Mt 3:2 - Testamente Ledrimpswha ni Mapsalma

² Ndrulukani, hikusa a Mfumu wa Matilo wukusuhi!

Mt 3:2 Referans Kwoze

Mt 4:17

Kusukela kolahu Yesu asungula a kurera aku: Ndrulukani, hikusa a Mfumu wa Matilo wu kusuhi!

Marka 1:15

A nkama wuhetisekile, a Mfumu wa Xikwembu Nkulukumba wutlhasile. Xileswo ndrulukani n'wipfumela ku Ivangeli.

Lk 24:47

kutadondrisiwa matiko hinkwawu hi vito drakwe akundruluka, ni kudrivaleliwa ka swihono, akusungula hi Yerusalema.

Mt 6:10

awute a Mfumu waku; a kurandra kwaku akuyentxiwe amisaveni, swanga hi le Tilweni.

II Kor 7:10

Hikusa akuvaviseka loku kurandriwaka hi Xikwembu Nkulukumba kuvanga akutisola loku kuyisaka akuhulukeni; loku mhunu angaka angatisoli ha kone, kambe akuvaviseka ka xi misava ku vanga lifu.

Mt 10:7

Loko n'wifamba tivisani leswaku a Mfumu wa Matilo wutrhindrekelile.

Mintiro Ya Vapostola 3:19

Hileswo-ke, tisolani n'windruluka, akuva swidoho swenu switimiwa,

Lk 15:10

Hiswoswo, nili ku n'wine kutrhava kukone amahlweni ka swirun'wa swa Xikwembu Nkulukumba ha mudohi mun'we lweyi andrulukaka.

Lk 13:3

Im'hi, nili ku n'wine kambe loko n'wingandruluki, n'witasuvisa xiswoswo na n'wine.

Lk 11:20

Kambe loko nihlongola a mademoni hi ntamu wa Xikwembu Nkulukumba, hileswaku a Mfumu wa Xikwembu Nkulukumba wutlhasile swoswi ku n'wine.

II Ptr 3:9

Hi leswaku a Hosi ayihlweli kuyentxa leswi yi dumbisiki swone, swanga heswi a van'we vapimisaka leswaku yahlwela, kambe an'wilehisela mbilu, hikusa angadjuli kuva ni mun'we alahleka, kambe leswaku hinkwavu vandruluka.

Mintiro Ya Vapostola 17:30

Ke a minkama ya kukohleka loku, Xikwembu Nkulukumba amitrikile mikhaluta. Kambe swoswi, aleleta a vhanu hinkwavu amimbangwini hinkwayu leswaku vatlhelela ku Yene;

Mintiro Ya Vapostola 11:18

Vone kambe, loko vayingeli timhaka leto, vahangarula, vadrumisa Xikwembu Nkulukumba, vaku: Kasi, Xikwembu Nkulukumba anyiki na vone va-Matiko akuva vandruluka vakuma vutomi!

Mintiro Ya Vapostola 2:38

Petrosi avayangula aku: Ndrulukani, mun'wana-ni-mun'wana ababatisiwa avitweni dra Yesu Kriste, akuva n'witadrivaleliwa a swidoho swenu, kutani n'witayamukela nyiko ya Moya wa Kuxwenga.

Lk 6:20

Yesu alavisa a vadondrisiwa vakwe, aku ku vone: N'wikatekile n'wine swisiwana, hikusa a Mfumu wa Xikwembu i wenu.

Mt 13:52

Ahangaku ku vone: Loko mun'we mudondrisi wa Nawu apfumela a dondro ya Mfumu wa Matilo afana ni n'winyi wa ndangu, lweyi ativaka a kuhumexa ku vukosi byake, a mintxhumu mimpswha ni ya khale.

Mt 13:47

Nakone a Mfumu wa Matilo wahafana kambe ni nkukutu lowu wupetiwaka alikhulwini wuphasa hinkwatu tinxaka ta tinhlampfi.

Mt 13:33

Atlhela avadrungulela xin'wana xifaniso aku: A Mfumu wa Matilo wufana ni handrelo leyi a wansati ayitxheliki ku mimpimu miraru ya mapa, apfuva akuva yiyentxa leswaku a mbila hinkwayu yikukumuka.

Mt 12:41

A vhanu va Niniva vatayima, hi siku dra kuyavanyisa, kun'we ni lixaka ledri, vatadriyavanyisa hikusa vone vandrulukile, hi kudondrisa ka Yona; kasi akone kola lweyi atlulaka Yona.

II Tmt 2:25

A dondrisa avakaneti vakwe hi kunabyala akuva kumbe xana Xikwembu Nkulukumba angavanyika kundruluka, vativa ni xihlayelamfuri,

Va-le-Kolosa 1:13

Yene ahihuluxile antan'wini wa munyama, ahirurisela Mfun'wini wa N'wana wakwe lweyi wa kurandriwa.

Mintiro Ya Vapostola 20:21

na nitiyisa mahlweni ka va-Yuda ni le ku va-Girika a kundrulukela ku Xikwembu Nkulukumba ni kupfumela ku Hosi yeru Yesu Kriste.

Lk 15:7

Nili ku n'wine, hiswoswo akutrhava kutava kone Matilweni, hinkonta ya mudohi mun'we lweyi andrulukiki, akutlula valulami va ntlhanu wa makume na mune ni ntlhanu na mune (99) lava vangadjulikiki ku ndruluka.

Lk 13:5

Im'hi, nili ku n'wine kambe loko n'winga ndruluki, n'witasuvisa xiswoswo hinkwenu.

Lk 9:2

Avaruma kurera ta Mfumu wa Xikwembu Nkulukumba ni kuhanyisa timbabyi.

Marka 6:12

Kutani a vadondrisiwa vafamba, vayakhongotela a vhanu leswaku vandruluka.

Marka 1:4

Xileswo kuhumeleli mhunu lweyi atxhuliwaka Yohana, na ababatisa atikwanini dra hula, na atekisa ahlaya ku vhanu aku: Ndrulukani ku swakubiha n'wiyamukela Babatiso, akuva Xikwembu Nkulukumba atan'widrivalela a swidoho swenu.

Mt 5:10

Vakatekile lava vaxaniseliwaka kululama, hikusa a Mfumu wa Matilo i wavu!

Mt 5:3

Vakatekile lava vanga swisiwana amoyeni, hikusa a Mfumu wa Matilo i wavu!

Mpfuletelo 2:21

Nimunyiki nkama akuva atisola, kambe angadjuli kutisola atrika a vumbuye byake.

Mt 13:31

Avabekela mfuri a xifaniso xin'wana aku: A Mfumu wa Matilo wufana ni nhleke ya sinapi leyi a mhunu ayibyaliki ansin'wini yake.

Mt 13:11

Avayangula aku: N'wine n'winyikiwi kutiva a swihundla swa Mfumu wa Matilo; kambe vone avanyikiwanga.

Mt 6:33

Djulisisani kusungula a Mfumu wa Xikwembu Nkulukumba ni kululama kwake, kutani hinkwaswu leswo n'witayengeteliwa.

Mpfuletelo 2:5

Drimuka-ke lomu uwiki kone! Tisole, utlhelela ku mintiro yaku ya kusungula; loko swingali tanu, nakutela, nitasusa a motre waku ambangwini wa wone, loko ungatisoli.

Va-Heberu 6:1

Hikolahu, ahi trikeni tidondro ta masungulo ya Kriste, hi kongoma kuhetisekeni, hingavi beka kambe amasungulo ya kundruluka ku mintiro leyi mitifeliki, ni yakupfumela ku Xikwembu Nkulukumba,

Mintiro Ya Vapostola 26:20

kambe nirerela a ritu kusungula ku va-le-Damaseka, ni va-le-Yerusalema, ni tiko hinkwadru dra Yudeya, ni ku va-Matiko, akuva vandruluka, vatlhelela ku Xikwembu Nkulukumba, vatira a mintiro leyi mikombisaka kundruluka.

Mt 22:2

A Mfumu wa Matilo wufana ni mufumi lweyi angahamba a nkhuvu wa vukati bya n'wanake wa wandrisanyana.

Mt 25:1

A Mfumu wa Matilo wungafanisiwa ni vanhwanyana lava va khume, vangateka a mimotre yavu vahuma, vayatlhangaveta a mulovoli.

Mt 23:13

Kambe yowee, n'wine vatrali ni vafarisi va mandrendre! Hikusa n'wipfalela vhanu a Mfumu wa Matilo; na kone n'wine an'winhingeni, mfuri an'wivapfumeleli lava varandraka a kunhingena. [

Mt 20:1

Hikuva a Mfumu wa Matilo wufana ni n'winyi wa yindlu, lweyi ahumiki ampundrwini ayathola vatiri vaya ansin'wini yake ya vhinya.

Mt 18:23

Hileswo-ke a Mfumu wa Matilo wungafanisiwa ni mufumi lweyi arandraka kukambela malandra yake.

Mt 11:20

Kutani Yene asunguli kusola a miti leyi afaka ayentxi ku yone a mahlolana yake lawa ya kutala, hikusa afa mingandrulukanga, aku:

Lk 21:31

Hiswoswo na n'wine, loko n'wivona leswo switlhasa, switivani leswaku a Mfumu wa Xikwembu Nkulukumba wu kusuhi.

Lk 16:30

Kambe aku: Im'hi, tatana Abrahamu. Kambe loko mun'we ku lava vakufa aya ku vone, vatandruluka.

Mt 25:14

Hikusa leswi swifana ni mhunu lweyi atilulamiseliki kuyendra, avitana a vatiri vakwe avanyika a kubekisa vukosi byake.

Mt 13:24

Yene avabekeli xin'wana xifaniso aku: A Mfumu wa Matilo wufana ni mhunu lweyi abyaliki mbewu leyi yinene ansin'wini yake.

Mt 4:23

Yesu afa afamba hi tiko hinkwadru dra Galileya, adondrisa amasinagogeni ya kone, arera a Ivangeli ya Mfumu, ahanyisa a vhanu lava vanyingi amavabyini yavu hinkwawu ni le tinxanisweni tavu hinkwatu.

Lk 1:16

Atayentxa leswaku vanyingi va-Israyelea vatlhelela ku Hosi Xikwembu Nkulukumba wavu.