Rm 14:14 - Testamente Ledrimpswha ni Mapsalma

¹⁴ Swanga hi mupfumeli ku Hosi Yesu, naswitiva niva ni kholwa akuna ntxhumu lexi yilaka hi swa xone. Kambe, loko mun'wana ayanakanya leswaku a ntxhumu wa yila, wu ndruluka hakunene wa kuyila ku yene.

Rm 14:14 Referans Kwoze

Tito 1:15

Hinkwaswu swibasile ku lava vabasiki, kambe ku lava vanyamiki ni lava vangapfumelikiki, akuna lexi xibasiki hikusa akuyanakanya kwavu ni lipfalu dravu swinyamisiwile.

Rm 14:2

Amun'we akholwa leswaku hinkwaswu swadiwa, kambe lweyi wakutrana akupfumeleni, a da timbowa.

I Kor 8:7

Kambe a kutiva leswo akukumeki ku hinkwavu; hikusa van'we, hi kutolovela a swikwembu swakuka-ndlela kutlhasa ni swoswi, vada leswi swiphahleliwiki a swikwembu swakuka-ndlela, kutani lipfalu dravu, dringa dra gome, drinyamisiwa.

I Tmt 4:4

Hikusa hinkwaswu leswi swivumbiwiki hi Xikwembu Nkulukumba i swa hombe, mfuri akuna leswi swingadreliwaka, loko swiyamukeliwa hi kutlangela,

I Kor 8:10

Hikuva loko mun'we akuvona, wene ugani kutiva, na utrhami akudeni, atempeleni dra swikwembu swakuka-ndlela, a lipfalu drakwe, lweyi wa gome, dringaka dringatiyisiwi akuva ada leswi swiphahleliwiki a swikwembu swakuka-ndlela, xana?

Mintiro Ya Vapostola 10:28

Kutani Petrosi aku ku vone: N'waswitiva, n'wine hinkwenu, leswaku swayila ku wanuna wa mu-Yuda kutlhangana, kumbe kunhingena andlwini ya mhunu wa matiko. Kambe mine, Xikwembu Nkulukumba anikombisi leswaku aswifanelanga kuhlaya leswaku mhunu awayila, kumbe angabasanga.

I Kor 10:25

Danani hinkwaswu leswi swixavisiwaka amimbangwini ya vuxavisi, na n'wingavutisi ntxhumu hinkonta ya lipfalu,

Rm 14:23

Kambe, loko mhunu ali nikukanganyisa hi tlhelo dra leswi aswidaka, hikusa angaswitivi kumbe Xikwembu Nkulukumba awaswiyamukela leswo, lweyo ani nandru hi kuda, hikusa angayentxi hi kulandra kupfumela. Hinkwaswu leswi aswiyentxaka na swiyalana ni kupfumela i xihono.

Rm 14:20

Ungahoni a ntiro wa Xikwembu Nkulukumba hinkonta ya swakuda. Kunga diwa hinkwaswu, kambe swi bihile kuda xa ntxhumu lexi yisaka van'wana kudoheni.

Marka 7:2

Vavona van'we va vadondrisiwa lava afaka vada makati hi mandla lawa ya nsila, hileswaku hi mandla lawa yakuka manga basanga.