Mt 7:11 - Testamente Ledrimpswha ni Mapsalma

¹¹ Nambi n'wine n'winga vamfani n'witivaka a kunyika mintxhumu leminene ku vanenu, ngopfu Tatana wenu, lweyi anga Matilweni, atanyika leswi swinene ku lava vamukombelaka!

Mt 7:11 Referans Kwoze

Yakobe 1:17

Akuhanana hinkwaku loko ka hombe ni nyiko hinkwayu leyi ya kuhetiseka, swipfa henhla-henhla, swipfa ku Tatana, nhlovo ya livaningo hinkwadru. Ku yene akuna kundruluka nambi ntrhuti ni wun'we wa kundruluka.

Rm 8:32

Yene lweyi angatretrelelangakiki a N'wana wakwe, kambe ahinyiketi yene hinkweru, xana angaka angahihanani hinkwaswu kun'we ni N'wana wakwe?

Yohana 3:16

Hikusa Xikwembu Nkulukumba arandri misava swakunhati, ako anyika N'wanakwe lweyi apswaliwiki ali swake, leswaku mani na mani lweyi apfumelaka ku yene, angatxhuki alahleka, kambe akuma vutomi lebyi byingahelikiki.

I Yhn 4:10

Kutani a lirandru drile kuleswi: akuvanga hine lava varandriki Xikwembu Nkulukumba, kambe kuvi Yene ahirandriki kutani ahirumeli N'wana wakwe, akuva kudrivaleliwa swidoho sweru.

I Yhn 3:1

Lavisani vukulu bya lirandru ledri Xikwembu Nkulukumba Tatana, ahi randriki ha drone, kukota hihlayiwa vana va Xikwembu Nkulukumba! Kutani hine hi vana ha kunene! Hiswoleswo a misava amihitivi, hi laha mingativikiki Xikwembu Nkulukumba.

Rm 3:19

Ke haswitiva leswaku hinkwaswu leswi swihlayiwaka hi nawu, i swa lava vanga hansi ka nawu lowo, akuva milomu hinkwayu mipfaliwa, ni leswaku misava hinkwayu miva ni kuyavanyisiwa amahlweni ka Xikwembu Nkulukumba.

Gl 3:22

Kambe a Tralwa dripfaleli hinkwaswu a hansi ka xihono, akuva hi kupfumela ku Yesu Kriste, vanyikiwa xidumbiso hinkwavu lava vapfumelaka.

Rm 3:9

Hita kuyini ke? Hine va-Yuda hitava vakuyapswa kutlula van'wana xana? Ni kutrongo; hi kombisile leswaku hinkwavu, ingava va-Yuda swanga, Va-Girika, va le hansi ka nawu.

Mt 7:10

Kumbe angamunyikaka nyoka loko amukombela a nhlampfi, xana?

Mt 23:9

Mfuri n'wingatxhuleni mhunu Tatana wenu laha misaveni, hikusa Tatana wenu i mun'we ntsena, lweyi wa le Matilweni.