Rm 3:23 - Testamente Ledrimpswha ni Mapsalma

²³ Hikusa hinkwavu vadohile, vapfumala kuphatima ka Xikwembu Nkulukumba.

Rm 3:23 Referans Kwoze

Rm 3:9

Hita kuyini ke? Hine va-Yuda hitava vakuyapswa kutlula van'wana xana? Ni kutrongo; hi kombisile leswaku hinkwavu, ingava va-Yuda swanga, Va-Girika, va le hansi ka nawu.

Gl 3:22

Kambe a Tralwa dripfaleli hinkwaswu a hansi ka xihono, akuva hi kupfumela ku Yesu Kriste, vanyikiwa xidumbiso hinkwavu lava vapfumelaka.

Rm 11:32

Hileswo-ke, Xikwembu Nkulukumba ayentxi leswaku hinkwavu vandruluka vabohiwa va kutiyalisa, leswaku atakombisa ku vone hinkwavu kutretrelela kwake.

I Tsl 2:12

akuva n'wifamba hi laha swifanekelaka Xikwembu Nkulukumba, lweyi an'wirambaka kuva n'wiva mfun'wini wakwe ni lidrun'wini.

Rm 3:19

Ke haswitiva leswaku hinkwaswu leswi swihlayiwaka hi nawu, i swa lava vanga hansi ka nawu lowo, akuva milomu hinkwayu mipfaliwa, ni leswaku misava hinkwayu miva ni kuyavanyisiwa amahlweni ka Xikwembu Nkulukumba.

II Tsl 2:14

Hikola ka Ivangeli yeru, Xikwembu Nkulukumba an'wivitaneli kutava ni xiyenge xa lidrumu dra Hosi yeru Yesu Kriste.

I Ptr 4:13

kambe hi leswi n'wikumaka a yavelo akuxanisekeni ka Kriste, nyoxani, akuva n'witanyoxa hi kutrhava kukulu, akupfuleteliweni ka kuphatima kwake.

Rm 5:2

Lweyi ha Yene hikumiki hi kupfumela, timpswalu leti hitiyiki ku tone, nakone hititwalisa akulaviseleni ka kuphatima ka Xikwembu Nkulukumba.

Rm 1:28

Na swone leswi vatrikiki kutiva Xikwembu Nkulukumba, xiswoswo Xikwembu Nkulukumba avanyikeli avutlharini bya kuhomboloka, akuva vayentxa leswi faka swingafanekeli.

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.

I Ptr 5:1

Nitratriya a vakulu-va-kereke lava vanga makari kwenu, mine swanga nkulu-wa-kereke kulobye, mfuri ninga mboni ya kuxaniseka ka Kriste, nakone ningani yavelo akuphatimeni loku kutaka pfuleteliwa, nili:

Va-Heberu 4:1

Ahitxhaveni-ke, hileswaku a xidumbiso xa kunhingena akuwiseni ka Xikwembu Nkulukumba xehe kone. Ahi tivoneleni leswaku kumbe mun'wana wenu anga txhuki akumiwi na atroniwile.