Mt 24:45 - Testamente Ledrimpswha ni Mapsalma

⁴⁵ Hi mani-ke a mutiri lweyi wa kudumbeka ni kutlhariha, lweyi a hosi yake yimubekiki a henhla ka ndangu wa yone, akuva awuyavela a swakuda hi nkama lowu wufanekelaka, xana?

Mt 24:45 Referans Kwoze

Mt 25:21

A hosi yake yiku ku yene: I swa hombe, mutiri lweyi munene, wa kudumbeka. Leswi udumbekiki atimhakeni leti titrongo, nitakubeka ahenhla ka leti tinyingi. Nhingena akutrhaveni ka hosi yaku.

Mt 25:23

A hosi yake yiku ku yene: I swa hombe mutiri lweyi munene wa kudumbeka. Leswi udumbekiki atimhakeni leti titrongo, nitakubeka ahenhla ka leti tinyingi. Nhingena akutrhaveni ka hosi yaku!

Va-Heberu 3:5

Moxe afa adumbekile andlwini ya Xikwembu Nkulukumba swanga nandra, abeka vumboni bya leswi afaka switahlayiwa.

II Tmt 2:2

Ni leswi uswiyingeliki ku mine amahlweni ka timboni letinyingi, swibeke ku vhanu lava kudumbeka, akuva vatadondrisa van'wana.

I Tmt 1:12

Nitlangela Yesu Kriste, Hosi yeru, lweyi anitiyisiki, hikuva anivoni na nidumbeka akuva anibeka antirweni wakwe,

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Lk 19:17

Aku ku yene: I swahombe, nandra lweyi munene; leswi udumbekiki ku leswi switrongo, vana ni ntamu henhla ka khume dra miti.

Mt 13:52

Ahangaku ku vone: Loko mun'we mudondrisi wa Nawu apfumela a dondro ya Mfumu wa Matilo afana ni n'winyi wa ndangu, lweyi ativaka a kuhumexa ku vukosi byake, a mintxhumu mimpswha ni ya khale.

Mt 10:16

Lavisani, nin'wiruma swanga tihamba amakari ka mahava. Hileswo-ke tlharihani swanga tinyoka, n'wirula swanga matuva.

Mt 25:2

Lava va ntlhanu, ku vone afa ali masinge; kambe van'wana va ntlhanu afa ali tintlhari.

Mt 7:24

Lweyi ayingelaka a maritu yanga ava amayentxa, atafananisiwa ni wanuna lweyi atlharihiki, ayakiki a yindlu yake aribyeni.

Mt 24:46

Kukateki a mutiri lweyi kutakaku loko a hosi yake yibuya, yimukuma na atirisa xiswoswo.