Mt 22:13 - Testamente Ledrimpswha ni Mapsalma

¹³ Kutani a mufumi abyela malandra aku: Trimbani minenge ni mavoko yake n'wimutxukumeta ahandle amunyameni, lomu kutakava ni swidrilo ni kuketrela ka menyo.

Mt 22:13 Referans Kwoze

Mt 8:12

kambe loko vali vana va Mfumu, vatatxukumetiwa a handle, amunyameni, lomu kutakava ni swidrilo ni kuketrela ka menyo.

Mt 25:30

Loko ali mutiri lweyo wa kuka angapfuni ntxhumu, mutxukumetani ahandle amunyameni, lomu kutakavani kudrila ni kuketrela ka menyo.

II Ptr 2:17

Volavo vakutanu va swanga tinhlovo leti ngeke na mati, ni swanga matlavi lawa masusumetiwaka hi xidzedze. Ku vone vahlawuleliwi munyama wa kumphuma ngopfu.

II Ptr 2:4

Ke, loko Xikwembu Nkulukumba angatretrelelanga tintrumi loko tidohile, kambe atitxukumetile a gehena, atinyiketa akheleni dra munyama lana tinyimelaka siku dra yavanyiso.

II Tsl 1:9

Vata kuma kutremeliwa lavo ka kulahleka loku kunga gamikiki, kule ni vukone bya vuso bya Hosi, kule ni ntamu wakwe ni ka kuphatima kwake.

Lk 13:28

Hi kone kutakava ni swidrilo ni kuketrela ka menyo, loko n'wivona Abrahamu na Yisaki na Yakobe ni vaprofeta hinkwavu, aNfun'wini wa Xikwembu Nkulukumba, kasi n'wine n'witxukumetiwi ahandle.

Mt 24:51

kitani atamutravukanyisa, amunyika vutrhamu byake kun'we ni vamandrendre. Lahu kutava ni xidrilo ni kuketrela ka menyo.

Mt 13:50

kutatxukumetiwa lava vamfani akheleni dra ndrilo lomu kutakavani kudrila ni kuketrela ka menyo.

Mt 13:42

akuva vatxukumetiwa akheleni dra ndrilo, laha kutakava ni swidrilo ni kuketrela ka menyo.

Mpfuletelo 21:27

Ku wone kungaka kungahanhingeni ntxhumu lowu wa xambya, nambi kunhingena kone vagandreli va swikwembu swakuka ndlela ni vahembi, kutanhingena ntsena lava traliwiki bukwini dra vutomi dra Hambana.

Yd 1:13

I mavimbi lawa ya kulebya ya likhulu, lawa matlhutlhaka likasi dratingana tavu, i tinyeleti leti hambukiki, leti bekiseliwiki ntima wa munyama hilaha kungahelikiki.

Yd 1:6

Ni tintrumi leti tingabekisangakiki xiyimu xa tone, kambe tisukeli ambangwini wa tone, Yene atibekisile amunyameni hi timpentxana leti tingahelikiki, kukota kutlhasa tremo dra siku ledrikulu.

Mintiro Ya Vapostola 7:54

Vaku vayingela leswo, vahlundrukisisa timbilwini tavu, vamuketrenyela menyo.

Mt 13:30

Switrikani swikula kun'we kukondra kuyatlhasa nkama wa ntrhovelo. Ankameni lowo nitabyela vatrhoveli niku: Rangani n'wihlengeleta a lihungu, n'widritrimba hi tinyandra drihisiwa, kambe amavele mahlengeletani atrhaleni dranga.

Mt 12:29

Xana a mhunu angaswikotisa kuyini akunhingena andlwini ya nuna wa ntamu ayiva a vukosi byake, loko angasungulanga hi kumutrimba? Hi kone-ke angakotaka a kuphanga a yindlu yake.

Mintiro Ya Vapostola 21:11

loko atlhasi ku hine, ateka bandi dra Pawulosi, atitrimba minenge ni mavoko aku: A Moya wa Kuxwenga wuhlaya leswaku anuna lweyi a bandi ledri dringa drakwe, a va-Yuda vata mutrimbisa xiswoswi a Yerusalema, vamunyiketa amavokweni ya va-Matiko.

Yohana 21:18

Nihlayelamfuri nili ku wene: Loko wehe mumpswha, afa utitrimba bandi ha swaku, utifambela lomu ukurandraka. Kambe loko utava uduhwalile, utanalavuta mavoko yaku, kutani mun'wana atakutrimba akufambisa lomu ungakurandrikiki.