Mt 6:9 - Testamente Ledrimpswha ni Mapsalma

⁹ Hileswo-ke n'wifanela kukhongotisa xileswi: Tatana weru lweyi anga Matilweni. A vito draku adrihlawuliwe,

Mt 6:9 Referans Kwoze

Mpfuletelo 4:11

Uni mfanelo, we Hosi ni Xikwembu Nkulukumba weru, ya kuyamukela a lidrumu, ni xihluwa, na ntamu, hikusa utumbuluxi mintxhumu hinkwayu, hikola ka kurandra kwaku, minga kone, mfuri mivumbiwiki.

Rm 8:15

Hikusa an'wiyamukelanga Moya wa vukarawa, akuva n'wihanya na n'witxhava, kambe n'wiyamukeli a Moya wakuhlayiwa leswaku n'wi vana, lowu ha wone hi bandlukanaka: Abba, swidjulaka kuhlaya leswaku Tatana.

Gl 4:6

Hikusa n'wine n'wi vana, Xikwembu Nkulukumba arumi Moya wa N'wana wakwe atimbilwini teru, lowo wu bandlukana: Abba, swidjulaka kuhlaya leswaku: Tatana!

Mpfuletelo 5:12

na tihlaya hi ritu ledrikulu tiku: A Hambana leyi yingadlayiwa yini mfanelo ya kuyamukela ntamu, ni vukosi, ni vutlhari, ni ntamu, ni xihluwa, ni lidrumu, ni kukhensiwa.

Mt 7:11

Nambi n'wine n'winga vamfani n'witivaka a kunyika mintxhumu leminene ku vanenu, ngopfu Tatana wenu, lweyi anga Matilweni, atanyika leswi swinene ku lava vamukombelaka!

Mt 26:29

Nan'wibyela leswaku kusukela swoswi, ningahanwi mihandru ya nvhinya, kukondra kutlhasa a siku ledri nitakanwa swone na n'wine, na swi swimpswha a Mfun'wini wa Tatana wanga.

Mt 23:9

Mfuri n'wingatxhuleni mhunu Tatana wenu laha misaveni, hikusa Tatana wenu i mun'we ntsena, lweyi wa le Matilweni.

Mt 5:16

A kuvaninga kwenu akuvaningisi xiswoswo amahlweni ka vhanu, akuva vatakota kuvona a mintiro yenu leminene, vatatwalisa Tatana wenu lweyi anga Matilweni.

Lk 15:18

Nitasekeleka niya ku tatana, niyaku ku yene: We tatana, nidoheli Xikwembu Nkulukumba ni le mahlweni kwaku.

I Ptr 1:17

Ke loko n'wine n'wivitana swanga Tatana wenu, lweyi ayavanyisaka mun'wana-ni-mun'wana mayelano ni mintiro yake, na angayentxi xihlawu-hlawu xa vhanu, hanyani hi kutxhava, ankameni lowu wa kuhundra kwenu lomu misaveni,

I Tmt 6:16

yene ntsena angani kuka-kufa; lweyi atrhamaka alivaningweni ledri dringalikina kutrhindrekeleliwa; lweyi angasamiki avoniwa hi mhunu, mfuri ni mun'we mhunu angamuvonaka. Ku yene akuveni xihluwa ni ntamu lowu wungahelikiki. Amen.

Lk 15:21

Kambe a n'wana aku: Tatana, nidoheli Xikwembu Nkulukumba ni le mahlweni kwaku. Anahafaneli akuva nihlayiwa n'wanaku.

Lk 2:14

A kutwala akuve ku Xikwembu Nkulukumba a Matilweni ya le henhla-henhla, ni kurula amisaveni ku vhanu lava atitrhavelaka ha vone.

Mt 6:14

Hikusa, loko n'widrivalela vhanu a swidoho swavu, Tatana wenu wa le Tilweni atan'widrivalela na n'wine.

Mt 6:6

Kambe wene, loko ukhongota, nhingena andlwini yaku, kutaku loko upfali a xipfalu, khongota Tatana waku lweyi anga xihundleni; Tatana waku lweyi akuvonaka axihundleni, atakunyika a hakelo draku.

Mt 5:48

Kolahu-ke, vanani lava vahetisekiki, swanga hi Tatana wenu lweyi anga Matilweni ahetisekiki.

Gl 1:1

Pawulosi, muapostolo, na kunge hi tlhelo dra vhanu, nambi kukuyentxiwa hi vumhunu, kambe ha Yesu Kriste, ni Xikwembu Nkulukumba Tatana, lweyi angapfuxa Yesu ku vakufa,

Yohana 20:17

Yesu aku ku yene: Unganikhumbe, hikusa anisintlhantukela ku Tatana. Kambe famba ku vamakweru uyavabyela leswaku nintlhantukela ku Tatana wanga ni Tatana wenu, ku Xikwembu Nkulukumba wanga, ni Xikwembu Nkulukumba wenu.

Mt 26:42

Asukiki ka vubiri aya khongota aku: Tatana wanga, loko swingakoteki akuva a ntrheko lowu wuhundra ningawunwanga, akuyentxeke a kurandra kwaku.

Rm 1:7

Nitralela n'wine hinkwenu, Xikwembu Nkulukumba an'wirandriki, an'wivitaniki a kuhanyela Yene. Ingi Xikwembu Nkulukumba, Tatana weru, na Yesu Kriste Hosi yeru vangan'winyika timpswalu ni kurula.

Mt 10:29

Avaxavisi a swinyanyana swibiri hi ximalana xin'we, xana? Kambe ni xin'we xa swone xitakawa a hansi loko kunge kurandra ka Tatana wenu.