Mt 4:3 - Testamente Ledrimpswha ni Mapsalma

³ A mudringi atrhindrekela ku Yene aku: Loko uli N'wana wa Xikwembu Nkulukumba, hlaya leswaku a maribye lawa amandruluki makati.

Mt 4:3 Referans Kwoze

I Tsl 3:5

Hileswo, na mine mfuri ningakotangikiki kurindrela, ni murumi akuva nitiva ta kupfumela kwenu, na nitxhava leswaku amuwongi angan'wiwongi, akuva ntiro weru wutandruluka lowu wungapfunikiki ntxhumu.

Mpfuletelo 2:10

Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.

Mt 3:17

Kutani kutwala ritu dripfaka hi le Tilweni driku: Lweyi i N'wananga lweyi nimurandraka, lweyi nitrhavisiwaka ha yene.

Va-Heberu 12:16

Kungavi kone makari kwenu vhanu va vumbuye, nambi musandri, kufana na Esawu, lweyi angaxavisa a vunhondrwa byake hi mbenga mun'we wa swakuda.

Mintiro Ya Vapostola 9:20

Kolahu asunguli kudondrisa amasinagogeni, ahlaya leswaku Yesu i N'wana wa Xikwembu Nkulukumba.

Lk 4:9

Diyavulosi atlhela ayisa Yesu a Yerusalema, aya mubeka axihlungwini xa Tempele, aku ku yene: Loko-ke uli N'wana wa Xikwembu Nkulukumba dladlama hansi,

Lk 4:3

Kutani Diyavulosi aku ku yene: Loko ke uli N'wana wa Xikwembu Nkulukumba hlaya leswaku a ribye ledri drindruluka a kati.

Mt 14:33

Lava afaka vali byatrhwini vakhisama amahlweni ka Yesu vaku: Kunene, wene u N'wana wa Xikwembu Nkulukumba!

Mt 16:16

Simoni Petrosi amuyangula aku: Wene u Kriste N'wana wa Xikwembu Nkulukumba lweyi ahanyaka.

Mt 26:63

Kambe Yesu amiyela. Kutani a muprista lwenkulu aku ku yene: Nikufungisa hi vito dra Xikwembu Nkulukumba lweyi ahanyaka, leswaku uhibyela loko ali wene Kriste N'wana wa Xikwembu Nkulukumba!

Marka 1:1

A kusungula ka Ivangeli ya Yesu Kriste, N'wana wa Xikwembu Nkulukumba,

Marka 3:11

Na vone lava afaka vani mimoya leyi mimfani, loko vamuvona, vamukhisamela, kutani a mimoya leyi mimfana leyi afaka mili ku vone mibandlukana miku: Wene, u N'wana wa Xikwembu Nkulukumba.

Marka 5:7

abandlukana aku ku yene: Udjula yini ku mine wene Yesu, N'wana wa Xikwembu Nkulukumba lweyi anga Henhla-henhla? Nikukombela hi kuhlambanya hi Xikwembu Nkulukumba, unganixanise!

Lk 1:35

Kambe a ntrumi yimuyangula yiku: A Moya wa Kuxwenga wutaxikela ahenhla kwaku, ni ntamu wa Lweyi wa le henhla-henhla wutakufukumeta swanga hi tlavi. Hileswo-ke lweyi atakapswaliwa i wa kuxwenga, atatxhuliwa N'wana wa Xikwembu Nkulukumba.

Lk 4:41

Ni ku lava vanyingi afa kuhuma ni mademoni lawa afaka mabandlukana maku: Wene, u N'wana wa Xikwembu Nkulukumba! Kambe Yesu amakhwavela akuva mangakhaneli hikusa afa mamutiva leswaku i Kriste.

Lk 22:70

Hinkwavu vaku: Xake, u N'wana wa Xikwembu xana? Yesu aku ku vone: N'wihlayelamfuri, ni yene!

Yohana 1:34

Mine Yohana nimuvonile, kutani nibeki vumboni bya leswaku hi yene N'wana wa Xikwembu Nkulukumba.

Yohana 1:49

Nataniyele amuyangula, aku: Rabi, u N'wana wa Xikwembu Nkulukumba, u Hosi ya Israyele.

Yohana 9:35

Yesu ayingela leswaku vamuhlongolile, andlwini ya Xikwembu Nkulukumba. Kutani amudjula, aku ku yene: Xana wapfumela ku N'wana wa Mhunu xana?

Yohana 20:31

Kambe a timhaka leti titraliwi akuva n'wipfumela leswaku Yesu i Kriste, N'wana wa Xikwembu Nkulukumba, ni leswaku hi kupfumela, n'wiva ni vutomi avitweni drakwe.

II Kor 1:19

Hikusa Yesu Kriste N'wana wa Xikwembu Nkulukumba, lweyi n'wingadondrisiwa ha mine na Silivano na Timotewu, angavanga ina ni im-him ha nkama mun'we. Kriste avi ina ha kunene-nene.

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

Va-Heberu 4:14

Ke, leswi hinga na Yesu, n'wana wa Xikwembu Nkulukumba, swanga muprista lwenkulu, lweyi atremakanyiki matilo, ahitiyeni akupfumeleni kweru.

Va-Heberu 7:3

Lweyi afaka angana tatana, angana mamana, kumbe longoloko dra vuxaka byake, angavanga ni masungulo ya masiku, nambi byi vutomi byake abyi na vugamu; kutani a fanisiwile ni N'wana wa Xikwembu Nkulukumba, kutani atrhami ali muprista hi laha kungahelikiki.

I Yhn 3:8

Lweyo ni lweyo ayentxaka xidoho i waka Diyavulosi; hikusa Diyavulosi adohile kehe kusunguleni. Hikolaho ka leswo, a N'wana wa Xikwembu Nkulukumba ativonekisi akuva atahelisa mintiro ya Diyavulosi.