Mt 5:3 - Testamente Ledrimpswha ni Mapsalma

³ Vakatekile lava vanga swisiwana amoyeni, hikusa a Mfumu wa Matilo i wavu!

Mt 5:3 Referans Kwoze

Lk 18:14

Yesu aku nan'wibyela: A muhlengisi afulameli andlwini yake na ahlayiwi lweyi wa kululama kutlula mufarisi. Hikusa mun'wana-ni-mun'wana lweyi atitlakuxaka atatrongahatiwa; kambe lweyi atitrongohataka atatlakuxiwa.

Yakobe 2:5

Yingelani swinene vamakweru lava varandriwaka. Xikwembu Nkulukumba atihlawuleli lava vangaswisiwana ku mahlu ya misava, akuva avayentxa swipfundri hi kupfumela ni kuvayentxa vadi vapfindla va mfumu lowu Yene awudumbisiki lava murandraka?

Lk 11:28

Kambe Yesu aku: Ngopfu vakatekile lava vayingelaka Ritu dra Xikwembu Nkulukumba vava vadribekisa.

Mt 11:25

Ankameni wolowo, Yesu ayangula, aku: Nakukhensa Tatana, HOSI ya Tilo ni misava, hi leswi ungafihlela tintlhari ni vayingeli a timhaka leti, kambe utipfuleteliki ku vatrongwana.

Lk 4:18

A Moya wa Hosi wule henhla kwanga, hikusa yi nitotile, akuva nidrungulela swisiwana a Ivangeli, yi nirumi kuhuwelela kuntrhunxeka ku lava vabohiwiki, ni kubuyisela kuvona ku lava vakufa-mahlu, ni kuntrhunxa lava vaxanisiwaka;

Marka 10:14

Yesu atiki aswivona, asola, aku ku vone: Trikani a vatrongwana vata ku mine, n'wingavatsimbeni hikusa a Mfumu wa Xikwembu Nkulukumba i wa volava vafanaka na vone.

Mt 13:16

Kambe makatekile a mahlu yenu, hikuva mavona; ni tindleve tenu, hikuva tayingela.

Yakobe 1:12

Anindjombo lweyi atiyiselaka mindringweni, hikuva loko akumiwa na atiyiselili andringweni atayamukela a ngiyana ya vutomi lebyi byingahelikiki, lebyi Xikwembu Nkulukumba adridumbisiki lava vamurandraka.

Yohana 20:29

Yesu aku ku yene: Leswi univoniki Tomasi, upfumelile. Vanindjombo lava vanganivonangakiki, nambi swilitanu vapfumelile.

Mt 24:46

Kukateki a mutiri lweyi kutakaku loko a hosi yake yibuya, yimukuma na atirisa xiswoswo.

Yakobe 1:10

Kutani lweyi wa xipfundri afanela kutrhava loko atrongahatiwa, hikuva ata hundra swanga hi xiluva xa byanyi.

Mpfuletelo 22:14

Kukatekile lava vabasisaka swiyambalu swavu angatini ya Hambana, hikuva xileswi vava ni mfanelo ya kuda mihandru ya nsinya wa vutomi, nhingenani mutini hi swipfalu.

Mpfuletelo 19:9

Kutani a ntrumi yahangaku ku mine: Trala leswi: Kukatekile lava vavitaneliwiki a xilalelo xa nkhuvu wa vukati bya Hambana! Nangweso yiya mahlweni yiku: Lawa i maritu ya xihlayelamfuri ya Xikwembu Nkulukumba.

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Mt 11:6

Akatekile lweyi angakhunguvanyekiki hikola kwanga.

Mt 8:11

Nan'wibyela leswaku: Vanyingi vatapfa a Vuxeni ni le Vupeladambu, vatatatrhamisa vada kun'we na Abrahamu, na Yisaki na Yakobe a Mfun'wini wa Matilo;

Mt 3:2

Ndrulukani, hikusa a Mfumu wa Matilo wukusuhi!

Mt 19:14

Kambe Yesu aku ku vone: Trikani vatrongwana vata ku mine. N'wingavasiveleni hikusa a Mfumu wa Matilo i wa lava vanga ha vone.

Lk 22:29

Na mine nin'winyika Mfumu swanga hi leswi anganinyika Tatana wanga,

Lk 22:30

akuva n'wida, n'winwa atafuleni dranga aNfun'wini wanga; n'witrhama switrhan'wini swa vufumi, n'witrema timhaka ta tinxaka leti ta khume na tibiri ta Israyele.

Mpfuletelo 3:17

Ke, leswi wene uliki: Ni xipfundri, nipfundri ngopfu, anivileli ntxhumu, kambe awuswitivi leswaku u wa khombo ni nhlomulu, u xisiwana, u wa kufa-mahlu, awuna xiyambalu,