Mt 28:18 - Testamente Ledrimpswha ni Mapsalma

¹⁸ Kolahu Yesu atrhindrekela akhanela navu aku: Ninyikiwi ntamu hinkwawu ni vuhosi atilweni ni le misaveni.

Mt 28:18 Referans Kwoze

Yohana 3:35

Tatana arandra N'wana, kutani abeki hinkwaswu a mavokweni yake.

I Ptr 3:22

lweyi anga xineneni xa Xikwembu Nkulukumba, ntrhaku ka loko atlhantukeli Matilweni, abekiki a hansi kwake a tintrumi, ni vuhosi, ni mintamu hinkwayu.

Mt 11:27

Hikuva hinkwaswu swinyikiwi mine hi Tatana wanga; anga kone lweyi ativaka a N'wana loko ange Tatana, na kone akuna lweyi ativaka Tatana loko ange N'wana, ni lweyi a N'wana arandraka a kumupfuletela akuva amutiva.

Va-Heberu 2:8

Amintxhumu hinkwayu umibeki hansi ka minkondro yaku, kusukela loko Xikwembu Nkulukumba abekile mintxhumu hinkwayu hansi, akuna lexi xinga bekiwangakiki hansi kwake. Kambe swoswi ahisinavona mintxhumu hinkwayu yibekiwi hansi kwake.

I Kor 15:27

Hikusa abeki hinkwaswu a hansi ka minkondro yake; na kone loko aku a mintxhumu hinkwayu mibekiwi ahansi kwake, swile livaleni leswaku lweyi abekiki hinkwaswu ahansi kwake, yene ale handle ka swone.

Yohana 17:2

swanga hi leswi umunyikiki ntamu henhla ka vhanu hinkwavu, akuva hinkwavu lava umunyikiki vone atavahanana vutomi lebyi byingahelikiki.

Yohana 13:3

Yesu, hikutiva leswaku Tatana abeki hinkwaswu amahlweni kwake, ni leswaku ahumi ku Xikwembu Nkulukumba, na swone aya ku Xikwembu Nkulukumba.

Va-Heberu 1:2

A minkameni leyi ya vugamu, a khanelile na hine hi n'wana wakwe, lweyi amubekiki kuva mudi wapfindla dra mintxhumu hinkwayu, lweyi na kone avumbiki misava ha Yene.

Va-le-Kolosa 2:10

na n'wine n'wikone ku Yene hi kuhetiseka, hi Yene nhloko mintamu hinkwayu ni vundruna.

Lk 10:22

Hinkwaswu ninyikiwi ha Tatana. Nakone akuna mhunu lweyi ativaka lweyi N'wana anga yene, loko ange Tatana: nambi lweyi Tatana anga yene, loko ange N'wana, ni lweyi a N'wana arandraka kumupfuletela yene.

Mpfuletelo 19:16

A swiyambalwini swake, mbangwini lowu funeketaka nyonga, afa kutraliwi vito ledri: Hosi ya tihosi, ni Mufumi wa vafumi.

Rm 14:9

Hileswo-ke, Kriste afile atlhela ahanya akuva atava Hosi ya vafi ni vahanyi.

Mpfuletelo 17:14

Vone vata lwa ni Hambana, kambe a Hambana yitavahlula, hikusa i Hosi ya tihosi, ni Mufumi wa vafumi, vatahlula na vone lava vanga na Yene, lava vavitaniwiki, vahlawuliwiki ni lava vadumbekiki.

Mpfuletelo 11:15

A ntrumi ya vuntlhanu na tibiri yiyimba a nanga. Kutani kuva ni maritu makulu atilweni, na maku: A mfumu wa misava wundruluki wuva wa Hosi yeru, ni wa Kriste wakwe, lweyi atakafuma hi madzana-ni-madzana ya malembe!

Mt 26:64

Yesu ayangula aku ku yene: Uhlayi swone. Mfuri nan'wibyela leswaku, kusukela swoswi, n'witavona a N'wana wa Mhunu atrhami xineneni xa ntamu wa Xikwembu Nkulukumba, ata henhla ka matlavi ya tilo.

Mintiro Ya Vapostola 2:36

Ke a tiko hinkwadru dra Israyele adriswitive leswaku Yesu yelweyi n'wine n'wingamuvamba, Xikwembu Nkulukumba amuyentxi Hosi ni Kriste.

Mintiro Ya Vapostola 10:36

Hi yone mhaka leyi ayirumeliki vana va Israyele, loko avativisa a Ivangeli ya kurula ha Yesu Kriste; lweyi anga Hosi ya hinkwavu.

Mt 16:28

Nihlayelamfuri nili ku n'wine, amakari ka lava vayimiki kola, vakone van'we lava vangatikifa na vangavonanga kutlhasa ka N'wana wa Mhunu akuphatimeni ka Mfumu wakwe.

Yohana 3:31

Lweyi apfaka henhla, ale henhla ka hinkwavu; lweyi ahumaka misaveni, i wa misava, kutani akhanela hi swa misava. Lweyi apfaka Tilweni, ale henhla ka hinkwavu.