Rm 14:18 - Testamente Ledrimpswha ni Mapsalma

¹⁸ Lweyi atirelaka Kriste hi ndlela leyo, anyoxisa Xikwembu Nkulukumba na swini kuyamukeliwa hi vhanu.

Rm 14:18 Referans Kwoze

II Kor 8:21

Hikusa akuvilela kweru hileswaku hitira hivunene, kunge ntsena mahlweni ka Hosi, kambe na kone mahlweni ka vhanu.

I Ptr 2:20

Hikusa n'wini kutwaliseka ka kuyini loko n'witiyisela akuhodlotiweni na n'widohile, xana? Kambe, loko n'witiyisela akuxanisiweni na n'wiyentxa leswi swinene, leswo swakhenseka amahlweni ka Xikwembu Nkulukumba.

I Ptr 2:5

Na n'wine, swanga maribye lawa mahanyaka, n'wiyakiwa n'wiva yindlu ya moya, avupristeni bya kuxwenga, akuva n'winyikela ha Yesu Kriste, a timhamba ta moya, leti tiyamukelekaka ku Xikwembu Nkulukumba.

II Kor 5:11

Ke, leswi hitivaka kutxhaveka ka Hosi, Xileswo, hitratriya vhanu, leswaku Xikwembu Nkulukumba wa hitiva hikuhetiseka; na kone ni rindrela leswaku lipfalu drenu drihipfumela.

I Ptr 3:16

kambe swiyentxani hi kunabyala ni xitxhavu, n'wivani lipfalu ledrinene, akuva, ku leswi van'wifingetaka ha swone, vava ni tingana lava van'wifingetaka hi mahanyela yenu lawa manene ku Kriste.

I Tmt 5:4

Kambe loko mun'we mufelwa ali ni vana kumbe vatukulu, avadondre, hi kusungula, andangwini wavu, a kutinyiketela avukhongotwini, ni kutlhelisela vapswali vavu leswi vanga vayentxela swone; hikuva leswo swayamukeleka amahlweni ka Xikwembu Nkulukumba.

I Tmt 2:3

Leswi i swinene mfuri swakhenseka amahlweni ka Xikwembu Nkulukumba, Muhuluxi weru,

Va-le-Kolosa 3:24

Drimukani leswaku n'witayamukela hakelo dra pfindla ku Hosi, hikusa n'witirela Kriste, lweyi anga Hosi.

Va-le-Filipiya 4:18

Mine ni yamukeliki swinyingi, ni naswu hi ntalu; swinitalelile, ntrhaku ka kuyamukelisiwa ha Epafrodito leswi ni rumeliwiki ha n'wine, swanga hi kunun'hwela loku ka kunandrika, ni mhamba leyi yamukeliwaka ni kutrhavisa Xikwembu Nkulukumba.

II Kor 6:4

Kambe kuhinkwaswu, hi tiseketela swanga vatiri va Xikwembu Nkulukumba: Hikutiyisela loku kukulu, amahlomulweni, ni le kutitroneni, ni le kukamiweni ka mbilu,

II Kor 4:2

Hi trhikile amintxhumu leyi mifihliwiki leyi mikhomisaka tingana; ahi yentxi hi marengu, nambi kuli kusombolota ritu dra Xikwembu Nkulukumba; hikuhambana, nitinyiketa kutivisa alivaleni a xihlayelamfuri ku vhanu lavangani lipfalu, amahlweni ka Xikwembu Nkulukumba.

I Kor 7:22

Hikusa lweyi avitaniwiki a Hosini na ali xikarawa, i mutrhunxiwa wa Hosi; hi xiswoswo na yene lweyi avitaniwiki na atrhunxekile, i xikarawa xa Kriste.

Rm 16:18

hikusa volavu avatireli Kriste Hosi yeru, kambe, ina votirela makhuri yavu. Hi maritu yavu lawa ya hombe ni hi kukutxa, vakanganyisa vhanu lava vangeke na rengu.

Rm 14:4

U mani wene uyavanyisaka a nandra wa mun'wana? Ku hosi yake nambi ayimile, kumbi awa; kambe ata yima, hikusa a Hosi yini ntamu waku muyimisa.

Rm 12:11

N'wingavi malolo akukhinyeleni kwenu, pfurani moyeni, n'witirela Hosi.

Rm 6:22

Swoswi kutani n'wintrhunxekiki ku xidoho, n'windrulukiki n'wiva switiro swa Xikwembu Nkulukumba. N'wini handru wenu akuva n'wibasisiwa, akuva n'witava ni vutomi lebyi byingahelikiki.

Mintiro Ya Vapostola 10:35

Kambe a tikweni drin'wana ni drin'wana, lweyi amutxhavaka ni kutira swakululama, awayamukeleka ku Yene.

Yohana 12:26

Loko mhunu adjula kunitirela, a anilandre, kutani laha ninga kone, na yene nandra wanga atava kone. Loko mhunu anitirela, Tatana atamukomba xitxhavu.

Marka 13:34

Swifana ni loko a nuna wa kukari asiya a yindlu yake ayendra, anyiketa ku malandra yake a ntamu wa kuyibekisa, na mun'wana-ni-mun'wana ani ntiro wakwe, kutani aleleta ku muyimeli wa nyangwa akuva alavelela.

II Kor 5:9

Hiswoswo-ke, na hine hitikarataka, leswaku nambi hili kuyindlu leyi, kumbe hirura ku yone, akuva hitrhavisa Hosi.

Va-le-Filipiya 4:8

Avugan'wini, vamakweru, hinkwaswu leswi swinga xihlayelamfuri, hinkwaswu leswi swinkhensekaka, hinkwaswu leswi swilulamiki, hinkwaswu leswi swibasiki, hinkwaswu leswi swirandrekaka, hinkwaswu leswi swinga ni vito ledrinene, loko kuli ni leswi swinga ni vunene, ni loko kuli ni kukhenseka swiyanakanyani.

I Ptr 2:12

n'wiva ni mahanyela manene amakari ka va-Matiko, akuva, leswi van'wihlevaka ha swone swanga tinsulavoya, hi kuvona a mintiro yenu leminene, vatatwalisa Xikwembu Nkulukumba hi siku ledri atakavayendrela ha drone.