Mt 9:8 - Testamente Ledrimpswha ni Mapsalma

⁸ Loko a switrhungu swivoni leswo, swiveni kutxhava, kutani switwalisa Xikwembu Nkulukumba, lweyi anyikiki ntamu wolowo ku vhanu.

Mt 9:8 Referans Kwoze

Lk 7:16

Loko vavoni leswi vakhomiwa hi kutxhava hinkwavu vasungula kutwalisa Xikwembu Nkulukumba vaku: A muprofeta lwenkulu ahumeleli a makari kweru! Vatlhela vaku: Xikwembu Nkulukumba ayendreli tiko drakwe!

Mt 15:31

lakakuva a switrhungu swihlamala ngopfu hi kuvona a timbheveve loko tisungula a kukhanela, a swilema swihanyisiwa, a vakukhuta vasungula kufamba swinene, ni vakufa-mahlu vasungula kuvona. Kutani vatwalisa Xikwembu Nkulukumba wa Israyele.

Mintiro Ya Vapostola 4:21

Kolahu a vafumi vatlhela vavatratriya, vavantrhunxa. Avakumanga laha vangavabaka ha kone, hikusa hinkwavu afa vadrumisa Xikwembu Nkulukumba hi leswi swihumeleliki.

Lk 23:47

Lweyi wa ndruna ya dzana loko avoni leswi swihumeleliki, atwalisa Xikwembu Nkulukumba aku: Kunene a mhunu lweyi afa alulamile!

Lk 17:15

Kambe mun'we ku vone, atiki avona leswaku ahanyisiwile, atlhelela ntrhaku na twalisa Xikwembu Nkulukumba hi ritu ledrakutlakuka.

Marka 2:12

A mhunu lweyi wa mbabyi ahanga pfuka, ahatla atlakula vunanu, ahuma mahlweni ka hinkwavu, lakakuva vahlamala hinkwavu. Vatwalisa Xikwembu Nkulukumba, vaku: Ahingiswivona swanga hi leswi!

Gl 1:24

Kutani afa vadrumisa Xikwembu Nkulukumba hinkonta yanga.

Yohana 15:8

Tatana wanga atwalisiwa hi loko n'wibeka mihandru yakutala, akukombisa leswaku n'wi vadondrisiwa vanga.

Lk 13:13

Ava amuntlhanteka ni mavoko, hi nomu-lo awololoka, adrumisa Xikwembu Nkulukumba.

Mintiro Ya Vapostola 11:18

Vone kambe, loko vayingeli timhaka leto, vahangarula, vadrumisa Xikwembu Nkulukumba, vaku: Kasi, Xikwembu Nkulukumba anyiki na vone va-Matiko akuva vandruluka vakuma vutomi!

Mintiro Ya Vapostola 21:20

Loko vamuyingelile, vadrumisa Xikwembu Nkulukumba, vaku: Waswivona, wene makweru, a madzana-dzana ni madzana-dzana lawa manga kone, ya va-Yuda lava vapfumeliki, vahahisekela a Nawu wa Moxe.

Marka 7:37

Nakone afa vahlamala ngopfu-ngopfu, vaku: Ayentxi hinkwaswu swinene. Ayingelisa va kufa-tindleve ni kuvulavulisa timbheveve.

Mt 28:18

Kolahu Yesu atrhindrekela akhanela navu aku: Ninyikiwi ntamu hinkwawu ni vuhosi atilweni ni le misaveni.

Mt 12:23

A switrhungu hinkwaswu afa swihlamala swiku: Xana yelweyi ahi N'wana Davida?

Mt 5:16

A kuvaninga kwenu akuvaningisi xiswoswo amahlweni ka vhanu, akuva vatakota kuvona a mintiro yenu leminene, vatatwalisa Tatana wenu lweyi anga Matilweni.

Mt 9:7

Lweyi wa kuwonyana swiro apfuka, atimukela a kaya kwake.

Lk 2:20

A vabyisi vatlhela na vatwalisa Xikwembu Nkulukumba vamukhensa hinkonta ya hinkwaswu leswi vaswiyingeliki ni leswi vaswivoniki, swanga hi leswi vabyelisiwiki xiswone.

Lk 17:18

Avakumekanga lava vakotiki kutlhelela ntrhaku, vatata twalisa Xikwembu Nkulukumba, loko ange lweyi ntsena, lweyi anga wa matiko?

Lk 18:43

Kutani, hi nomu-lo atlhela avona; ahanga mulandra, atwalisa Xikwembu Nkulukumba. Loko vaswivonile, a vatiko hinkwavu vatwalisa Xikwembu Nkulukumba.

II Kor 9:13

Loko va vona ntiro lowu, vata drumisa Xikwembu Nkulukumba, hinkonta yakuyingiseta kwenu akutihlayeni kwenu ka Mahungu lawa manene ya Kriste, ni hinkonta ya kuhanana kwenu loku kukulu ku vone, ni le kuhinkwavu.

I Ptr 2:12

n'wiva ni mahanyela manene amakari ka va-Matiko, akuva, leswi van'wihlevaka ha swone swanga tinsulavoya, hi kuvona a mintiro yenu leminene, vatatwalisa Xikwembu Nkulukumba hi siku ledri atakavayendrela ha drone.