Rm 11:22 - Testamente Ledrimpswha ni Mapsalma

²² Lavisani, avunene ni kunono'nhwa ka Xikwembu Nkulukumba: Anonon'hwela lava va wiki, kambe a yentxa vunene ku wene, loko utrhama avuneneni byake, Hi ndlela yin'wana, na wene uta tremiwa.

Rm 11:22 Referans Kwoze

Va-Heberu 3:14

Hikusa hi yentxiwile lava vangavatirikuloni na Kriste, loko kunene hitiya kutlhasa vugan'wini, a kudumba loku hi viki na kone kusunguleni.

Va-Heberu 3:6

Kambe Kriste, avi swanga n'wana lweyi anga ndlwini yake, yindlu leyi anga hine, loko hi tibekisa hikutiya kukondra kutlhasa vugamu, ni kukulisa kulavisela loku hi tikutikutxaka ha kone.

I Kor 15:2

a lvangeli leyi n'wihuluxiwaka ha yone, loko n'wiyibekisa swanga hi laha nin'wirereliki ha kone, loko angali leswaku n'wepfumela mahala!

Yohana 15:2

A likambu lin'wana ni lin'wana ledringa ku mine, ledringabekiki mihandru, awadritrhema; kambe drin'wana ni drin'wana ledri dribekaka mihandru awadrikhakhata, akuva dritahundrisa kubeka mihandru.

Mpfuletelo 2:5

Drimuka-ke lomu uwiki kone! Tisole, utlhelela ku mintiro yaku ya kusungula; loko swingali tanu, nakutela, nitasusa a motre waku ambangwini wa wone, loko ungatisoli.

Gl 6:9

Hinga karaleni a kuyentxa leswi swinene, hikusa hitatrhovela hi nkama wa kone loko hingalolohi.

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.

Va-Heberu 10:23

Ahi bekiseni hi kutiya kutihlaya ka kulavisela kweru, hikusa lweyi anga ahi dumbisa awa dumbeka na Yene.

Mintiro Ya Vapostola 14:22

lomu vatiyisiki vapfumeli, ni kuvaleleta leswaku vaya mahlweni vatiyisela kupfumeleni, ni kuvadondrisa leswaku hikola ka mahlomulu lawa manyingi, swifaneli hinhingena a Mfun'wini wa Xikwembu Nkulukumba.

Yohana 8:31

Yesu aku ku va-Yuda lava afaka vapfumeli ku yene: Loko n'witiyisela ritwini dranga, n'witava vadondrisiwa vanga ha kunene.

I Tsl 3:8

Hikusa swoswi hahanya, loko n'witiyili aHosini,

Mintiro Ya Vapostola 11:23

Yelweyi-ke, loko atlhasa, avona timpswalu ta Xikwembu Nkulukumba, atrhava ngopfu; na swone akhongotela hinkwavu leswaku vanamarela ku Hosi hi kutiya mbilu;

Lk 8:15

A mbewu leyi yiweliki misaveni leminene, hi vhanu lava yingelaka a ritu hi timbilu leti tinene, vayingiseta kutani vadribekisa, vatiya vanyika a ntrhovelo wunene.

I Tsl 3:5

Hileswo, na mine mfuri ningakotangikiki kurindrela, ni murumi akuva nitiva ta kupfumela kwenu, na nitxhava leswaku amuwongi angan'wiwongi, akuva ntiro weru wutandruluka lowu wungapfunikiki ntxhumu.

I Yhn 2:19

Vone vahumi makari kweru, kambe afa vange va kakweru. Loko afa vali veru afa vatava vatrhami na hine. Kambe va fambile akuva va vonekisiwa leswaku afa vange veru, na mun'we ku vone.

Rm 11:21

Hikusa, loko Xikwembu Nkulukumba anga tretrelelanga tinkambu leti afaka tili ta ntumbuluku, na wene angatikutretrela.