Rm 1:29 - Testamente Ledrimpswha ni Mapsalma

²⁹ Vataliki hi vusomboloki hinkwabyu, ni kunavela, ni vubihi, ni matrhoho, ni vudlayi, ni pfilumpfilu, ni madrimi, ni mona ni kuhleva.

Rm 1:29 Referans Kwoze

II Kor 12:20

Hikusa, na txhava kuta halanu natan'wikuma na n'wingasiva xileswi ni swirandraka, na mine na ningasiva xileswi n'wiswirandraka, akuva kungavi na timholova ni vukwele, ni mahlundru, ni kutravukana, ni mahlevo, ni kulumbetana ni kutikukumuxa, ni madzolonga.

Rm 3:10

Swanga hi kuhlaya ka Matralwa ya Kuhlawuleka: Akuna lwa lulamiki. Ni mun'we.

Mt 5:32

Mine kambe nili ku n'wine: A wanuna lweyi atrikaka a nsati wakwe, na kungena mhaka ya vumbuye, amuyentxa akuva ahamba vumbuye. Kutani na yene lweyi atekanaka ni lweyi atrikiwiki ayentxa vumbuye na yene.

I Tmt 3:11

Aswive xitanu na vone a vavasati, avave lava vafaneliwaka hi xitxhavu, vangavi va mahlevo, vava lava vatipimelelaka akudeni ni le kunweni, vava lava vadumbekaka ku hinkwaswu.

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.