Rm 4:25 - Testamente Ledrimpswha ni Mapsalma

²⁵ Lweyi anyiketiwiki kufeni hinkonta ya swidoho sweru ni kumupfuxa, ni kuhlayiwa kweru a vululami.

Rm 4:25 Referans Kwoze

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

Gl 1:4

Lweyi atinyiketiki ha swake, hinkonta ya swidoho sweru, akuva ahi kulula misaveni leyi minfani, leyi hinga ku yone, ahetisisa xileswi hikurandra ka Xikwembu Nkulukumba, Tatana weru.

II Kor 5:21

Lweyi afa angativi xidoho, kambe Yene amuyentxi xidoho ha hine; akuva ha Yene hiva vakululama ka Xikwembu Nkulukumba.

I Yhn 2:2

Hi yene anga mhamba ya kususa swidoho sweru; swinge sweru ntsena, kambe swakuva swa misava hinkwayu.

I Ptr 2:24

hi Yene abyatrhiki a swidoho sweru amirini yake amhandreni ya xihambano, akuva hine, na hifeli swidoho, hihanyela a vululami; hi Yene mfuri hi swilondra swake n'wine n'widahiwiki.

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

Mpfuletelo 1:5

ni hi le ku Yesu Kriste, a Mboni ya kudumbeka, mativula ya lava va kufa, Hosi ya vafumi va misava. Ku lweyi ahirandraka, ahitrunxiki ku swidoho sweru hi ngati yake,

I Ptr 1:21

n'wine ha Yene n'wipfumeliki ku Xikwembu Nkulukumba lweyi amupfuxiki ku lava vakufa amakari ka vafi, ava amunyika ni lidrumo, akuva a kupfumela kwenu ni kulavisela kwenu swiva ku Xikwembu Nkulukumba.

I Kor 15:17

Ni loko Kriste angapfukanga akufeni, a kupfumela kwenu i ka kuka-ndlela, mfuri n'wahali swidohweni swenu.

Rm 8:3

Hikusa leswi afaka swinga koteki ku nawu, hi leswi afaka wu hikola ka nyama, Xikwembu Nkulukumba a yentxile leswi hi ku rumela N'wana wakwe hiku fana ni nyama ya xidoho, xiswoswo, Xikwembu Nkulukumba a yavanyisile Xidoho a nyameni.

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Va-Heberu 9:28

Hiswoswo ke, Kriste ahumexiwi kan'we kususa swidoho swa vhanu. Ntrhaku ata humelela nangweso, kunge ha kutata susa xidoho, kambe a kutata huluxa lava mulaviselaka.

Rm 5:18

Xileswo, Swanga hileswi ha xidoho xin'we ntsena, xitisiki a tremo henhla ka vhanu hinkwavu akuva vayavanyisiwa, xiswoswo kambe, hinkonta ya xiyentxo xin'we xakululama kuxikile timpswalu henhla ka vhanu hinkwavu akuva vava ni kululama loku kunyikaka vutomi.

Rm 3:25

Lweyi Xikwembu Nkulukumba angamubeka khale ava xiruliso, hikupfumela ka ngati yake, akuva akululama kwake ku kombisiwa. Hileswi Xikwembu Nkulukumba atrikiki kukhatisa a swidoho leswi swiyentxiwiki khale;

Mpfuletelo 5:9

na kone afa vayimbelela lisimu drimpswha, vaku: Uni mfanelo ya kuyamukela buku ni kupfula a swifungu swa drone, hikusa udlayiwile uva uxavela Xikwembu Nkulukumba hi ngati yaku, a vhanu, va tinxaka hinkwatu, ni tindrimi hinkwatu ni va-Matiko hinkwawu;

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Gl 3:13

Kriste ahintrhunxi kuruketeliweni ka nawu, yene atiyentxi xiruku hinkonta yeru, hikusa a Matralwa mali: Kuruketeliwi mani na mani lweyi a hayekiwiki mhandreni,

Mpfuletelo 7:14

Kutani mine niku ku yene: Hosi yanga, hi wene uswitivaka! Kutani yene aku ku mine: Lava, hi lava vapfaka hi le nhlomulweni lowukulu, vahlampswiki a swiyambalu swavu, vaswiyentxa swa ntlhohe angatini ya Hambana.

II Kor 5:15

Kutani yene a feli hinkwavu, leswaku lava hanyaka, vangaha tihanyeli ha swavu, kambe vahanyela lweyi ava feliki atlhela apfuka kufeni.

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

Va-Heberu 8:3

Hikusa a muprista lwenkulu wini ni wini abekiwa akuva ahumexa timhamba ni switlhavelo; hileswo-ke, afa swifanelile leswaku yelwi ava ni xantxhumu xa kuhumexa.