Mt 23:15 - Testamente Ledrimpswha ni Mapsalma

¹⁵ Yowee, n'wine vatrali ni vafarisi, vamandrendre! Hikusa n'witekisa n'wifamba hi misava ni lwandle akuva n'wikuma mupfumeli mun'we, kutani loko n'wimukumile, n'wimuhamba ava n'wana gehena ha kubiri kutlula n'wine.

Mt 23:15 Referans Kwoze

Ef 2:3

Ku vone na hine hinkweru mfuri afa khale hi famba hi kunavela ka nyama yeru, hiyentxa kunavela ka nyama yeru ni miyanakanyu yeru. Hi ntumbuluku afa hili vana vamahlundru, swanga hi van'wana.

Mintiro Ya Vapostola 13:43

Loko a sinagoga drihangalaka, a va-Yuda lava vanyingi ni lava ndrulukeliki xiyudeni valandra Pawulosi na Barnabasi. Volava ke na vakhanela ku vone, afa vavatlhavukanyisa akuva vanamarela a timpswalu ta Xikwembu Nkulukumba.

Mintiro Ya Vapostola 13:10

kutani aku ku yene: Wene, wa muhembi, mubihi, n'wana Diyavulosi, nala wa hinkwaswu leswi swilulamiki. Xana hikola kayini ungatriki kusombolokisa a tindlela ta kululama ta Hosi?

Mintiro Ya Vapostola 14:2

Kambe a va-Yuda lava vangapfumelangakiki vapfuxa mona ku va-Matiko ni kuvahlohlotela akuva vahlundrukela a vamakwavu lava vapfumeliki.

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

Gl 6:12

Hinkwavu lava vadjulaka kuva lava vatrhavisaka hi tlhelo dra nyama, van'wisindrisa ku soka akuva ntsena vanga xanisiwi hinkonta ya xihambanu xa Kriste.

Gl 4:17

A lava van'wikhinyelela, kunge kuyentxa hi vunene; kambe vadjula kun'witravukanyisa ku mine, akuva n'wikhinyelela vone.

Mt 5:22

Kambe mine nili ku n'wine: Mun'wana-ni-mun'wana lweyi ahlundrukelaka wa-le-kwavu, atafanela kuyavanyisiwa; ni lweyi arukaka a wa-le-kwavu amutxhula singe atayavanyisiwa hi huvu; ni lweyi atakamutxhula xihunguki afanekeliwa hi kutxukumetiwa a Geheneni (andrilweni lowu wungatimekikiki).

Mintiro Ya Vapostola 17:13

Kambe loko a va-Yuda va-le-Tesalonika vativi leswaku na kone a Bereya a Ritu dra Xikwembu Nkulukumba drativisiwa ha Pawulosi, vata kone vatatapfuxa ni kupfilunganyisa a switrhungu.

Mintiro Ya Vapostola 14:19

Kolahu kutlhasi va-Yuda vapfa hi le Antiyokiya ni le Ikoniya, vakholwisa switrhungu a kukhandla Pawulosi hi maribye, vamukokela handle ka muti, na vapimisa leswaku afile.

Mintiro Ya Vapostola 2:10

va-le-Frijiya ni va-le-Pamfiliya, va-Egipta ni va le matikweni ya Libiya, kusuhi na Kirene, ni lava valuveliki Roma,

Mintiro Ya Vapostola 6:5

Hinkwavu vayingelana, kutani vahlawula Stefano, a wanuna lweyi ataliki hi kupfumela ni hi Moya wa Kuxwenga, na Filipi, na Prokoro, na Nikanori, na Timoni, na Permenasi, na Nikolawu lweyi wa muproselita wa le Antiyokiya.

Mt 5:29

Hikolahu-ke, loko a tihlu draku dra xinene drikuyisa kudoheni, drisusi udritxukumeta kule na wene. Swayapswa loko ulahlekeliwa hi xiro xin'we xa miri, kutlula loko a miri waku hinkwawu wutxukumetiwa akheleni dra ndrilo.

Mt 3:7

Loko Yohana avoni vafarisi ni vasaduki lava vanyingi vata ku yene akuva avababatisa aku ku vone: Lixaka dra swipswhahla! Hi mani lweyi an'wibyeliki leswaku n'winga huluka ku xikhatiso xa kutxhavisa lexi xinga kusuhi?

Mt 23:13

Kambe yowee, n'wine vatrali ni vafarisi va mandrendre! Hikusa n'wipfalela vhanu a Mfumu wa Matilo; na kone n'wine an'winhingeni, mfuri an'wivapfumeleli lava varandraka a kunhingena. [