Mt 26:41 - Testamente Ledrimpswha ni Mapsalma

⁴¹ Hitekani n'wikhongota, n'wingatinhingena andringweni, hikuva a moya wone wapfumela, kambe a miri mini gome.

Mt 26:41 Referans Kwoze

Lk 22:46

Aku ku vone: N'wikhutriyelela yini xana? Pfukani n'wikhongota, n'wingatinhingena kudringiweni.

Marka 14:38

Hitekani, n'wikhongota, akuva n'wingatihluliwa hi ndringo. A moya waswirandra, kambe a miri mini gome.

Ef 6:18

N'wikhongota minkama hinkwayu hi kukhongota hi kutitrongohata hi kutlhangana ni Moya wa Kuxwenga, n'wirindra hikutiyisela ni kutitrongohata ni hikukhongotela tinsasi hinkwatu.

Mt 6:13

Ungahiyise akudringiweni, kambe hihuluxe ku lwe mfani.

Lk 21:36

Hitekani hi minkama hinkwayu, n'wikombela ku Xikwembu Nkulukumba, akuva n'wikuma ntamu wakuphondla ku hinkwaswu leswi switakayentxeka, n'witakota kuyima amahlweni ka N'wana wa Mhunu.

Mpfuletelo 16:15

Lavisani! Nita swanga hi leswi atisaka xiswone muyivi! Ku katekile lweyi a lavelelaka ni lweyi a bekisaka swiyambalo swake, akuva angafambi na angayambalanga ntxhumu, kutani akhomeka tingana amakari ka van'wana!

I Kor 16:13

Hitekani, tiyani akupfumeleni, vanani vavanuna, vanani lava va ntamu.

I Ptr 5:8

Tikhomani, n'wilavelela! A nala wenu, Diyavulosi, aratela swanga hi nghonyama leyi yidruma-drumekaka, na yidjula lweyi yingamuphatlulaka yimuda;

I Kor 10:13

An'wingihumeleliwa hi ndringo lowu wungafanekeliki vhanu; kambe Xikwembu Nkulukumba adumbekaka, angaka angapfumeti leswaku n'widringiwa kutlula a mintamu yenu; kambe, kun'we ni mindringo, atan'winyika a ndlela ya kuhuma ku mindringo, akuva n'wikota a kumibyatrha.

II Ptr 2:9

Hi xileswi, a Hosi ya swikota kuhuluxa valulami amindringweni, ni kubekisela vasomboloki xikhatiso xa siku drayavanyiso,

Mt 24:42

Hitekani-ke, hikusa an'witivi a siku ledri a HOSI yenu yitakata ha drone.

Mpfuletelo 3:10

Leswi ubekisiki a ritu dra kutiyisela kwanga, na mine nitakubekisa ankameni wa ndringo, lowu wutakata amisaveni hinkwayu, akuva wutatadringa lava vatrhamaka amisaveni hinkwayu.

I Ptr 4:7

A kuhela ka mintxhumu hinkwayu ku kusuhi. Hileswo-ke tlharihani, n'witikhoma n'witakota akukhongota.

Lk 22:40

Aku loko atlhasa kumbangu lowo, aku ku vone: Khongotani Xikwembu Nkulukumba, n'wingatinhingena kudringiweni.

Gl 5:24

Kambe avaka Kriste Yesu va vambi nyama ni kurandra ni kunavela ka yone.

I Kor 9:27

kambe mine nixanisa a miri yanga, ni miyentxa a xikarawa, akuva, nitxhumayela ku van'wana, ningatitxhuka nikumiwa na nili lweyi ningalikina mfanelo ya ntxhumu.

Mt 25:13

Hileswo-ke hitekani, hikusa an'witivi a siku ni nkama.

Mt 26:38

A moya wanga wuvaviseka hi kutlulisa, swanga hi kufa. Salani kola n'wilavelela na mine.

Rm 8:3

Hikusa leswi afaka swinga koteki ku nawu, hi leswi afaka wu hikola ka nyama, Xikwembu Nkulukumba a yentxile leswi hi ku rumela N'wana wakwe hiku fana ni nyama ya xidoho, xiswoswo, Xikwembu Nkulukumba a yavanyisile Xidoho a nyameni.

Lk 11:4

Hidrivalele a swihono sweru, swanga hi leswi na hine hi drivalela mun'wana-ni-mun'wana lweyi angani nandru ku hine. Nakone ungahitrike hiwela mindringweni.

Lk 8:13

Kambe a mbewu leyi yiweliki amisaveni ya maribye, hi lava vayingelaka a ritu, vadriyamukela hi kutrhava. Kambe vangena mitru ya kuyanela; vapfumela hi nkama wutrongo; kambe ankameni wa ndringo vatrika, vatlhelela ntrhaku.