Mt 5:19 - Testamente Ledrimpswha ni Mapsalma

¹⁹ Hileswo-ke lweyi atakatlula, nambi wa kuva mun'we ntsena wa milawu leyi mitrongo ni kudondrisa vambeni a kuyentxa swoswo, atahlayiwa lweyi ntrongo a Mfun'wini wa Matilo. Kambe lweyi atakan'wibekisa ni kun'widondrisa, atahlayiwa lwenkulu a Mfun'wini wa Matilo.

Mt 5:19 Referans Kwoze

Mt 28:20

n'wivadondrisa a kubekisa hinkwaswu leswi nin'wileletiki swone. Na swone lavisani, mine nina n'wine masiku hinkwawu kukondra kuhela a minkama.

Mt 11:11

Nihlayelamfuri nili ku n'wine: amakari ka lava vabelekiwiki hi wansati, akungitumbuluka mhunu lweyi atlulaka Yohana Mubabatisi; kambe lweyi anga ntrongonyana a Mfun'wini wa Matilo awamutlula.

Tito 3:8

Aritu ledri dradumbeka; nidjula leswaku, mayelano ni mintxhumu leyo, utiyisa hi kudumba, akuva lava vapfumeliki ku Xikwembu Nkulukumba, vakhinyela kutinyiketa amintirweni le minene. Leswo i swinene, swipfuna vhanu.

Mpfuletelo 2:20

Kambe nini xisolo ku wene hi leswi utrikaka Jezabele, a wansati lweyi atihlayaka leswaku i muprofeta, adondrisa ava akanganyisa a malandra yanga akuva mayentxa vumbuye, ni kuda leswi switlhaveliwiki swikwembu swakuka-ndlela.

Rm 6:15

Hikolahu hi pimisa yini? Xana hita doha hi leswi hingeheke hansi ka nawu, kambe atimpswalwini ta Xikwembu Nkulukumba? Swingavi tanu!

I Tmt 6:11

Kambe wene, mhunu wa Xikwembu Nkulukumba, tingawula a mintxhumu yoleyo; uva udjuletela a kululama, ni vukhongoti, ni vupfumeli, ni lirandru, ni kutiyisela, ni kunabyala.

Rm 6:1

Xana hitakuyini ke? Hitatrhama xihonweni, akuva timpswalu tiyandra?

I Ptr 5:4

kutani loko a mubyisi lwenkulu ku hinkwavu abuya, n'witayamukela a ngiyana ya kuphatima leyi yingabolikiki.

Lk 11:42

Kambe yowee n'wine vafarisi! Hikusa n'winyika a swa vukhume bya ximbowana ni bya muhensa ni timbowa hinkwatu, kasi n'widrela kululama ni lirandru dra Xikwembu Nkulukumba! Afa swifanekela a kuyentxa mintxhumu leyo n'wingaswitriki ni kuyentxa yin'wana.

Mt 19:28

Yesu avayangula aku: Nihlayelamfuri nili ku n'wine: Loko kutlhasa a nkama lowo, hinkwaswu switakapfuxeteliwa; loko a N'wana wa Mhunu atatrhama axiluvelweni xakwe xa kuphatima, n'wine lava vanilandriki, n'witatrhama ku khume dra switrhamu na swibiri, akuva n'wiyavanyisa a tinxaka leti ta khume na tibiri ta Israyele.

Rm 3:8

Kutani hikolahu kayini hingahlayi, swanga hi van'wana vahlayaka hikulumbeta vaku: Hiyentxa vubihi akuva kutata vunene? Van'wana vanilumbeta hi kuhlaya leswo. Lavo vatayavanyisiwa na swilulamile.

Mintiro Ya Vapostola 1:1

We Teofilo, nitralile a buku dra kuranga, na nitrhandra hinkwaswu leswi Yesu asunguliki kuswiyentxa ni kuswidondrisa,

Lk 9:48

aku ku vone: Lweyi ayamukelaka a ntrongwana wanga hi lweyi hi vito dranga, awaniyamukela, ni lweyi aniyamukelaka, ayamukela lweyi anirumiki. Hikusa lweyi atitrongohataka amakari kwenu hinkwenu, hi yene lweyi anga nkulu.

Lk 1:15

A n'wana atava nkulu amahlweni ka Xikwembu Nkulukumba. Angatinwa vhinyo nambi swakunwa swini ni swini swakubava loko apswaliwile, atava a tali hi Moya wa Kuxwenga.

Mt 20:26

Swingavi tanu amakari kwenu; kambe lweyi adjulaka kuva lwenkulu amakari kwenu, aavi mutireli wenu;

I Yhn 3:4

Lweyo ni lweyo ayentxaka xidoho na swone atlula nawu, hikusa a xidoho i kutlula nawu.