Rm 15:16 - Testamente Ledrimpswha ni Mapsalma

¹⁶ akuva mutireli wa Yesu Kriste amakari ka va-Matiko. A ntirweni wa kutivisa Ivangeli ya Xikwembu Nkulukumba, leswaku va-Matiko vata kombisiwa ku Hosi swanga mhamba leyi trhavisaka ni leyi basisiwiki hi Moya wa Kuhlawuleka.

Rm 15:16 Referans Kwoze

Rm 11:13

Swoswi nibyela n'wine va-Matiko, mine ni mupostola wa va-Matiko, nitwalisa vutireleni byanga.

Rm 1:1

Mine Pawulosi ningamutiri wa Yesu Kriste, nivitaniwiki nihlawuliwa akuva mupostola wa Ivangeli ya Xikwembu Nkulukumba,

Va-le-Filipiya 2:17

Mfuri, Nambi loko nyiketiwa a mhambeni ni le kutireleni ka kupfumela kwenu, na nyoxa niva nitrhava na n'wine hinkwenu.

Mintiro Ya Vapostola 9:15

Kambe Hosi yiku ku Ananiya: Famba, hikusa yelweyo, ku mine i xibya xa kuhlawuliwa, xitakatwalisa a vito dranga amahlweni ka va-Matiko, ni ka vafumi, ni ka vana va Israyele.

II Tmt 1:11

leyi ni bekiwiki kuva mureri ni mupostola, ni mudondrisi wa yone.

I Tmt 1:11

swanga hi kulandra a Ivangeli ya kuphatima ya Xikwembu Nkulukumba lweyi akhensiwaka, leyi nirwexiwiki yone.

Va-Heberu 13:16

N'wingadrivali kuyentxa leswi swinene ni kuyavelana leswi n'winga naswu van'we ku van'wana, hikusa hikola ka switlhavelo leswo, Xikwembu Nkulukumba awatitrhavisa.

Rm 15:18

Hikusa mine anitiyi nhlana wa kukhanela loko kunge hi leswi Kriste aswi yentxiki ha mine akuva ni yisa va-Matiko kuyamukela Xikwembu Nkulukumba. Leswo swi yentxiwi hi maritu ni mintiho,

Mintiro Ya Vapostola 20:24

Kambe anitihlayeli ntxhumu hi vutomi byanga, aniyanakanyi leswaku byini lisima ku mine; nitakota kuheta a mpfhuka wanga ni ntiro, lowu niwuyamukeliki ku Hosi Yesu, wa kuva ni hambela vumboni Ivangeli ya timpswalu ta Xikwembu Nkulukumba.

I Tmt 2:7

vumboni lebyi mine nibekiwiki swanga mureri, ni mupostola wa byone, nihlayelamfuri, anihembi, mine ni mudondrisi wa va-Matiko akupfumeleni ni le xihlayelamfurini.

II Kor 5:20

Hileswo-ke, hivakombisi lava vakhanelaka hikola ka Kriste, swanga hiloko Xikwembu Nkulukumba a tratriya ha hine. Hin'wikombela hinkonta ya Kriste, leswaku n'witibuyelelisa ni Xikwembu Nkulukumba.

I Kor 4:1

Xiswoswo, a vhanu hinkwavu avavoni swanga vatireli va Kriste, ni valaveleli va swihundla swa Xikwembu Nkulukumba.

I Ptr 2:5

Na n'wine, swanga maribye lawa mahanyaka, n'wiyakiwa n'wiva yindlu ya moya, avupristeni bya kuxwenga, akuva n'winyikela ha Yesu Kriste, a timhamba ta moya, leti tiyamukelekaka ku Xikwembu Nkulukumba.

I Ptr 1:12

Ku vone kupfuleteliwile leswaku afa vangatitireli, kambe afa vatirela n'wine ku mintxhumu leyi swoswi mitivisiwiki ku n'wine hi lava van'wirereliki a Ivangeli hi ntamu wa Moya wa Kuxwenga, lowu wurumeliwiki hi le Tilweni, a mintxhumu leyi nambi tintrumi tidjulisisaka kun'witiva.

I Tsl 5:23

Ke, Xikwembu Nkulukumba wa kurula an'wibasise kakuhinkwaswu, ne moyeni wenu ne hikeni ni mirini, n'wiva lava vabekisekaka hi mfanelo, n'wingave ni kusoleka akubuyeni ka Hosi yeru Yesu Kriste.

I Tsl 2:9

Kunene n'wadrimuka, vamakweru, a ntiru weru ni kutikarata kweru; hitiri vusiku ni nhlikanhi, akuva hingabindriseli ni mun'we ku n'wine, hi n'wirerela Ivangeli ya Xikwembu Nkulukumba.

I Tsl 2:2

Kambe ntrhaku ka kuva hi xanisiwile ni hi kurukiwa le Filipiya, swanga hi leswi n'wiswitivaka, hi ve ni kutiyisela ku Xikwembu Nkulukumba weru, akuva hi n'wihlayela Ivangeli ya Xikwembu Nkulukumba a tikweni drenu, hikulwa loku kukulu.

Va-le-Filipiya 4:18

Mine ni yamukeliki swinyingi, ni naswu hi ntalu; swinitalelile, ntrhaku ka kuyamukelisiwa ha Epafrodito leswi ni rumeliwiki ha n'wine, swanga hi kunun'hwela loku ka kunandrika, ni mhamba leyi yamukeliwaka ni kutrhavisa Xikwembu Nkulukumba.

Ef 2:22

Ha Kriste, mfuri na n'wine n'wiyentxa xiyenge xa yindlu leyo, leyinga yindlu lomu Xikwembu Nkulukumba atrhamaka kone hi Moya wakwe.

Ef 2:18

Akutlangeliwe Yene hikusa haswikota swoswi, swanga ha van'we ku van'wana hitlhasa ku Tatana, na hifambisiwa ha Moya mun'we.

Gl 3:5

Lweyi an'wiyavelaka Moya, lweyi atiraka mintamu, xana aswiyentxi hi mintiro ya nawu, kumbe hi kuyingela ka kupfumela xana?

II Kor 11:23

N'wivatireli va Kriste? Mine ni nandra wa kuyampswa kutlula vone: Hi mintiro, ni swin'wana; ngopfu-ngopfu a madjele; hi kubiwa na kunge na mpimu, amakhombyeni ya kufa hi minkama leyi minyingi.

II Kor 8:5

Nakone, avayentxanga leswi afaka hi lavisele swone ntsena, kambe varangi vatinyiketa ku Hosi ha byavu, ntrhaku hine, hi kurandra ka Xikwembu Nkulukumba.

I Kor 6:19

Kumbe xana an'wiswitivi leswaku a miri wenu i tempele dra Moya wa Kuxwenga, lowu wunga ku n'wine, lowu wupfaka hi le ku Xikwembu Nkulukumba, ni leswaku n'wine an'witilumbi, xana?

I Kor 3:5

Ke, Pawulosi hi mani xana? Na yene Apolo hi mani xana? Loko vangali malandra, lava n'wine n'wipfumeliki hikola kwavu, hi laha mun'wana-ni-mun'wana anyikiwiki Hosi?

Rm 15:29

Natiyisa leswaku, loko nitatlhasa halanu, nitata na nitali hi matovoko ya Kriste.

Rm 5:5

Swatwala, akulavisela akuvangi tingana, hikuva alirandru dra Xikwembu Nkulukumba dritxheleteliwile atimbilwini teru, hi Moya wa Kuxwenga lowu hinyikiwiki wone.

Mintiro Ya Vapostola 22:21

Kambe Yene aku ku mine: Famba, hikusa mine nitakuruma a kule, amakari ka va-Matiko.

Mintiro Ya Vapostola 20:32

Kutani nin'wibeka ku Xikwembu Nkulukumba ni le ritwini dra timpswalu takwe, lweyi akotaka kun'wiyakisa, ni kun'winyika a pfindla kun'we ni hinkwavu lava vahlawulekisiwaka.

Mintiro Ya Vapostola 13:2

Siku drin'wana loko vone vagandrela Xikwembu Nkulukumba ni kutitrona, a Moya wa Kuxwenga wuku: Nibekelani Barnabasi na Saulo akuva vaya hetisa a ntiro lowu ni va vitaneliki wone.

Rm 15:19

hi mahlolana ni swikombiso, hi ntamu wa Moya wa Xikwembu Nkulukumba. Hi ndlela leyi na tivisa Ivangeli ya Kriste, kusukela Yerusalema ni hinkwawu matlhelo akuya tlhasa tikwaneni dra Ilirika.

Rm 15:20

Nambi swilitanu ni tikaratile hi kutivisa ntsena a Ivangeli lomu Kriste afaka angasinatibyiwa, akuva ninga tiyaka ahenhla ka masungulo ya vambe.

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.