Rm 14:15 - Testamente Ledrimpswha ni Mapsalma

¹⁵ Ke, loko wene upfuxa kuvaviseka ku makwenu hinkonta ya leswi uswidaka, kutani awahayentxi hi lirandru. Hi swakuda swaku, unga vi pfuxa kulahleka ka mun'wana lweyi Kriste amufeliki.

Rm 14:15 Referans Kwoze

Gl 5:13

Hikusa n'wine vamakweru, n'wivitaneliwi kuntrhunxeka; hileswo ke, n'wingatxhuki n'witeka kuntrhunxeka n'wikuyentxa hi kurandra ka nyama, kambe fambani hi lirandru drin'wiyentxa leswaku n'witirelana van'we ni van'wana.

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

I Kor 8:1

Mayelano ni mintxhumu leyi miphahleliwiki a swikwembu swakuka-ndlela, haswitiva leswaku hinkweru hini vutivi. A vutivi byiyentxa leswaku a mhunu atikukumuxa, kambe a lirandru drayaka.

Rm 15:2

Mun'wana-ni-mun'wana wenu afanekela kutrhavisa wa-le-kwavu ku leswinga swinene akuva swita mutiyisa akupfumeleni.

Rm 14:20

Ungahoni a ntiro wa Xikwembu Nkulukumba hinkonta ya swakuda. Kunga diwa hinkwaswu, kambe swi bihile kuda xa ntxhumu lexi yisaka van'wana kudoheni.

I Yhn 2:2

Hi yene anga mhamba ya kususa swidoho sweru; swinge sweru ntsena, kambe swakuva swa misava hinkwayu.

I Kor 13:1

Nambi loko mine ningavulavula a tindrimi ta vhanu ni ta tintrumi, loko ningana lirandru, nifana ni nhumbu leyi yipfumaka, xinsimbana lexi xihambaka a mpfumawulu.

Rm 13:10

Alirandru adriyentxeli wa-le-kwavu swakubiha. Hileswo-ke, a lirandru i kuhetisa ka nawu hinkwawu.

II Ptr 2:1

Kahumeleli vaprofeta va madrimi amakari ka tiko dra va-Yuda, swanga hi leswi vataka va kone makari kwenu a vadondrisi va madrimi, lava taka dondrisa tidondro leti honisaka ta madrimi vatalandrula ni Hosi leyi vatiruliki, kambe vatatekeliwa kulahlekeni hi kuhangwesa.