Rm 2:16 - Testamente Ledrimpswha ni Mapsalma

¹⁶ Hi siku ledri Xikwembu Nkulukumba, hikola ka Kriste Yesu, atayavanyisa leswi swifihliwiki swa vhanu, swanga hileswi a Ivangeli leyi yinene yingahlayaka;

Rm 2:16 Referans Kwoze

I Kor 4:5

Hileswo-ke, n'wingayavanyiseni ntxhumu na nkama wungasinatlhasa, kukota kutlhasa Hosi; anga Yene atakavaninga leswi swifihlekiki, swa munyama, atakavonekisa ni makungu lawa manga timbilwini ta vhanu; laho-ke mun'wana-ni-mun'wana atayamukela a kukhensiwa hi Xikwembu Nkulukumba.

Mintiro Ya Vapostola 17:31

hikusa Xikwembu Nkulukumba abeki siku ledri atakayavanyisa misava hi kululama, hi wanuna lweyi angamubekela swone, ava amuhambela vumboni amahlweni ka hinkwavu hi kumupfuxa kufeni.

Mintiro Ya Vapostola 10:42

Na swone, ahileletile kutivisa tiko, ni kuhamba vumboni bya leswaku hi Yene lweyi angabekeliwa hi Xikwembu Nkulukumba akuva muyavanyisi wa lava vahanyaka ni wa vafi.

Lk 8:17

Hikusa akuna xa ntxhumu lexi xifihliwiki xingatiki fukumuliwa; nakone hinkwaswu leswi inga xihundla, switibyiwa swiva swibekiwa alivaleni.

I Ptr 4:5

vone vatakatiyangulela ku lweyi atibekiseliki kuyavukanyisa lava hanyaka ni lava va kufa.

Rm 3:6

Aswitanu hikusa loko afa swilitanu, Xikwembu Nkulukumba, ataswikotisa kuyini kuyavanyisa misava?

II Ptr 2:9

Hi xileswi, a Hosi ya swikota kuhuluxa valulami amindringweni, ni kubekisela vasomboloki xikhatiso xa siku drayavanyiso,

II Tmt 4:1

Amahlweni ka Xikwembu Nkulukumba ni ka Kriste Yesu, lweyi atakayavanyisa lava vahanyaka ni lava vafiki, hi vito dra kuvoneka kwake ni hi Mfumu wakwe; nakukombela nili:

II Tmt 2:8

Drimuka Yesu Kriste, lwanga pfuka kufeni, wa lixaka dra Davida, hilaha nihlayaka ha kone a Ivhangeleni yanga,

I Tmt 1:11

swanga hi kulandra a Ivangeli ya kuphatima ya Xikwembu Nkulukumba lweyi akhensiwaka, leyi nirwexiwiki yone.

Rm 16:25

I Xikwembu Nkulukumba lweyi angaswikotaka a kun'wiyentxa n'witiya kupfumeleni, kufambelana ni Ivangeli leyi niyitivisiki ni hi ritu dra Kriste, swanga hi leswi hi nyikiwiki kutiva kungu dra matilo dra huluxo. A kungu ledro, dri fihliwiki kehe ku minkama hinkwayu,

Yohana 12:48

Lweyi anifularelaka, ava angayamukeli maritu yanga, ani lweyi amuyavanyisaka; a maritu lawa nimahlayaka hi wone matakamuyavanyisa hi siku dra vugamu.

Va-Heberu 9:27

Kutani swanga hi leswi kululamisiwiki leswaku vhanu vafa kan'we, nangweso kubuya kuyavanyisa.

II Tmt 4:8

Kutani swoswi nibekeliwa ngiyana ya kululama, leyi Hosi a muyavanyisi lweyi wa kululama, yitakaninyika asikwini ledro; a nge mine swanga vatahananiwa hinkwavu lava valaviselaka kubuya kwake.

II Kor 5:10

Hikusa swifanelile leswaku hinkweru hita ya tikombisa mahlweni ka huvu ya kuyavanyisa ya Kriste, leswaku mun'wana-ni-mun'wana ayamukela mayelana ni leswi nene kumbe leswakubiha aswiyentxiki, akuhanyeni kwake lani misaveni.

Rm 2:5

Kambe hinkonta yakunono'hwa kambilu yaku, leya kuka yingadjuli kundruluka. Hi swoleswo utihlengeletela nhlengo ya mahlundru a sikwini dra mahlundru ya kupfuleteleka ka tremo dra kululama dra Xikwembu Nkulukumba,

Mt 16:27

A N'wana wa Mhunu atata hi kuphatima ka Tatana wakwe, kun'we ni tintrumi takwe, kutani atatlhelisela mun'wana-ni-mun'wana kuya hi matirela yake.

Gl 1:11

Vamakweru, switivani leswaku a Ivangeli leyi ningan'witivisa yone ayipfanga ku vhanu.

I Kor 15:1

Vamakweru, nitlhela nin'witivisa a Ivangeli leyi nin'wirereliki yone, n'wiviki n'wiyiyamukela, n'witiya ku yone,