Mt 5:37 - Testamente Ledrimpswha ni Mapsalma

³⁷ Swadringana kuhlaya Im'na, loko kuli im'na, ni Im'hi, loko kuli im'hi. Hinkwaswu leswi switlulaka leswo, i ntiro wa kupfa ku lweyi mfani.

Mt 5:37 Referans Kwoze

Yakobe 5:12

Kambe akutlula hinkwaswu vamakweru, n'wingafungeni ha ntxhumu, nambi dra kuva tilo, ni misava, nambi ntxhumu ni mun'we. Hlayani ntsena im'na loko ali im'na, ni im'hi loko ali im'hi, akuva n'winga weli hansi ka yavanyiso.

Va-le-Kolosa 4:6

Akukhanela kwenu akuve loku ka kunyoxisa minkama hinkwayu, na kulungiwile hi munyu, tivani kuyangula loku kufanekelaka mun'wana-ni-mun'wana.

Va-le-Kolosa 3:9

N'wingahembelaneni van'we ku van'wana, hikusa n'wine n'wihlivili a mhunu lweyi wa khale ni swiyentxo swake.

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

Ef 4:25

Hileswo-ke trikani madrimi! Hlayani xihlayelamfuri, amun'we ni mun'wana ku mhunukulobye, hikusa hinkweru hiswiro swa miri min'we.

II Tsl 3:3

Kambe a Hosi yidumbekile. Yone yitan'winyika ntamu ni kun'wibiyelela vubihini.

Mt 13:19

Lweyi ayingelaka a ritu dra Mfumu, kambe angadriyingelisisi, kuta lweyi mfani, awutla leswi swibyaliwiki ambilwini yake; hi yene lweyi abyaliwiki andleleni.

Mt 13:38

a nsimu i tiko. A mbewu yinene hi vana va Mfumu wa Xikwembu Nkulukumba, a lihungu drikombisa a vana va lweyi mfani.

I Yhn 5:18

Haswitiva leswaku lweyo ni lweyo apswaliwiki hi Xikwembu Nkulukumba angadohi ni kan'we, kambe lweyi apswaliwiki ha Xikwembu Nkulukumba awa mubekisa; kutani a mubihi anganakuswikota kumukhumba.

Mt 6:13

Ungahiyise akudringiweni, kambe hihuluxe ku lwe mfani.

I Yhn 2:13

Nan'witralela vapswele, leswaku n'wamutiva lweyi afaka ana ali kone kehe kusunguleni. Nan'witralela vampswha, hikusa n'wihluli mubihi.

I Yhn 3:12

Hingafani na Kayini, lweyi afaka ali lwenfani, xiswoswo, angadlaya makwavu. Amudlayi hikola ka yini xana? Hileswi mintiro yake afaka mibihile, na kasi ya makwavu afa milulamile.

Yohana 17:15

Anikombeli leswaku uvasusa misaveni, kambe leswaku uvaxirelela ku leswi swakubiha.

Mt 15:19

Hikusa ambilwini kuhuma a miyanakanyu leyi mimfani, a vudlayi, vumbuye, vuwoswi, vuyivi, kufunga madrimi ni swisandru.

Mt 5:36

Ungafungi hi nhloko yaku na yone, hikusa awuna kuswikota a kundruluta ntsena a nsisi wun'we wuva wa ntlhohe kumbe wuva wa ntima.

Ef 6:16

Hlomani minkama hinkwayu a xitlhangu xa vupfumeli, akuva n'wita timpfekela a mintumbana leya kupfura ya Nala.