Mt 25:1 - Testamente Ledrimpswha ni Mapsalma

¹ A Mfumu wa Matilo wungafanisiwa ni vanhwanyana lava va khume, vangateka a mimotre yavu vahuma, vayatlhangaveta a mulovoli.

Mt 25:1 Referans Kwoze

Mpfuletelo 19:7

Ahi trhaveni, hi trhavisisa niku munyika kutwala; hikusa kutlhasi nkama wa nkhuvu wa vukati bya Hambana, a mutekiwa wa yone a tibekisile.

Mpfuletelo 21:9

Kutani kuta yin'we ku tintrumi leti ta ntlhanu na tibiri, leti afaka tili ni mintrheko ya ntlhanu na yibiri avokweni, na yitali hi ntlhanu wa makhombo na mabiri ya vugamu, yiku ku mine: Tana halenu! Nitakukomba mutekiwa, a nsati wa Hambana.

Mpfuletelo 21:2

Kutani ni voni ni muti wa Kuxwenga, Yerusalema lwe mumpswha, lwe afaka axika hi le Tilweni ku Xikwembu Nkulukumba. Apfa na axongi swanga hi mulovoliwa lweyi atilungiseliki kutlhangaveta muteki wakwe.

Yohana 3:29

A n'winyi wa mutekiwa hi muteki. Kambe a n'winyi wa ndlela ayingiseta muteki, atrhava swinene hi kumuyingela. Kolahu-ke a kutrhava kwanga loku, swoswi kuhetisekile.

Mt 13:24

Yene avabekeli xin'wana xifaniso aku: A Mfumu wa Matilo wufana ni mhunu lweyi abyaliki mbewu leyi yinene ansin'wini yake.

Mpfuletelo 14:4

Volavo hi lava vangatihonangakiki hi vavasati, vangasiki yetlela ni vavasati. Lava hi vone valandraka Hambana hinkwaku lomu yi yaka kone. Hi lava vaxaviwiki a makari ka vhanu akuva swiva swirangana swihumexeliwaka Xikwembu Nkulukumba ni ku Hambana.

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

Mt 22:2

A Mfumu wa Matilo wufana ni mufumi lweyi angahamba a nkhuvu wa vukati bya n'wanake wa wandrisanyana.

II Tmt 4:8

Kutani swoswi nibekeliwa ngiyana ya kululama, leyi Hosi a muyavanyisi lweyi wa kululama, yitakaninyika asikwini ledro; a nge mine swanga vatahananiwa hinkwavu lava valaviselaka kubuya kwake.

Mt 3:2

Ndrulukani, hikusa a Mfumu wa Matilo wukusuhi!

I Kor 11:2

Nan'wikhensa, vamakweru, hikusa n'wanidrimuka ku hinkwaswu, na kone n'wilandra a swileleto hinkwaswu leswi ningan'widondrisa.

Mt 20:1

Hikuva a Mfumu wa Matilo wufana ni n'winyi wa yindlu, lweyi ahumiki ampundrwini ayathola vatiri vaya ansin'wini yake ya vhinya.

Mt 13:47

Nakone a Mfumu wa Matilo wahafana kambe ni nkukutu lowu wupetiwaka alikhulwini wuphasa hinkwatu tinxaka ta tinhlampfi.

Mt 13:38

a nsimu i tiko. A mbewu yinene hi vana va Mfumu wa Xikwembu Nkulukumba, a lihungu drikombisa a vana va lweyi mfani.

Mpfuletelo 4:5

Axitrhan'wini-xa-vufumi kuhuma kuhatima, ni maritu, ni kudruma kukulu; amahlweni ka xitrhamu xa vuhosi afa kuni ntlhanu na mibiri wa mimotre, leyi mipfuraka, minga mimoya ya ntlhanu na mibiri ya Xikwembu Nkulukumba.

II Kor 11:2

Hikuva nan'wihisekela hi hisekelo dra Xikwembu Nkulukumba; hikusa ni n'wibekisile akuva nita n'wikombisa swanga wanhwanyana wa kukala angasina tiva wa nuna, lweyi a basiki, abuteliwaka nuna mun'we ntsena, inga Kriste.

Mt 9:15

Yesu aku ku vone: Xana swakoteka leswaku a vakhapi va muteki vadrila na muteki ahali na vone? Kambe wata a nkama lowu a muteki atakasusiwa ku vone; laho-ke vatatitrona.

Mt 5:16

A kuvaninga kwenu akuvaningisi xiswoswo amahlweni ka vhanu, akuva vatakota kuvona a mintiro yenu leminene, vatatwalisa Tatana wenu lweyi anga Matilweni.

Mintiro Ya Vapostola 20:8

Afa kuni mimotre minyingi andlwini ya le henhla, lomu afaka hihlengeletani kone;

Mt 13:31

Avabekela mfuri a xifaniso xin'wana aku: A Mfumu wa Matilo wufana ni nhleke ya sinapi leyi a mhunu ayibyaliki ansin'wini yake.

Mt 25:7

A vanhwanyana hinkwavu vahangapfuka, vasungula a kubekisa a mimotre yavu.

Yohana 18:3

Yudasi atekiki ntlawa wa masotxha ni malandra man'wana ya vaprista lava vakulu ni ya vafarisi, vaya kone na vatameli mimotre, ni swisa, ni matlhari.

Mpfuletelo 8:10

A ntrumi ya vuraru yiyimba a nanga; kutani kuwa a nyeleti yikulu hi le tilweni, na yipfura swanga hi motre, yiwela henhla ka xiyenge xa vuraru xa milambu ni le henhla ka tinhlovo ta mati;