Rm 15:8 - Testamente Ledrimpswha ni Mapsalma

⁸ Niswihlaya mfuri leswaku, Kriste ateli kutirela lava vakusoka, hinkonta ya xihlayelamfuri xa Xikwembu Nkulukumba, akuva ata hetiseka a swidumbiso leswinga yentxiwa ku vatatana;

Rm 15:8 Referans Kwoze

Mt 15:24

Kambe yene aku: Anirumeliwanga ku van'wana, loko kunge ku tihamba ta kulahleka ta tiko dra Israyele.

Yohana 1:11

Atile ku va le kwavu, kambe avamuyamukelanga.

II Kor 1:20

Hikusa i swidumbiso hinkwaswu swinga ku Xikwembu Nkulukumba a hlaya: ina, hikusa, ha Yene kutani na hine hi hlaya Amen akuva kutwalisiwa Xikwembu Nkulukumba ha hine.

Yohana 10:16

Nakone, nini tihamba tin'wana leti tingeke ta ranga ledri. Nifanela kutibuyisa na tone. Titatayingela ritu dranga, kutani titava ntlhambi mun'we, tiva na Mubyisi mun'we.

Rm 15:16

akuva mutireli wa Yesu Kriste amakari ka va-Matiko. A ntirweni wa kutivisa Ivangeli ya Xikwembu Nkulukumba, leswaku va-Matiko vata kombisiwa ku Hosi swanga mhamba leyi trhavisaka ni leyi basisiwiki hi Moya wa Kuhlawuleka.

Rm 3:3

Kuhumelela yini loko van'wana vangapfumeli? A kukala kudumbeka kwavu kuta yentxa leswaku Xikwembu Nkulukumba na Yene angadumbeki?

Ef 2:12

ankameni lowo afa n'wingalina Kriste, afa n'witravukanisiwile ni tiko dra Israyele, afa n'wili lava vangativiwikiki ku xipfumelelanu xa xidumbiso, na n'wingalina kulavisela n'wingalina Xikwembu Nkulukumba misaveni.

Rm 11:30

Swanga hi leswi na n'wine nkama mun'wana n'wingatiyalisa ku Xikwembu Nkulukumba, kambe swoswi, leswi va-Yuda vatiyalisiki, n'wine mi yamukeli kutretrelela ka Xikwembu Nkulukumba.

Rm 11:22

Lavisani, avunene ni kunono'nhwa ka Xikwembu Nkulukumba: Anonon'hwela lava va wiki, kambe a yentxa vunene ku wene, loko utrhama avuneneni byake, Hi ndlela yin'wana, na wene uta tremiwa.

Rm 4:16

Leswi hiswone leswi swibuyisaka kupfumela, akuva swiva hi timpswalu, leswaku a xidumbiso xiva lexi xitiyisiwiki a tinxakeni hinkwatu, na ange ntsena leswi swinga nawini, kambe na swone swiva hikupfumela loko kuviki na Abrahamu hikusa Abrahamu i tatana wa hinkweru,

Rm 3:26

akuva a kota kuvonekisa akululama kwake ku nkama wa swoswi, akuva ava lweyi alulamiki, niku hlaya mululami lweyi apfumeliki ku Yesu.

Mintiro Ya Vapostola 13:46

Kutani Pawulosi na Barnabasi, vakhanela hi ntamu vaku ku vone: Afa kusindriseka leswaku a Ritu dra Xikwembu Nkulukumba drihlayiwa ku n'wine va-Yuda, kusungula. Kambe leswi n'widriyalaka, n'witipimisaka lava vangafanekeliki hi vutomi lebyi byingahelikiki, vonani hiya ku lava vangeke va-Yuda.

I Kor 15:50

Kutani swoswi, vamakweru, nihlaya leswaku a nyama ni ngati aswina kuswikota a kuyamukela a pfindla dra Mfumu wa Xikwembu Nkulukumba, ni kubola, akuna kuswikota a kuyamukela a pfindla dra kuka-kubola.

I Kor 10:29

Kutani anihlayi lipfalu draku, kambe dra mun'wana; hikusa a vuntrhunxeki byanga byingayavanyisiwela yini hi lipfalu dra mun'wana?

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

I Kor 10:19

Nili yini-ke? Xana leswi switlhaveliwaka a swikwembu swakuka-ndlela i ntxhumu? Kumbe a xikwembu xa kuka-ndlela i ntxhumu, xana?

I Kor 1:12

Nihlaya leswo hi leswi mun'wana-ni-mun'wana ku n'wine aliki: Mine ni wa Pawulosi!, Mine ni wa Apolo!, Mine ni wa Petrosi!, Mine ni wa Kriste!