Rm 1:7 - Testamente Ledrimpswha ni Mapsalma

⁷ Nitralela n'wine hinkwenu, Xikwembu Nkulukumba an'wirandriki, an'wivitaniki a kuhanyela Yene. Ingi Xikwembu Nkulukumba, Tatana weru, na Yesu Kriste Hosi yeru vangan'winyika timpswalu ni kurula.

Rm 1:7 Referans Kwoze

Va-le-Kolosa 1:2

ku vapfumeli ni vamakweru lava vakudumbeka ku Kriste lava vanga mutini wa Kolosa, hi n'winavelela timpswalu ni kurula leswi swipfaka ku Xikwembu Nkulukumba Tatana weru.

Ef 1:2

A timpswalu ni kurula leswipfaka ku Xikwembu Nkulukumba, Tatana weru, ni le ku Yesu Kriste Hosi yeru, aswive ku n'wine hinkwenu.

I Tsl 1:1

Pawulosi, na Silvano na Timotewu, hi kongomisa ku Kereke dra Tesalonika, ledri dringa ku Xikwembu Nkulukumba Tatana, ni le ku Hosi Yesu Kriste: a timpswalu ni kurula leswi swipfaka ku Xikwembu Nkulukumba Tatana, ni le ku Hosi Yesu Kriste, aswive na n'wine.

II Yhn 1:3

A timpswalu, ni lirere ni kurula, leswi swipfaka ku Xikwembu Nkulukumba Tatana, ni le ku Yesu Kriste, N'wana wa Tatana, switava na n'wine hi xihlayelamfurini ni lirandru.

Filimoni 1:3

A timpswalu ative na n'wine hinkwenu, ni kurula leswi swipfaka ku Xikwembu Nkulukumba Tatana weru ni le ku Hosi Yesu Kriste.

II Tsl 3:18

Ingi a timpswalu ta Hosi yeru Yesu Kriste tingava na n'wine hinkwenu.

II Tsl 3:16

A Hosi, Xikwembu Nkulukumba wa kurula aan'winyike kurula kwake minkama hinkwayu ni hi tindlela hinkwatu. A Hosi ayive na n'wine hinkwenu.

Mpfuletelo 22:21

A timpswalu ta Hosi yeru Yesu Kriste ative na n'wine hinkwenu. Amen!

Filimoni 1:25

A timpswalu ta Hosi yeru Yesu Kriste, ative ni moya wenu.

I Yhn 3:1

Lavisani vukulu bya lirandru ledri Xikwembu Nkulukumba Tatana, ahi randriki ha drone, kukota hihlayiwa vana va Xikwembu Nkulukumba! Kutani hine hi vana ha kunene! Hiswoleswo a misava amihitivi, hi laha mingativikiki Xikwembu Nkulukumba.

I Ptr 1:15

kambe swanga hi leswi lweyi an'wivitaniki axwengiki, na n'wine xwengani amahanyeleni yenu hinkwawu,

Tito 1:4

ku Tito n'wananga hi ntshima kupfumeleni loku kunga ka hinkweru, timpswalu ni kurula, swipfaka ku Xikwembu Nkulukumba Tatana ni le ku Kriste Yesu, Muhuluxi weru.

II Tmt 4:22

Hosi ayi ve ni moya waku. A timpswalu a tive na n'wine.

II Tmt 1:2

ku Timotewu n'wananga lweyi arandrekaka, a timpswalu ni lirere ni kurula, leswipfaka ku Xikwembu Nkulukumba Tatana, ni le ku Kriste Yesu, Hosi yeru.

I Tmt 1:2

ku Timotewu n'wananga hi xihlayelamfuri akupfumeleni: Timpswalu, ni lirere ni kurula, leswi swipfaka hi le ku Xikwembu Nkulukumba Tatana weru, ni le ku Kriste Yesu Hosi yeru.

I Tsl 5:28

A timpswalu ta Hosi yeru Yesu Kriste ative na n'wine.

I Tsl 4:7

Xikwembu Nkulukumba angahi vitanelanga vuwoswini, kambe akuxwengeni.

I Tsl 1:3

na hi n'widrimuka, hinga karali hikola ka mintiro ya kupfumela kwenu, ku ntiro wenu wa lirandru, ni kutiyisela ka kulavisela ku Hosi yeru Yesu Kriste, amahlweni ka Xikwembu Nkulukumba Tatana weru,

Va-le-Kolosa 3:12

Leswi angavahlawuliwa va Xikwembu Nkulukumba, vaxwengi ni varandriwa hi leswo-ke vanani ni lilondro ni vunene, kutitrongohata ni kunabyala, ni kulehisa ka mbilu.

Va-le-Filipiya 4:23

A timpswalu ta Hosi Yesu Kriste ative na n'wine hinkwenu.

Va-le-Filipiya 4:20

Kambe, nyikani lidrumu dra Xikwembu Nkulukumba ni Tatana weru, hi minkama ni minkama. Amen.

Ef 6:23

Akurula ni lirandru ni kupfumela aswive na n'wine vamakweru, leswipfaka ku Xikwembu Nkulukumba Tatana wa Hosi yeru Yesu Kriste.

Gl 6:18

A timpswalu ta Hosi yeru Yesu Kriste vamakweru, ative amimoyeni yenu hinkwenu. Amen!

I Kor 16:23

A timpswalu ta Hosi Yesu Kriste ative na n'wine.

Rm 9:25

Swanga hi leswi angahlaya abukwini dra Hoxeya aku: Nitavitana vatiko dranga ku lava afaka vange drone; ni murandriwa ku lweyi afaka angarandriwi;

Rm 5:1

Leswi hihlayiwiki valulami hi kupfumela, ahiveneni ni kurula ku Xikwembu Nkulukumba ha Hosi yeru Yesu Kriste.

Mintiro Ya Vapostola 15:23

Vahangatrala papela ha vone, vaku: Hine vamakwenu, vapostola ni vakulu, ku n'wine vamakweru amakari ka va-Matiko le Antiyokiya, ni le tikweni dra Siriya, na Kilikiya, xawani!

Va-le-Kolosa 3:15

A kufume timbilwini tenu a kurula ka Kriste, loku Xikwembu Nkulukumba an'wivitaneliki kone akuva n'wiyentxa miri min'we ntsena, vanani lava vatlangelaka.

Va-le-Filipiya 4:13

Ningaswikota ku hinkwaswu ku lweyi anitiyisaka.

Rm 8:39

nambi swakuva swa mintamu leyi mitlakukiki, nambi swakuva leswi swiyetiki. Akuna ntxhumu nambi ni mhunu lweyi a nga kotaka kuhi travukanyisa ni lirandru dra Xikwembu Nkulukumba, ahinyikiki ku dri tiva hi Hosi yeru Yesu Kriste.

Rm 1:6

Ku n'wine lava vanga Roma n'wikumeka ntlaweni lowo wa lava vavitaniwiki kuva va Yesu Kriste.

Mpfuletelo 2:1

Ku ntrumi ya kereke dra le Efesa trala uku: A hlaya leswi, lweyi atamelaka ntlhanu na tibiri wa tinyeleti avokweni drakwe dra xinene, lweyi afambaka a makari ka ntlhanu na mibiri wa mimotre ya gole:

Yakobe 1:1

Yakobe, nandra wa Xikwembu Nkulukumba ni wa Hosi Yesu Kriste, ni losa a tinxaka leti ta khume na tibiri tihangalakiki misaveni.

Yohana 20:17

Yesu aku ku yene: Unganikhumbe, hikusa anisintlhantukela ku Tatana. Kambe famba ku vamakweru uyavabyela leswaku nintlhantukela ku Tatana wanga ni Tatana wenu, ku Xikwembu Nkulukumba wanga, ni Xikwembu Nkulukumba wenu.

Mt 5:16

A kuvaninga kwenu akuvaningisi xiswoswo amahlweni ka vhanu, akuva vatakota kuvona a mintiro yenu leminene, vatatwalisa Tatana wenu lweyi anga Matilweni.

Mpfuletelo 3:22

Lweyi angani tindleve, ayingiseti leswi a Moya wuswibyelaka a makereke.

Mpfuletelo 3:14

Ku ntrumi ya kereke ledri dringa Lawodikiya trala uku: Lweyi anga Amen, a mboni leyi ya kudumbeka ni ya xihlayelamfuri, masungulu ya ntiro wa vutumbuluxi wa Xikwembu Nkulukumba, ahlaya leswi:

Mpfuletelo 3:7

Ku ntrumi leyi yinga kerekeni ledri dringa Filadelifiya trala, uku: Lweyi wa kuxwenga ni wa xihlayelamfuri, lweyi angani mpfungulu wa Davida, lweyi apfulaka kungapfali mhunu, lweyi apfalaka kungapfuli mhunu, ahlaya leswi:

Mpfuletelo 2:29

Lweyi angani tindleve ayingiseti leswi Moya wuswibyelaka a makereke.

Mpfuletelo 2:18

Ku ntrumi ya kereke ledri dringa Tiyatira trala uku: A N'wana wa Xikwembu Nkulukumba, lweyi angani mahlu lawa mafanaka ni langavi dra ndrilo, ni minkondro yake mifanaka ni nsuku lowu wukhuxiwiki, ahlaya leswi:

Mpfuletelo 2:12

Ku ntrumi ya kereke ledri dringa Pergamo trala uku: Lweyi angani lipanga dra kutrema hi matlhelo mabiri, drilotiwiki, ahlaya leswi:

Mpfuletelo 2:8

Ku ntrumi ya kereke ledri dringa Smirna trala uku: Lweyi wa kusungula ni wa vugamu, lweyi afaka afile kambe swoswi atlheliki ahanya, ahlaya leswi:

I Tmt 6:2

Nakone lava vangani vinyi lava na vone vanga vapfumeli, vangavadreli hi leswi vanga vamakwavu; kambe avavatireli ngopfu, hikusa lava vatireliwaka i vapfumeli ni varandriwa. Dondrisa a mintxhumu leyi hinkwayu na utratriya.

Mintiro Ya Vapostola 9:13

Ananiya ayangula aku: Hosi, niyingeli hi vhanu vanyingi a mhaka ya wanuna lweyo, ni hinkwabyu wubihi lebyi abyiyentxiki ku vahlawuleki vaku a Yerusalema.

Rm 5:5

Swatwala, akulavisela akuvangi tingana, hikuva alirandru dra Xikwembu Nkulukumba dritxheleteliwile atimbilwini teru, hi Moya wa Kuxwenga lowu hinyikiwiki wone.

Rm 8:28

Haswitiva hine leswaku hinkwaswu switlhanganela akuva switirisa ku lava varandraka Xikwembu Nkulukumba, vanga lava avavitaniki hi kungu drakwe.

I Kor 1:24

Kambe ku lava vavitaniwiki, va-Yuda kumbe va-Girika, Kriste i ntamu wa Xikwembu Nkulukumba ni vutlhari bya Xikwembu Nkulukumba.

Va-le-Filipiya 1:2

A timpswalu ni kurula aswive ku n'wine leswi swipfaka ku Xikwembu Nkulukumba, Tatana weru, ni le ku Yesu Kriste.

I Tsl 1:4

hileswi hi tivaka, vamakweru, leswaku akuhlawuliwa kwenu kupfa ku Xikwembu Nkulukumba.

II Tsl 1:2

Hin'winavelela timpswalu ni kurula, leswifaka ku Xikwembu Nkulukumba, Tatana, ni ku Hosi Yesu Kriste.