Mt 26:64 - Testamente Ledrimpswha ni Mapsalma

⁶⁴ Yesu ayangula aku ku yene: Uhlayi swone. Mfuri nan'wibyela leswaku, kusukela swoswi, n'witavona a N'wana wa Mhunu atrhami xineneni xa ntamu wa Xikwembu Nkulukumba, ata henhla ka matlavi ya tilo.

Mt 26:64 Referans Kwoze

Marka 14:62

Yesu aku: Hi mine. Mfuri n'witavona a N'wana wa Mhunu na atrhami axineneni xa Xikwembu Nkulukumba wa mintamu hinkwayu, apfa hi le henhla ka matlavi ya tilo.

Va-Heberu 1:3

Yene lweyi angakuphatima ka lidrumu drakwe, ni ritu dra kuhetiseka dra vumhunu byake, atameli mintxhumu hinkwayu hi ritu dra ntamu wakwe. Ntrhaku ka kuva a yentxile ntiro wa kuhlampswa swihono, ateki vutrhamu byake xineneni xavunkulukumba, a henhla-henhla.

Mpfuletelo 1:7

Vonani, awata hi le makari ka matlavi, a mahlu ya vhanu hinkwavu matamuvona, nambi lava vamutlhaviki, mfuri a vhanu va tinxaka hinkwatu ta misava vatamudrilela, im'na, Amen!

Va-Heberu 12:2

Na hi lavisa ku Yesu hikutiya, amuvangi ni muhetisisi wa kupfumela, lweyi hi kunyoxa loku abekeliwiki kone atiyiseliki xihambanwini, adrela tingana ta xone, swoswi atrhami xineneni xa xiluvelo xa Xikwembu Nkulukumba.

Lk 21:27

Hilahu-ke vatakavona a N'wana wa Mhunu ata hi tlavi, na ani ntamu ni kuphatima kukulu.

Mt 24:30

Hi laha kutakavoniwa atilweni a xikombiso xa N'wana wa Mhunu, a matiko hinkwawu ya misava matadrila, mfuri matavona a N'wana wa Mhunu loko abuya hi matlavi ya tilo na ani ntamu lowu wukulu ni kuphatima.

Mt 26:25

Kutani Yudasi lweyi afaka amuwonga, avutisa aku: Mudondrisi, xana angava mine? Yesu, amuyangula aku: Uhlaya swone.

Mt 25:31

Kambe kutaku loko a N'wana wa Mhunu ata vumenyemenyeni byake, kun'we ni tintrumi hinkwatu, atatrhamisa a xitrhan'wini xa vumenyemenye byake.

Mt 16:27

A N'wana wa Mhunu atata hi kuphatima ka Tatana wakwe, kun'we ni tintrumi takwe, kutani atatlhelisela mun'wana-ni-mun'wana kuya hi matirela yake.

Mpfuletelo 20:11

Ntrhaku ni voni xiluvelo lexi xikulu xa kuphatima, ni lweyi afaka atrhami ku xone. A tilo ni misava switrutruma mahlweni ka vuso byake, akavanga ni mbangu ku vone.

I Tsl 4:16

Hikusa a Hosi hi ntshima ya yone, yitaxika hi le tilweni, hihuwa leyi yileletaka, hi ritu dra ntrumi leyi yikulu, ni hi mhalamhala ya Xikwembu Nkulukumba, kutani lava vafeliki ku Kriste vata pfuka hi kusungula.

Mintiro Ya Vapostola 1:11

volavo vaku ku vone: Vavanuna va Galileya! Xana n'wiyimeli yini kolahu na n'wilavisa Tilweni? Yesu yelweyi asukiki ku n'wine aya Tilweni, atatlhela abuya hi ndlela yoleyi n'wimuvoniki antlhantuka ha yone.

Yohana 18:37

Pilato aku ku yene: Xana u Hosi wene? Yesu ayangula, aku: Uhlaya swone, ni Hosi. Nipswaleliwi swone, niteli swone amisaveni leyi, akuva natatatiyisa xihlayelamfuri. Mun'wana-ni-mun'wana lweyi anga wa xihlayelamfuri, ayingiseta ritu dranga.

Lk 22:70

Hinkwavu vaku: Xake, u N'wana wa Xikwembu xana? Yesu aku ku vone: N'wihlayelamfuri, ni yene!

Mt 27:11

Yesu afa ayimi amahlweni ka mufuminyana, lweyi amuvutisiki aku: Xana wene u HOSI ya va-Yuda, xana? Yesu ayangula aku: Uhlaya swone.

Rm 14:10

Loko swilitanu, umuyavanyisela yini wene makwenu kumbe kumu drela? Hinkweru hita kombisiwa amahlweni ka Xikwembu Nkulukumba akuva hi yavanyisiwa ha xone.

Mt 8:20

Yesu amuyangula aku: A mabuwana mani mimpala, ni tinyanyana ta tilo tini vusaka, kambe a N'wana wa Mhunu angana lomu angadamaka nhloko yake kone.

Mt 16:28

Nihlayelamfuri nili ku n'wine, amakari ka lava vayimiki kola, vakone van'we lava vangatikifa na vangavonanga kutlhasa ka N'wana wa Mhunu akuphatimeni ka Mfumu wakwe.

Mt 22:44

A HOSI yati ku HOSI yanga: Trhamisa axineneni xanga, nikondra nibeka a valala vaku a hansi ka minkondro yaku.

Mt 28:18

Kolahu Yesu atrhindrekela akhanela navu aku: Ninyikiwi ntamu hinkwawu ni vuhosi atilweni ni le misaveni.

Lk 22:69

Akusungula swoswi, N'wana wa Mhunu atatrhama axineneni xa ntamu wa Xikwembu Nkulukumba.