Mt 24:42 - Testamente Ledrimpswha ni Mapsalma

⁴² Hitekani-ke, hikusa an'witivi a siku ledri a HOSI yenu yitakata ha drone.

Mt 24:42 Referans Kwoze

Lk 21:36

Hitekani hi minkama hinkwayu, n'wikombela ku Xikwembu Nkulukumba, akuva n'wikuma ntamu wakuphondla ku hinkwaswu leswi switakayentxeka, n'witakota kuyima amahlweni ka N'wana wa Mhunu.

I Tsl 5:6

Hileswo-ke hingakhutriyeleni swanga hi van'wana, kambe a hi veneni lava valavelelaka ni kuhanya hikutikhoma.

Mt 25:13

Hileswo-ke hitekani, hikusa an'witivi a siku ni nkama.

Mpfuletelo 16:15

Lavisani! Nita swanga hi leswi atisaka xiswone muyivi! Ku katekile lweyi a lavelelaka ni lweyi a bekisaka swiyambalo swake, akuva angafambi na angayambalanga ntxhumu, kutani akhomeka tingana amakari ka van'wana!

I Kor 16:13

Hitekani, tiyani akupfumeleni, vanani vavanuna, vanani lava va ntamu.

Mt 24:36

Kambe a siku ni nkama, akuna mhunu lweyi aswitivaka, nambi tili tintrumi ta Tilo, nambi ali N'wana, loko angali Tatana ntsena.

Rm 13:11

Nihlaya leswo ku n'wine n'witivaka nkama: Leswaku i nkama wa kupfuka vurongweni; a huluxo dreru dri kusuhi ngopfu kutlula loko hi yamukeliki vupfumeli.

Mt 24:44

Hi swoswo na n'wine tilulamiselani hikusa a N'wana wa Mhunu atata hi nkama lowu n'wingawuyanakanyikiki.

I Ptr 5:8

Tikhomani, n'wilavelela! A nala wenu, Diyavulosi, aratela swanga hi nghonyama leyi yidruma-drumekaka, na yidjula lweyi yingamuphatlulaka yimuda;

I Ptr 4:7

A kuhela ka mintxhumu hinkwayu ku kusuhi. Hileswo-ke tlharihani, n'witikhoma n'witakota akukhongota.

Mt 24:43

Kambe tivani leswi: Loko fanga n'winyi wa yindlu ativi nkama lowu a muyivi atakata ha wone, afa atalavelela angamupfumeleli a kutlhanya a yindlu yake.

Mt 25:10

Vatiki vafambile vayatixavela a mafura, a mulovoli atlhasa, kutani lava afaka vatibekiselile vanhingena na yene andlwini ya nkhuvu, kutani a nyangwa yipfaliwa.

Lk 21:34

Kambe tivonelani, suka timbilu tenu tibindriwa hi maxovo ni kupopswa ni minhlatiyelo ya vutomi! Kutani siku ledro dritatxhuka drin'witela swanga hi xitxhuketo na n'winga drilaviselanga,