Mt 4:24 - Testamente Ledrimpswha ni Mapsalma

²⁴ Afa kutwala kwake kuhangalaka atikweni dra Siriya. Vamutisela hinkwavu lava vavabyaka hi mavabyi ya tinxaka-xaka, ni mahlomulo ni tinxanisa ni lava vangani mademoni, ni va mavabyi ya kuwutleka, ni vakuwonyana a swiro, kutani Yene afa avahanyisa.

Mt 4:24 Referans Kwoze

Mt 17:15

HOSI, yentxela vurombe a n'wananga; hikusa ani xitruli xa hweti axaniseka ngopfu, minkama minyingi awela andrilweni, ni le matini.

Mt 8:6

HOSI, a nandra wanga a le ndlwini avabyaka, awonyaniki swiro, mfuri axaniseka ngopfu.

Lk 5:15

Kambe a kutwala ka Yesu afa kutekisa a kuhangalaka, naswo switrhungu leswi swinyingi afa swita swi muyingela ni kuholisiwa vuvabyi bya swone.

Lk 2:2

A traliso ledro dra kuranga, drayentxiwi ankameni lowu afaka Kirino ali mufumi wa Siriya.

Mt 17:18

Yesu atshinya a demoni, drihuma, kutani andrisanyana ahanyisiwa hi nkama wolowo.

Mt 15:22

Kutani mun'we wansati wa mu-Kanana, wa matiko lawaya, amutrhindrekela, abandlukana aku: HOSI, N'wana Davida, nitwele vurombe! A n'wananga wa wanhwanyana axanisiwa ngopfu hi mademoni.

Mt 12:22

Kutani vatisi ku Yene a mun'we wa kufa-mahlu ni kuva ali mbheveve, lweyi afaka ani mademoni; kutani Yene amuhanyisa lakakuva avona, ava avulavula.

Mintiro Ya Vapostola 10:38

Yinga mhaka ya Yesu lweyi apfiki hi le Nazarete, leswaku Xikwembu Nkulukumba amutoti hi Moya wa Kuxwenga ni ntamu, atifambela na ayentxa leswi swinene, ahanyisa hinkwavu lava vakandreteliwiki hi Diyavulosi, hikusa Xikwembu Nkulukumba afa ali na Yene;

Mintiro Ya Vapostola 15:23

Vahangatrala papela ha vone, vaku: Hine vamakwenu, vapostola ni vakulu, ku n'wine vamakweru amakari ka va-Matiko le Antiyokiya, ni le tikweni dra Siriya, na Kilikiya, xawani!

Marka 2:3

kutani kutlhasa a vhanu, vamutiselaka a wanuna wa kuwonyana swiro, na a byatrhiwi hi mune wa vavanuna.

Marka 1:32

Amadambyeni, loko a dambu dripela, vatisa hinkwavu lava vavabyaka, ni lava vaxanisiwaka hi mimoya leyi mimfani.

Mt 4:23

Yesu afa afamba hi tiko hinkwadru dra Galileya, adondrisa amasinagogeni ya kone, arera a Ivangeli ya Mfumu, ahanyisa a vhanu lava vanyingi amavabyini yavu hinkwawu ni le tinxanisweni tavu hinkwatu.

Mintiro Ya Vapostola 15:41

Ahangatremakanya Siriya na Kilikiya, atiyisa makereke a kupfumeleni.

Lk 4:14

Kutani Yesu atlhelela Galileya hi ntamu wa Moya wa kuxwenga, a kutwala kwake kuhangalaka hi tiko hinkwadru.

Marka 1:28

A xidrumo xa Yesu xihatla xihangalaka atikweni hinkwadru dra Galileya.

Mt 14:1

Ankameni lowo Heroda, mutetrarka, (mufumi), ayingeli kutwala ka Yesu,

Yohana 10:21

Kambe avan'wana afa vaku: A maritu lawa ahiya mhunu lweyi angani demoni. Xana a demoni dringaswikota kupfula mahlu ya va kufa mahlu xana?

Mt 9:35

Yesu afa afamba-famba hi miti ni swimitana, adondrisa amasinagogeni, arera Ivangeli ya Mfumu wa Matilo, na ahanyisa hinkwatu tinxaka ta mavabyi ni minkaralu.

Mt 9:26

Kutani atikweni ledri hinkwadru kuhangalaka a mhaka leyi yiyentxekiki.

Mt 8:28

Loko Yene atlhasi atlhelweni drin'wana dra tiva, atikweni dra va-Gadara, a vhanu vabiri vahumi maxireni na vani mademoni, vamutlhangaveta. Afa vani kulebya loku kukulu, lakakuva kungena mhunu lweyi atiyaka kuhundra hi ndlela leyo;

Mt 8:33

A vabyisi vatrutruma, vaya mutini, vayabikela vhanu hinkwaswu ni timhaka ta lava afaka vani mademoni.

Marka 2:4

Vone-ke loko vahluleka a kumuyisa ku Yesu, hinkonta ya xitrhungu, vakhandriya a lwangwini dra yindlu leyi afaka atrhami ku yone, vapfula pholwa, vanembeleta vunanu lebyi lweyi wa kuwonyana swiro afaka yetleli ku byone.

Marka 2:9

Xana kunabyala yini, loko niku ku lweyi wa kuwonyana a swiro: Udrivaleliwi swidoho swaku, kumbe loko niku ku yene: Pfuka, utlakula vunanu byaku, ufamba?

Lk 4:38

Yesu asukiki asinagogeni, anhingena andlwini ya Simoni. A mukon'wana wa xisati wa Simoni afa avabya, ani kuhisa kukulu ka miri, vahanga mukombelela ku Yesu akuva amuhanyisa.

Lk 5:24

Kambe akuva n'witakombisiwa leswaku a N'wana wa Mhunu ani ntamu wa kudrivalela swihono misaveni, aku ku lweyi wa kuwonyana swiro: Nakubyela, pfuka, utlakula lihlaka laku, umuka a kaya kwaku.

Mintiro Ya Vapostola 8:7

Hikusa a mimoya ya xambya leyi afaka mikhomi vanyingi, afa mihuma hi kuhuwelela hi ritu ledri drikulu; ni lava vanyingi va kuwonyana swiro ni va kukhuta afa vahanyisiwa.

Lk 7:17

A ritu ledro, ledri vahlayiki drone ha Yesu, dri twala Yudeya hinkwadru ni le matikweni lawa manga kusuhi na drone, vativa leswi swiyentxiwiki ha Yesu.

Mintiro Ya Vapostola 28:9

Hi kuvona leswi swihumeleliki, a van'wana va xihlale lava afaka vani vuvabyi vata, vatatahanyisiwa,