Mt 5:10 - Testamente Ledrimpswha ni Mapsalma

¹⁰ Vakatekile lava vaxaniseliwaka kululama, hikusa a Mfumu wa Matilo i wavu!

Mt 5:10 Referans Kwoze

Yakobe 1:12

Anindjombo lweyi atiyiselaka mindringweni, hikuva loko akumiwa na atiyiselili andringweni atayamukela a ngiyana ya vutomi lebyi byingahelikiki, lebyi Xikwembu Nkulukumba adridumbisiki lava vamurandraka.

II Kor 4:17

Hikusa a mahlomulo ya nkama lowu wa swoswi mavevuka, mahitisela lidrumo drakuphatima loku kungahelikiki, loku kungekena kupimanisiwa.

Mt 5:3

Vakatekile lava vanga swisiwana amoyeni, hikusa a Mfumu wa Matilo i wavu!

Lk 6:22

N'witatovoka loko a vhanu van'wivenga, van'wihlongola, van'wiruka, vasandra ni vito drenu swanga hi loko dribihile, hinkonta ya N'wana wa Mhunu.

II Tmt 2:12

Loko hitiyisela na hine hita fuma na Yene; loko himulandrula, na Yene ata hilandrula.

Va-le-Filipiya 1:28

N'wingavi ni vutoya ha ntxhumu hi lava valwaka na n'wine; leswo ku vone, kunene, i xikombiso xa kusuva, kambe ku n'wine, xiva xikombiso xa kuhuluka; leswi swipfa ku Xikwembu Nkulukumba.

Lk 21:12

Kambe leswo na swingasina humelela, vatan'wikhoma van'wixanisa, van'winyiketa masinagogeni ni le bohelweni, van'wiyisa ku vafumi ni le tindruneni, hinkonta ya vito dranga,

Yohana 15:20

Drimukani leswi nin'wibyeliki swone, loko niku: A nandra ahi nkulu ku n'winyi wakwe loko vanixanisile, na n'wine vatan'wixanisa; loko vabekisi ritu dranga, ni dro drenu vatadribekisa.

Mpfuletelo 2:10

Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.

II Tmt 3:11

Ni le kuhlotiweni, ni le tinxanisweni, leswinga ni humelela Antiyokiya, ni le Ikoniya, ni le Listra; tinga tinxanisa leti ningativa tone; kambe Hosi yini huluxile ku tone hinkwatu.

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Marka 10:30

yelweyo atayamukela leswi switlulaka ka dzana (100) swoswi amisaveni leyi, a tiyindlu ni vamakwavu va vaxinuna ni vaxisati, ni vamamana ni masimu, kun'we ni tinxanisa. Nakone atakuma a vutomi lebyi byingahelikiki ankameni lowu wutaka.

Lk 6:20

Yesu alavisa a vadondrisiwa vakwe, aku ku vone: N'wikatekile n'wine swisiwana, hikusa a Mfumu wa Xikwembu i wenu.

Mt 10:23

Loko van'wixanisa ku muti lowu, trutrumelani ku wumbeni; nihlayelamfuri nili ku n'wine: N'wingaka n'wingaheti miti hinkwayu ya Israyele na N'wana wa Mhunu angasinabuya.

I Yhn 3:12

Hingafani na Kayini, lweyi afaka ali lwenfani, xiswoswo, angadlaya makwavu. Amudlayi hikola ka yini xana? Hileswi mintiro yake afaka mibihile, na kasi ya makwavu afa milulamile.

Mintiro Ya Vapostola 8:1

Saulo yene afa apfumela kudlawa ka Stefano. Asikwini ledro kahumeleli kuxaniseka kukulu ka Kereke a Yerusalema; hinkwavu, handle ka vapostola, vahangalasiwa hi matiko ya Yudeya na Samariya.

Mintiro Ya Vapostola 5:40

Vavitana vapostola, vakhatisiwa; kutani vavanyika nawu akuva vangahayi mahlweni vakhanela hi vito dra Yesu. Ntrhaku vavantrhunxa.

Mt 19:14

Kambe Yesu aku ku vone: Trikani vatrongwana vata ku mine. N'wingavasiveleni hikusa a Mfumu wa Matilo i wa lava vanga ha vone.

Marka 10:14

Yesu atiki aswivona, asola, aku ku vone: Trikani a vatrongwana vata ku mine, n'wingavatsimbeni hikusa a Mfumu wa Xikwembu Nkulukumba i wa volava vafanaka na vone.

Lk 22:29

Na mine nin'winyika Mfumu swanga hi leswi anganinyika Tatana wanga,

Yakobe 5:11

Hili, vakatekile lava vatiyiseliki. N'wine n'wiswiyingelile loko kukhaneliwa hi kulavisela ka Yob, na kone n'wiswivonile, a Hosi yi munyikile; hikusa a Hosi yitali hi timpswalu ni lirere.