Rm 2:4 - Testamente Ledrimpswha ni Mapsalma

⁴ Udrelisa kuyini wene a vumbilu lebyikulu bya Xikwembu Nkulukumba, ni kuleha ka mbilu ni kutiyisela? Awuswitivi leswaku a vumbilu bya Xikwembu Nkulukumba afa byifanela ku kuyisa akutisoleni ka swidoho?

Rm 2:4 Referans Kwoze

II Ptr 3:9

Hi leswaku a Hosi ayihlweli kuyentxa leswi yi dumbisiki swone, swanga heswi a van'we vapimisaka leswaku yahlwela, kambe an'wilehisela mbilu, hikusa angadjuli kuva ni mun'we alahleka, kambe leswaku hinkwavu vandruluka.

Ef 1:18

Akuvaningiwa ka miyanakanyu yenu, akuva n'witakota kutiva akulavisela akuvitaniweni kwenu, ni lifuyo dra kuphatima ka kulavisela ka tinsasi,

Ef 2:7

Akuva akombisa ku madzana-dzana ya malembe lawa mataka, a vukulu bya vupfundri bya timpswalu, ni vunene ku hine, ha Kriste Yesu.

Ef 1:7

Ku Yene hikuyamukela kuntrhunxeka hinkonta ya ngati yake, a lidrivalelo dra swidoho, hikola ka lifuyu dra timpswalu.

Rm 3:25

Lweyi Xikwembu Nkulukumba angamubeka khale ava xiruliso, hikupfumela ka ngati yake, akuva akululama kwake ku kombisiwa. Hileswi Xikwembu Nkulukumba atrikiki kukhatisa a swidoho leswi swiyentxiwiki khale;

II Ptr 3:15

Pimisani leswaku akulehisa ka mbilu ka Hosi yeru i kuhuluxiwa kweru, swanga hileswi na yene Pawulosi, makweru lweyi arandriwaka an'witraleliki hikulandra vutlhari lebyi anyikiwiki byone,

Rm 11:33

Ahikukula ka vukosi bya Xikwembu Nkulukumba ni vutivi ni vutlhari byake! I mani angaswikotaka kutlhamuxela makungu yake ni kuyingelisisa tindlela ta xone!

Rm 11:22

Lavisani, avunene ni kunono'nhwa ka Xikwembu Nkulukumba: Anonon'hwela lava va wiki, kambe a yentxa vunene ku wene, loko utrhama avuneneni byake, Hi ndlela yin'wana, na wene uta tremiwa.

Ef 2:4

Kambe leswi Xikwembu Nkulukumba anga xipfundri hi lirere, akombisi hi lirandru ledri ahirandriki ha drone.

II Ptr 3:3

Akusungula ka hinkwaswu n'wifanela kutiva leswaku masikwini ya vugamu kuta humelela vhanu, avahleki ni swisandri swavu, vatifambela mayelanu ni kunavela kwavu

I Ptr 3:20

leyi a khale miyaliki a kuyingiseta, loko Xikwembu Nkulukumba, ahayimela hi kuleha-ka-mbilu, amasikwini ya Nowa, loko kahayakiwa a ngalawa, leyi kungahuluxiwa ha yone a vhanu vatrongo, hileswaku, ntlhanu na vararu, amakari ka mati;

I Tmt 6:17

Tratriya a vafuyi va minkama leyi leswaku vangatikulisi, ni leswaku vangabeki a kudumba kwavu ku vukosi lebyi byingatiyikiki; kambe ku Xikwembu Nkulukumba lweyi ahinyikaka hinkwaswu hi kuyandra, akuva hikuma a kutrhava;

Va-le-Filipiya 4:19

Xikwembu Nkulukumba wanga atan'witatisa n'wine akupfumaleni hi hinkwaku, hi vukulu, hikola ka Kriste Yesu.

Mpfuletelo 3:20

Vona, niyimi nyangweni, nagongondra; loko a mhunu ayingela ritu dranga ava anipfulela a xipfalu, nitanhingena andlwini yake, nitalalela na yene, na yene alalela na mine.

I Tmt 1:16

Kambe hikola ka leswo, niyentxeliwi lirere akuva Yesu Kriste akombisa ha mine ninga lwenkulu, a kulehisa hinkwaku ka mbilu, swiva xikombiso ku lava afaka vatakapfumela ku yene, akuva vakuma vutomi lebyi byingahelikiki.

Va-le-Kolosa 1:27

Lava Xikwembu Nkulukumba avanyiki kutiva a nhlengwe dra lidrumu dra kungu amakari ka va-Matiko, hileswaku, ku n'wine kuna Kriste lweyi anga kulavisela kwenu ka lidrumu;

Rm 6:15

Hikolahu hi pimisa yini? Xana hita doha hi leswi hingeheke hansi ka nawu, kambe atimpswalwini ta Xikwembu Nkulukumba? Swingavi tanu!

Rm 6:1

Xana hitakuyini ke? Hitatrhama xihonweni, akuva timpswalu tiyandra?

Va-le-Kolosa 2:2

Akuva a timbilu tavu titiyisiwa, ni kuva vatlhanganisiwa kun'we alirandrwini, akuva vava ni kufuya loku kunga ni kudumbeka loku kakutiya, akuva vayingelisisa swinene a kungu dra Xikwembu Nkulukumba, anga Kriste,

Ef 3:16

akuva an'winyika kuphatima hi nhlengwe yake, nikuva n'witiyisiwa ni kuseketeliwa hi Moya wakwe, ku mhunu wa le ndreni.

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

Rm 10:12

Xileswo akuna kuhambana makari ka va-Yuda ni va-Girika, hikusa yene i Hosi ya hinkwavu ni kunyika vukosi byake ku hinkwavu, lava muvitanaka.

II Kor 8:2

Hikusa andreni ka mindringo leyi minyingi ya kuxaniseka, avusiwaneni byavu lebyi byikulu vayandrisile vupfundri bya kuhanana kwavu.

II Ptr 1:11

Kutani, hi ndlela leyo n'witayengeteliwa ngopfu a nyangwa ya kunhingena Mfun'wini wa Yesu Kriste, Hosi yeru ni Muhuluxi.

Mpfuletelo 2:21

Nimunyiki nkama akuva atisola, kambe angadjuli kutisola atrika a vumbuye byake.