Mt 7:15 - Testamente Ledrimpswha ni Mapsalma

¹⁵ Tivonelani ku vaprofeta va madrimi, lava vataka ku n'wine na vayambali swanga tihamba, kambe hi le ndreni i mahava lawa mahahlulaka.

Mt 7:15 Referans Kwoze

I Yhn 4:1

Varandriwa, n'winga pfumeleni ku mimoya hinkwayu; kambe kambisisani kusungula leswaku i mimoya ya Xikwembu Nkulukumba hi xihlayelamfuri, hikusa kuni vaprofeta vanyingi vamadrimi vahangalakiki misaveni.

Mt 24:11

Kutahumelela vaprofeta vanyingi va madrimi, vakanganyisa lava vanyingi.

Va-le-Kolosa 2:8

Tivonelani n'wingatitrika n'wikanganyisiwa hi tidondro ta vutlhari bya kukala ndlela, hi kulandra swihena swa vhanu kumbe hiku landra masungulo ya misava, na kunge hi ku tidondro ta Kriste.

Mpfuletelo 19:20

Kambe kukhomiwi xihari xa kulebya kun'we ni muprofeta wa madrimi, lweyi hi kuyentxa mahlolana ni swikombiso amahlweni ka yone, akanganyisiki lava vangayamukela xikombiso xa xihari xa kulebya, afaka vakhisamela xifaniso xa xone. A xihari ni muprofeta wa madrimi vatxukumetiwa na vaha hanya ativeni dra ndrilo lowu wupfuraka, wa xivavula.

Yd 1:4

Hikusa kunhingeni van'we vhanu hi xihundla, lava kusukela ka khale vatraleliwiki kuyavanyisiwa; vhanu va kubiha, vandruluta timpswalu ta Xikwembu Nkulukumba weru hivubihi, na kone valandrula Yesu Kriste lweyi anga Mudondrisi weru ntsena ni Hosi.

II Ptr 3:17

N'wine ke, varandriwa, n'witivisiwile swoswi, tivonelani! N'winga titrikeni n'wikokiwa hixihono xa lavanfani, akuva n'wingatiwa akutiyeni kwenu.

Lk 6:26

Yowee n'wine loko vhanu hinkwavu van'wikhensa, hikusa a vatatana vavu vayentxisi xiswoswo ku vaprofeta va madrimi.

II Tmt 3:13

A vhanu lava vanfani ni vakanganyisi vahaya mahlweni avubihini; va kanganyisa, na vone vakanganyisiwa.

II Tmt 4:3

Hikusa wutatlhasa nkama lowu vangatiki yamukela dondro leyi hanyisaka, kambe hi kunavela kwavu vatatihlengeletela vadondrisi lava vataka dondrisa leswi vaswitrhavelaka.

Va-le-Filipiya 3:2

Tivonelani atimbyaneni leto, tivonelani ku vatiri lava kubiha, tivonelani ka ta kusoka!

Ef 4:14

akuva hingahatami hiva swanga vatrongwana, lava vapfilunganyisiwaka vayisiwaka hala-ni-hala, hi tekiwaka hi timheho hinkwatu ta tidondro, hi kukanganyisiwa hi vhanu, hi marengu lawa vama nhingenisaka ya kuyisa mhunu ku honeni.

Gl 2:4

leswo swavi hikola ka vamakweru va madrimi, afaka vanhingenile na hine hi kukanganyisa, akuva vata kambisisa avuntxhunxeki byeru lebyi hinga nabyu ku Yesu Kriste; akuva vahi yentxa nangweso swikarawa swa nawu.

Lk 12:15

Ahangaku ku vone hinkwavu: Tivonelani n'witxhava a kufelela hinkwaku hikusa a vutomi bya mhunu angabyikumi ha vukosi byake, nambi bye mutalela.

Mpfuletelo 16:13

Nivona mimoya miraru leminfani, swanga makhele, mihuma non'wini wa dragoni ni le non'wini wa xihari xa kulebya, ni le non'wini wa muprofeta wa madrimi,

Ef 5:6

N'winga kanganyisiweni hi mhunu hi maritu ya kuka ndlela. Hikusa hikola ka leswo, amahlundru ya Xikwembu Nkulukumba mawa henhla ka vana lava vangayingisetikiki.

Mintiro Ya Vapostola 13:40

Tivonelani-ke, leswaku n'wingahumeleliwi hi leswi switraliwiki ku vaprofeta:

Yohana 10:12

Lweyi atirelaka mali na ange n'winyi wa tihamba, loko avona hava drita, atrika tihamba atrutruma kutani a hava dritiwutla ni kutihangalasa.

Mt 16:11

Xana an'wiyingelanga leswaku afa ningahlayi swa makati? Kambe tivonelani ku handrelo ya vafarisi ni ya vasaduki!

Mt 16:6

Yesu aku ku vone: Lavisani, tivonelani ku handrelo ya vafarisi ni vasaduki.

Mt 10:17

Tivonelani, hikuva vatan'wikokela tihubyini, vatan'wipswhita amasinagogeni,

Mpfuletelo 17:6

Kutani nivona lweyi wansati na apopswi hi ngati ya tinsasi ni ngati ya timboni ta Yesu; kutani loko nimuvona, nihlamala ngopfu hi kuhlamala lokukulu.

Mintiro Ya Vapostola 13:6

Vati loko vafamba-fambi xihlale hinkwaxu, kukondra vatlhasa a Pafo. Kone vakumi lweyi wanuna wa mu-Yuda, wa mungoma, muprofeta wa madrimi, a vito drakwe afaka vaku i Baryesu.

Mt 7:14

hikusa yikhumile a nyangwa, ni ndlela yilalile leyi yiyisaka avutomini, ni lava vayikumaka i vatrongo.

Mpfuletelo 20:10

Diyavulosi, lweyi a ngava kanganyisa, atxukumetiwi tiveni dra ndrilo ni wa xivavula, lomu kunga ni xihari xa kulebya ni muprofeta wa madrimi. Vata xanisiwa nhlikanhi ni vusiku hi madzana ni madzana ya malembe.