Mt 7:24 - Testamente Ledrimpswha ni Mapsalma

²⁴ Lweyi ayingelaka a maritu yanga ava amayentxa, atafananisiwa ni wanuna lweyi atlharihiki, ayakiki a yindlu yake aribyeni.

Mt 7:24 Referans Kwoze

Yohana 13:17

Loko n'witiva leswo, n'wini ndjombo loko n'wiswiyentxa.

Lk 11:28

Kambe Yesu aku: Ngopfu vakatekile lava vayingelaka Ritu dra Xikwembu Nkulukumba vava vadribekisa.

I Yhn 2:3

Laha hi switivaka ha kone leswaku hamutiva Tatana hi loko hi bekisa swileleto swake.

Yohana 14:15

Loko n'winirandra, n'witabekisa milawu yanga.

Yohana 15:14

N'wi vanganu vanga loko n'wiyentxa leswi nin'wileletaka swone.

Yohana 15:10

Loko n'wibekisa milawu yanga, n'witatrhama alirandrwini dranga, swanga hi leswi na mine nibekisiki milawu ya Tatana wanga, kutani nitrhami lirandrwini drakwe.

Mt 12:50

Hikusa lweyi ayentxaka akurandra ka Tatana wanga lweyi anga Matilweni, lweyo i makweru waxinuna, ni makweru wa xisati ni mamana wanga.

Mt 7:25

Kutani kuna timpfula tinyingi, kukukumuka ni milambu, ni timheho tihunga, titataba a yindlu leyo; kambe ayiwanga, hikusa afa yiyakiwi aribyeni.

Mt 7:26

Kambe lweyi ayingelaka a maritu yanga ava angamayentxi atafananisiwa ni wanuna wa singe, ayakiki a yindlu yake apfunyeni.

Mt 16:18

Na mine nakubyela leswaku: Wene u Petrosi (ribye). A henhla ka ribye ledri nitayaka a Kereke dranga; nambi tinyangwa ta Hades tingadrihlule.

Mt 24:45

Hi mani-ke a mutiri lweyi wa kudumbeka ni kutlhariha, lweyi a hosi yake yimubekiki a henhla ka ndangu wa yone, akuva awuyavela a swakuda hi nkama lowu wufanekelaka, xana?

Mt 25:2

Lava va ntlhanu, ku vone afa ali masinge; kambe van'wana va ntlhanu afa ali tintlhari.

Mt 25:4

kasi lava vakutlhariha vateki a mimotre kun'we ni mafura hi swihlambetwana.

Mt 25:9

Kambe lava va kutlhariha vayangula vaku: Im'hi; hikusa mangatxhuka mangahiyaneli hine na n'wine. Swayapswa n'wiyatixavela lomu vaxavisaka kone.

Rm 2:13

Hikusa avayingeli ntsena va nawu, a hi valulami mahlweni ka Xikwembu Nkulukumba, kambe ntsena lava vayentxaka leswi swileletiwaka hi nawu hi vone vatakahlayiwa valulami.