nawu.

Yohana 20:31

Kambe a timhaka leti titraliwi akuva n'wipfumela leswaku Yesu i Kriste, N'wana wa Xikwembu Nkulukumba, ni leswaku hi kupfumela, n'wiva ni vutomi avitweni drakwe.

Rm 10:10

Hikusa a mhunu apfumela hi mbilu akuva a lulama, apfumela hi nomu akuva a huluxiwa.

Rm 3:30

inga leswi swaku, Xikwembu Nkulukumba i mun'we ntsena, lweyi atakahlaya valulami lava vakusoka hi kupfumela, ni lava vangasokangakiki, hi kupfumela.

Rm 1:17

Hakuva ku wone, kupfuleteliwa avululami bya Xikwembu Nkulukumba, kupfumela hikupfumela, swanga hi leswi kutraliwiki: Kambe amululami atahanya hikupfumela.

Va-Heberu 13:20

Kutani-ke, Xikwembu Nkulukumba wa kurula lweyi hingati ya xipfumelelanu lexi xinga helikiki, abuyisiki hi le ku vafi Hosi yeru Yesu, mubyisi lwenkulu wa tihamba

Ef 2:7

Akuva akombisa ku madzana-dzana ya malembe lawa mataka, a vukulu bya vupfundri bya timpswalu, ni vunene ku hine, ha Kriste Yesu.

Gl 3:25

Leswi a kupfumela kutlhasiki, ahahali hansi ka mudondrisi.

Rm 10:15

Nakone vatarerisa kuyini loko vangarumiwanga? Swanga hi leswi kutraliwiki: ahikuxonga ka minenge leyi mitivisaka Ivangeli!

Rm 9:30

Hitahlaya yini hi leswi? Hidjula kuhlaya leswaku a va-Matiko afa vanga djulisisi kululama, vakuyamukeli mayelana ni kupfumela loku ka kululama;

Lk 2:14

A kutwala akuve ku Xikwembu Nkulukumba a Matilweni ya le henhla-henhla, ni kurula amisaveni ku vhanu lava atitrhavelaka ha vone.

Rm 3:22

Kululama ka Xikwembu Nkulukumba hikola ka kupfumela Yesu Kriste, ka kuhinkwavu (henhleni ka hinkwavu) ku hinkwavu lava vapfumelaka, hikusa akuna ku hambana.

Yohana 5:24

Nihlayelamfuri nili ku n'wine, lweyi ayingelaka a ritu dranga, ava apfumela ku lweyi anirumiki, ani vutomi lebyi byingahelikiki, kutani angati kuyavanyisiweni, kambe ahumi kufeni anhingena vuton'wini.

Rm 5:11

Na ange ntsena hinkwaswu leswi; kambe na hine hititwalisa ku Xikwembu Nkulukumba ha Yesu Kriste, Hosi yeru, hikola ka lweyi hikumiki ha Yene akutlhanganisiwa.

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma