Rm 3:4 - Testamente Ledrimpswha ni Mapsalma

⁴ Ni kutrongo. Akova Xikwembu Nkulukumba lweyi adumbekiki, vamadrimi i vhanu, swanga hi kuhlaya ka Matralwa: A maritu yaku, we Xikwembu Nkulukumba mata kombisa leswaku u mululami ni leswaku utahlula loko u yavanyisiwa.

Rm 3:4 Referans Kwoze

Gl 2:17

Kolahu loko hine hi djula akuhlayiwa valulami ha Kriste, hi kumiwa na hili swidohi, xana Kriste i mutireli wa swidoho xana? Swingavi tanu!

Va-Heberu 6:18

akuva hi kuhangwesa, leti tibiri tingeke na kuhela, inga leti swingakotekiki leswaku Xikwembu Nkulukumba ahemba ha tone, hi ndlela leyi hine hikumiki xitiyiso lexi xa ntamu, hi fanela kukhoma kulavisela loku bekiwiki mahlweni kweru;

Tito 1:2

akulaviseleni ka vutomi lebyingahelikiki, lebyi Xikwembu Nkulukumba lweyi angahembiki abyidumbisiki na minkama mingasinava kone,

Yohana 3:33

A mhunu lweyi ayamukelaka vumboni byake, atiyisa leswaku Xikwembu Nkulukumba awadumbeka.

Mpfuletelo 3:7

Ku ntrumi leyi yinga kerekeni ledri dringa Filadelifiya trala, uku: Lweyi wa kuxwenga ni wa xihlayelamfuri, lweyi angani mpfungulu wa Davida, lweyi apfulaka kungapfali mhunu, lweyi apfalaka kungapfuli mhunu, ahlaya leswi:

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

Rm 9:14

Kolahu xana hitahlaya yini? Leswaku Xikwembu Nkulukumba angalulamanga? Aswitanu!

I Yhn 5:10

Lweyi apfumelaka ku N'wana wa Xikwembu Nkulukumba ani vumboni, lweyi angapfumelikiki ku Xikwembu Nkulukumba, amuyentxa amuhembi, hikusa angapfumelanga a vumboni lebyi Xikwembu Nkulukumba ahinyikaka hinkonta ya N'wana wakwe.

Gl 2:21

Anidjuli kutxukumeta a timpswalu ta Xikwembu Nkulukumba; hikuva loko afa kululama kukumiwa hi nawu, Kriste afeli mahala.

Rm 6:15

Hikolahu hi pimisa yini? Xana hita doha hi leswi hingeheke hansi ka nawu, kambe atimpswalwini ta Xikwembu Nkulukumba? Swingavi tanu!

Rm 3:31

Hi helisa a nawu hi kupfumela? Aswitanu, na swone ha wutiyisa a nawu.

Mt 11:19

A N'wana wa Mhunu atile na ada, anwa, vaku i wa magolo ni mpopswi, i nakulobye wa vahlengisi ni vadohi. Kambe a vutlhari byikombisiwa a kululama ka byone hi mintiro ya byone.

Gl 6:14

Kambe mine, anidjuli kutitwalisa loko kunge xihambanwini xa Hosi yeru Yesu Kriste; lweyi amisava mivambiwiki ku mine ha Yene, na mine ni vambiwile ku yone.

Rm 11:1

Nangweso navutisa: Xana Xikwembu Nkulukumba atava a txukumeti tiko drakwe xana? Aswilitanu! Hikusa na mine ni mu-Israyele, wa xiloso xaka Abrahamu wa xiloso xaka Benyamini.

II Kor 1:18

Kambe Xikwembu Nkulukumba lweyi adumbekaka, awaswitiva leswaku a maritu yanga ku n'wine amavanga: Ina, matlhela mava: Im-him.

Rm 11:11

Navutisa nangweso nili: Xana loko vakhunguvanyekile, vaweli mfuri xana? Aswivanga tanu. Akuwa kwavu wuvi nkama wa kuhuluxiwa va-Matiko, akuva ava-Yuda vatrhama ni vukwele hi van'wana.

Rm 7:7

Hikolahu hitahlaya yini xana? Xana a nawu i xidoho? Aswivangatanu, kambe mine ana ningativanga xidoho, loko afa kunge hi nawu, mfuri afa ningativi ku navela loko a nawu afa wungahlayi leswaku: Ungavi navela.

Rm 6:2

Swingatxhuki swiva tanu! Hinga hanyisa kuyini a xidohweni Hine lava ku Yene hi fiki?

Lk 20:16

Atata, atadlaya vadrimi volavo, ava anyika van'wana livhinya. Vaswiyingeliki leswo, vaku: Swingatxhuke swiva tanu!

Rm 7:13

Xana leswi swinene swindruluki lifu ku mine? Ahi swone. Kambe a xihono, akuva xi komba leswaku i xihono, xiyentxi lifu ku mine i va ntxhumu lowu wunene; akuva hinkonta ya leleto, a xihono xi tindruluta xa ntamu ngopfu kutlula kusunguleni.

I Kor 6:15

An'wiswitivi leswaku a miri yenu i swiro swa Kriste, xana? Xana ningateka a swiro swa Kriste niswiyentxa swiro swa lweyi wa vumbuye, xana? Swingatxhuki swiva tanu!

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.