Rm 14:22 - Testamente Ledrimpswha ni Mapsalma

²² Leswi u pfumelaka swone wene ha vuswaku aswivi makari kwaku ni Xikwembu Nkulukumba. Akatekile lweyi angalikina swakutiyavanyisa ha vuswake hikola ka leswi aswihlawulaka.

Rm 14:22 Referans Kwoze

I Yhn 3:21

Varandriwa, loko timbilu teru tinga hiyavanyisi, lahu hini kudumba kukulu amahlweni ka Xikwembu Nkulukumba,

Rm 14:5

Amun'we a hambanisa a siku drin'wana ni drin'wana, Kambe mun'wana apimisa leswaku masiku hinkwawu mafana. Mun'wana-ni-mun'wana afanela kuya hi laha akholwaka ha kone.

Yakobe 3:13

A kone makari kwenu anganivutlhari ni vutivi xana? Aakombise hi kunabyala ni hivutlhari a mintiro yake, ni hi mahanyela lawa manene.

Gl 6:1

Vamakweru, loko mhunu akumiwa na e nandrwini, n'wine lava vanga va Moya, mululamisani hi Moya lowu wa kunabyala, na utivonela ungatidringiwa na wene.

Rm 14:23

Kambe, loko mhunu ali nikukanganyisa hi tlhelo dra leswi aswidaka, hikusa angaswitivi kumbe Xikwembu Nkulukumba awaswiyamukela leswo, lweyo ani nandru hi kuda, hikusa angayentxi hi kulandra kupfumela. Hinkwaswu leswi aswiyentxaka na swiyalana ni kupfumela i xihono.

II Kor 1:12

Hikusa a lidrumo dreru drakuva vumboni bya lipfalu dreru, leswaku hi fambisiwi misaveni, hi vunene ni xihlayelamfuri xa Xikwembu Nkulukumba, akavanga hi vutivi bya vumhunu, kambe a timpswalwini ta Xikwembu Nkulukumba, mfuri ngopfu ku n'wine.

Rm 14:14

Swanga hi mupfumeli ku Hosi Yesu, naswitiva niva ni kholwa akuna ntxhumu lexi yilaka hi swa xone. Kambe, loko mun'wana ayanakanya leswaku a ntxhumu wa yila, wu ndruluka hakunene wa kuyila ku yene.

Rm 14:2

Amun'we akholwa leswaku hinkwaswu swadiwa, kambe lweyi wakutrana akupfumeleni, a da timbowa.

Mintiro Ya Vapostola 24:16

Hileswo-ke na mine nikhinyela minkama hinkwayu kuva ni lipfalu ledri dribasiki, amahlweni ka Xikwembu Nkulukumba ni le ku vhanu.

Rm 7:24

Nitihlaya mhunu wa khombo! Xana i mani lweyi ataka nintrhunxa mirini leyi miniyisaka kufeni?

Rm 7:15

Hikuva anitiyingelisisi leswi niswiyentxaka, hikusa aniyentxi leswi niswirandraka, kambe niyentxa leswi niswinyenyaka.

Rm 2:1

Hi swoswi, wene lweyi ungavaka mani na mani, awunakutilandrula hi kuyavanyisa van'wana. Hi kuvayavanyisa wa tiyavanyisa ha vuswaku, hikusa uyentxa swakufana na vone.

I Kor 8:7

Kambe a kutiva leswo akukumeki ku hinkwavu; hikusa van'we, hi kutolovela a swikwembu swakuka-ndlela kutlhasa ni swoswi, vada leswi swiphahleliwiki a swikwembu swakuka-ndlela, kutani lipfalu dravu, dringa dra gome, drinyamisiwa.