Rm 10:16 - Testamente Ledrimpswha ni Mapsalma

¹⁶ Kambe ahi hinkwavu lava yamukelaka Ivangeli. Ezaya ahlayisi xiswoswo aku: Tatana, i mani xana lweyi apfumelaka kuleswi afaka hi rera swone?

Rm 10:16 Referans Kwoze

Rm 3:3

Kuhumelela yini loko van'wana vangapfumeli? A kukala kudumbeka kwavu kuta yentxa leswaku Xikwembu Nkulukumba na Yene angadumbeki?

Va-Heberu 4:2

Hikusa na hine hi yamukeli Ivangeli kufana na vone. Kambe a ritu ledri vangadriyingela adrivapfunanga ntxhumu, hikusa lava vangadriyingela ava driyamukelanga hi kupfumela.

II Tsl 1:8

Atata hi le makari ka malangavi ya ndrilo, a kutatakhatisa lava vayalaka Xikwembu Nkulukumba, ni lava vangayingisetikiki a Ivangeli ya Hosi Yesu Kriste.

Gl 5:7

N'wine leswi afaka n'witrutruma swinene, i mani lweyi a n'wiyimisiki kuya mahlweni hi kulandra xihlayelamfuri xana?

I Ptr 2:8

na swone: Ribye dra kukhunguvanyisa, ni ribye dra kudohisa; vone lava vakhunguvanyeka aritwini, na vangayingiseti nambi ku leswi vakongomiseliwiki swone.

Va-Heberu 11:8

Hi kupfumela Abrahamu ayingiseti loko avitaniwile akuva, kutani asuki atiyela atikweni ledri afaka atanyikiwa drone swanga pfindla. Asuki a famba na angakutivi lomu ayaka kone.

Va-Heberu 5:9

Kuti loko ahetisekisiwile, andruluki Muvangi wa huluku ledri dringahelikiki ku hinkwavu lava vamuyingisetaka.

Rm 6:17

Kambe, a kutlangeliwi Xikwembu Nkulukumba! N'wine lava n'wiviki swikarawa swaxidoho, kuhinkwaswu n'wivi nikuyingiseta hi mbilu amayentxela ya dondro dondrweni leyi n'wiyi nyikiwiki.

Rm 2:8

Kambe atavanyika xikhatiso lexakunono'wha lava vamupfukelaka ni lava vangamupfumelikiki hi xihlayelamfuri, kambe valandrelela vubihi.

I Ptr 3:1

Vavasati, na n'wine tibekani hansi amahlweni ka vanuna venu, akuva loko kuni lava vayalaka a ritu, hi mahanyela yenu, kungali hi kuvulavula, na vone vakokiwa,

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

Gl 3:1

Hayi! Vagalatiya, masinge ndrun'wine! N'wikanganyisiwi hi mani xana? N'wine lava ni n'wiyentxiki n'wivona Yesu Kriste lwa vambiwiki.

Rm 16:26

swoswi dri vonekisiwi hi mabuku ya vahlayi va ritu swanga hi leleto dra Xikwembu Nkulukumba lweyi angakone hila kungahelikiki. Kutani dri nyikiwi matiko hinkwawu leswaku wone mayamukela kupfumela.

Rm 11:17

Loko tinkambu tin'wana tiphatluliwile, kambe wene leswi unga nhlwari, utlhomiwa ansinyeni avutrham'wini bya tone; hikolahu utlhanganisiwi ni mutru uva ukuma ni nhome ya nhlwari lowu wa lisima;

Rm 1:5

Kuvi hikola kwake hi yamukeliki a timpswalu ni vurumiwa, kuyisela kuyingiseteni ka kupfumela, amakari ka vhanu va-Matiko hinkwawu hinkonta ya vito drakwe.

Mintiro Ya Vapostola 28:24

Van'we vakholwa leswi swihlayiwiki, van'wana vanga pfumeli,

Yohana 10:26

Kambe an'wipfumeli, hikusa an'wi tihamba tanga.

Mt 13:14

Xiswoswo kuhetiseka leswingahlayiwa hi muprofeta Ezaya lweyi angaku: Hi kuyingela, n'witayingela, kambe n'wingayingelisisi; hi kulangusa, n'witalangusa, kambe n'wingaka n'wingavoni.