Mt 25:40 - Testamente Ledrimpswha ni Mapsalma

⁴⁰ Kambe a HOSI yitavayangula yiku ku vone: Nihlayelamfuri nili ku n'wine: Loko n'wiswiyentxi ku mun'we amakari ka vamakweru lava vatrongo, lava, n'wiswiyentxi ku mine.

Mt 25:40 Referans Kwoze

Mt 10:42

Nakone lweyi atakanyika a ntrheko wa mati ya kutitimeta ku mun'we wa lava vatrongonyana hikuva ali mudondrisiwa wanga, nan'wibyela nili angaka angalahlekeliwi hi hakelo drakwe.

Marka 9:41

Hikusa lweyi ataka n'winwisa a ntrheko wa mati hi vito dranga hi leswi n'winga vaka Kriste, nihlayelamfuri nan'wibyela nili, angaka angalahlekeliwi hi hakelo drakwe.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

Gl 5:6

Hikusa ku Kriste Yesu, aku soka ni kuka kusokiwa, aswipfuni ntxhumu, kambe i kupfumela kutiraka hikola ka lirandru.

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Mt 10:40

Lweyi an'wiyamukelaka ayamukela mine, ni lweyi aniyamukelaka, ayamukela lweyi anirumiki.

Mt 18:10

Tivonelani! N'wingadreli ni mun'we ku vatrongwana lava. Hikusa nan'wibyela leswaku a tintrumi tavu a Matilweni, minkama hinkwayu tilavisa liso dra Tatana wanga, lweyi anga Matilweni. [

I Yhn 4:20

Loko mhunu aku arandra Xikwembu Nkulukumba, nakasi ahambula makwavu, ani madrimi. Ha kunene, lweyi angarandrikiki makwavu, lweyi amuvonaka, anganakuswikota akurandra Xikwembu Nkulukumba, lweyi angamuvonikiki!

Va-Heberu 6:10

Hikusa Xikwembu Nkulukumba angana mona, akuva adrivala ntiro wenu ni lirandru ledri n'widrikombisiki ku vito drakwe, hikusa n'witirelile, mfuri n'wahata tirela vahlawuliwa.

Ef 5:30

Hikusa hi swiro swa miri yake.

Gl 5:13

Hikusa n'wine vamakweru, n'wivitaneliwi kuntrhunxeka; hileswo ke, n'wingatxhuki n'witeka kuntrhunxeka n'wikuyentxa hi kurandra ka nyama, kambe fambani hi lirandru drin'wiyentxa leswaku n'witirelana van'we ni van'wana.

Rm 8:29

Hikusa lava Xikwembu Nkulukumba afaka nana avahlawulile vabekiseli akuva vafana ni N'wana wa wakwe, akuva Yene ava n'wana wakusungula ku vamakwavu lavanyingi.

Mt 28:10

Yesu aku ku vone: N'wingatxhaveni. Fambani n'wiyabikela a vamakweru leswaku vaya Galileya; hi lomu vatakanivona kone.

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

II Kor 4:5

Hikusa ahi tireri hine, kambe hi rera Kriste a Hosi, mfuri hine vatiri venu hinkonta ya Kriste.

Yohana 20:17

Yesu aku ku yene: Unganikhumbe, hikusa anisintlhantukela ku Tatana. Kambe famba ku vamakweru uyavabyela leswaku nintlhantukela ku Tatana wanga ni Tatana wenu, ku Xikwembu Nkulukumba wanga, ni Xikwembu Nkulukumba wenu.

Mt 25:39

Hakuvoni drini na uvabya kumbe uli kubohiweni, hita ku wene?

Mt 25:45

Kutani yitavayangula yiku: Nihlayelamfuri nili ku n'wine: loko n'wingaswiyentxanga ku mun'we wa lava vatrongo, lava, an'wiswiyentxanga ku mine.

Lk 19:38

Vaku: Akukhensiwe Mufumi, lweyi ataka hi vito dra Hosi! A kurula akuve Tilweni, ni kutwala ahenhlahenhla!

Mpfuletelo 17:14

Vone vata lwa ni Hambana, kambe a Hambana yitavahlula, hikusa i Hosi ya tihosi, ni Mufumi wa vafumi, vatahlula na vone lava vanga na Yene, lava vavitaniwiki, vahlawuliwiki ni lava vadumbekiki.

Mpfuletelo 19:16

A swiyambalwini swake, mbangwini lowu funeketaka nyonga, afa kutraliwi vito ledri: Hosi ya tihosi, ni Mufumi wa vafumi.