Mt 25:32 - Testamente Ledrimpswha ni Mapsalma

³² Kutani a matiko hinkwawu matahlengeletiwa amahlweni kwake; atatravuxa van'we ku van'wana, swanga hi loko mubyisi atravuxa tihamba atimbutini.

Mt 25:32 Referans Kwoze

Mt 13:49

Hi swoswo switakahumelela akuheleni ka misava: a tintrumi titahuma a kutatatravukanisa a vhanu lava vamfani ku lava vanene,

II Kor 5:10

Hikusa swifanelile leswaku hinkweru hita ya tikombisa mahlweni ka huvu ya kuyavanyisa ya Kriste, leswaku mun'wana-ni-mun'wana ayamukela mayelana ni leswi nene kumbe leswakubiha aswiyentxiki, akuhanyeni kwake lani misaveni.

Mt 3:12

Ani lihlelo amavokweni, atahehera a mavele amatravukanisa ni mavivi. Atabekisa a mavele anguleni, kutani ahisa a mavivi andrilweni lowu wungatimekikiki.

Yohana 10:14

Hi mine Mubyisi lweyi munene. Nitiva tihamba tanga, na tone tanitiva.

I Kor 4:5

Hileswo-ke, n'wingayavanyiseni ntxhumu na nkama wungasinatlhasa, kukota kutlhasa Hosi; anga Yene atakavaninga leswi swifihlekiki, swa munyama, atakavonekisa ni makungu lawa manga timbilwini ta vhanu; laho-ke mun'wana-ni-mun'wana atayamukela a kukhensiwa hi Xikwembu Nkulukumba.

Rm 2:16

Hi siku ledri Xikwembu Nkulukumba, hikola ka Kriste Yesu, atayavanyisa leswi swifihliwiki swa vhanu, swanga hileswi a Ivangeli leyi yinene yingahlayaka;

Rm 2:12

Hinkwavu lava vadohaka na vangativi nawu, vatalahleka na vangativi nawu, Kambe hinkwavu lava vadohaka na vativa nawu, vatayavanyisiwa hi nawu.

Yohana 10:27

A tihamba tanga tiyingela ritu dranga. Tadritiva, kutani tanilandra.

Mt 28:19

Hileswo-ke, fambani n'wiyadondrisa a matiko hinkwawu, n'wivababatisa hi vito dra Tatana ni dra N'wana ni dra Moya wa Kuxwenga,