Rm 15:30 - Testamente Ledrimpswha ni Mapsalma

³⁰ Vamakweru, nan'witratriya ha Yesu Kriste ni hi lirandru anilandra a Moya wa Kuxwenga wuhinyikaka leswaku mi tlhangana kun'we na mine, n'wikukhongota hi kuhiseka ku Xikwembu Nkulukumba ha mine.

Rm 15:30 Referans Kwoze

Va-le-Kolosa 4:12

Awa n'widrungula nangweso Epafra lweyi i nga mun'we wenu, a ntirweni wa Kriste, an'wilwelaka minkama hinkwayu hi swikhongoto, akuva n'witiyisiwa n'wiva lava vahetisekiki, akurandreni hinkwaku ka Xikwembu Nkulukumba.

II Kor 1:11

Na n'wihipfunisa hi swikhongoto swenu, leswaku lava vanyingi, vankhensi Xikwembu Nkulukumba hikola ka nyiko leyi hinyikiwiki yone hinkonta ya swikhongoto swa lava vanyingi.

I Tsl 5:25

Vamakweru, hikhongotelani.

II Kor 4:11

Hikusa hine hihanyaka, hinyiketiwa kufeni nkama hinkwawu hinkonta ya Yesu, akuva na kone a vutomi byake byitikombisa amirini yeru leyi mifaka.

II Tsl 3:1

Avugan'wini vamakweru, hi kombelelani ku Xikwembu Nkulukumba leswaku a Ritu drakwe driya mahlweni drihangalaka hi kuhangwesa, ni kuva driyamukeliwa ha hombe swanga hileswi driviki xi swone a makari kwenu.

Va-le-Filipiya 2:1

Hileswo-ke, loko kutratriyiwa kuli kone ku Kriste, loko kuli kone kumiyetiwa hi lirandru, loko kutlhangana ka Moya kuli kone, loko a lilondro ni lirere swili kone,

Va-le-Kolosa 2:1

Hikusa nirandra leswaku n'witiva akulwa lokukulu loku nilwaka kone ha n'wine, hinkonta ya lavanga Lawodikiya, ni hinkwavu van'wana lavanga ni tiviki hi liso dranga.

II Kor 4:5

Hikusa ahi tireri hine, kambe hi rera Kriste a Hosi, mfuri hine vatiri venu hinkonta ya Kriste.

II Tmt 4:1

Amahlweni ka Xikwembu Nkulukumba ni ka Kriste Yesu, lweyi atakayavanyisa lava vahanyaka ni lava vafiki, hi vito dra kuvoneka kwake ni hi Mfumu wakwe; nakukombela nili:

Va-le-Kolosa 1:8

Lweyi angahibyela hi swa lirandru drenu n'wingana drone, amoyeni.

Ef 6:19

Mfuri na mine n'wini khongotela, akuva Xikwembu Nkulukumba anihuhutela, akupfuleni ka nomo wanga ni vulavula hikudumba, akuva a ntiro wa mhaka ya Ivangeli yi vonekisiwa,

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

II Kor 12:10

Na nyoxa hikola ka gome, aswiruko, akupfumala, akuxanisiwa ni kubindreliwa hinkonta ya lirandru dra Kriste. Hikusa, loko nini gome, lahu hi kone ninga ni ntamu.