Rm 15:14 - Testamente Ledrimpswha ni Mapsalma

¹⁴ Mine, nini kudumba vamakweru, hikola kwenu, leswaku n'witali hi vunene, n'witali hi vutivi byinyingi, n'witibekiseli akuva n'wilayana van'we ni van'wana.

Rm 15:14 Referans Kwoze

II Ptr 1:12

Hileswo-ke, nitaya mahlwini hi ku n'widrimuxa hikola ka leswo, nambi n'wiswitiva, ni kuva n'witiyile xihlayelamfurini lexi n'wingana xone.

I Yhn 2:21

Loko mine ni n'witralela hileswaku n'wine n'witiva xihlayelamfuri; ni leswaku amakone madrimi lawa mahumaka xihlayelamfurini.

I Kor 8:1

Mayelano ni mintxhumu leyi miphahleliwiki a swikwembu swakuka-ndlela, haswitiva leswaku hinkweru hini vutivi. A vutivi byiyentxa leswaku a mhunu atikukumuxa, kambe a lirandru drayaka.

I Tsl 5:11

Hiswoswo, khongotelanani n'wiyakisana van'we ku van'wana swanga hi laha n'wiyentxiki ha kone kutlhasa swoswi.

Va-le-Kolosa 3:16

A ritu dra Kriste adrihanyi hi kuyandra ku n'wine, akutiveni hi hinkwaku, n'widondrisana ni kukwhavelana van'we ku van'wana hi kuyimbelela hi Mapsalma, ni tinsimu ta moya, n'wiyimbelelela Xikwembu Nkulukumba, n'witlangela hi mbilu hinkwayu.

I Kor 8:10

Hikuva loko mun'we akuvona, wene ugani kutiva, na utrhami akudeni, atempeleni dra swikwembu swakuka-ndlela, a lipfalu drakwe, lweyi wa gome, dringaka dringatiyisiwi akuva ada leswi swiphahleliwiki a swikwembu swakuka-ndlela, xana?

I Kor 8:7

Kambe a kutiva leswo akukumeki ku hinkwavu; hikusa van'we, hi kutolovela a swikwembu swakuka-ndlela kutlhasa ni swoswi, vada leswi swiphahleliwiki a swikwembu swakuka-ndlela, kutani lipfalu dravu, dringa dra gome, drinyamisiwa.

I Kor 1:5

hikusa, ku mintxhumu hinkwayu, n'windruluki swipfundri ku yene, aritwini hinkwadru, ne kutiveni hinkwaku;

Filimoni 1:21

Hikudumba loko ninga naku, hi kuyingelisisa kwakwu, ni kutralelaka leswi, na nitiva leswaku utayentxa leswi ni kukombelaka, mfuri ni kutlula leswo.

I Tsl 5:14

Ha n'wikombela mfuri vamakweru, akuva n'wiluleka lava vakukala vangatibekisi, tiyisani lava vaheliki timbilu, byatrhani lava vagome, n'wilehisela hinkwavu ambilu.

Ef 5:9

Hikusa a mhandru wa livango, i vunene hinkwabyu, ni kululama ni xihlayelamfuri,

Va-Heberu 6:9

Kambe loko ali n'wine-ke, varandriwa, hi lavisela mintxhumu leminene, mintxhumu lemifaneliwaka hi huluku, swin'witlhasisa kuhuluxiweni, nambi hinga khanelisa xiswoswo.

Va-Heberu 5:12

Nambi leswi swoswi afaka n'wifanekeli kuva vadondrisi. Kambe hikulandra minkama leyi mihundriki, mahadjula mhunu lweyi angadondrisaka, ha wumpswha aswileleto swa masungulu ya timhaka ta Xikwembu Nkulukumba, xileswo n'windruluki lava vadjulaka ntrwamba na kunge hi swakuda leswi switiyiki.

II Tmt 1:5

hi kukumbuka kupfumela kwaku loku ngeke na kukanganyisa, loku afaka ali naku kokwana waku Loyide kusunguleni, ni mamana waku Ewunice, ni nikudumba leswaku unaku na wene.

Va-le-Filipiya 1:11

N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.

Va-le-Filipiya 1:7

Mfuri swilulamile leswaku ni n'wiyanakanya swoswi n'wine hinkwenu; hikusa ni na n'wine hinkwenu ambilwini, angava kubohiweni, nambi kutimpfekeleni ni kutiyiseni ka Ivangeli, na kone n'wivayaveliwa-kun'we na mine atimpswalu.

I Kor 13:2

Nakone nambi ningavani nyiko ya vuprofeta, nambi ningativa a swihundla hinkwaswu ni vutivi hinkwabyu; nambi ningava ni kupfumela hinkwaku la kakuva nisusa ni tinhava, loko ningana lirandru, ani ntxhumu.

I Kor 12:8

Hikuva mun'we anyikiwa hikola ka Moya, a ritu dra vutlhari; mun'wana, hikola ka Moya wolowo, anyikiwa a ritu dra vutivi;

II Kor 8:7

Swanga hi leswi n'witraleliwiki matlhelo hinkwawu, akupfumeleni, ni le kuvulavuleni, ni le kutiveni, ni le kukhinyeleni hinkwaku, ni le kurandreni, tralelani ni le ntirweni wa timpswalu.

II Tsl 1:11

Hiswoleswo han'wikombela hi kukhinyelela ku Xikwembu Nkulukumba weru, akuva an'wipfuna kuyangula kuvitana kwake, akun'winyika mintamu akuva n'wiyisa hi mintiro ku hinkwavu a makungu ya hombe, ni kundruluka kakutlhavukanya ka vupfumeli byenu.