Mt 21:31 - Testamente Ledrimpswha ni Mapsalma

³¹ Hi wini ku lava vabiri ayentxiki a kurandra ka tatana wakwe? Vamuyangula vaku: Hi lweyi wa kusungula. Kutani Yesu aku ku vone: Hikusa nihlayelamfuri nili ku n'wine: A vahlengisi ni vavasati va vumbuye vatan'wirangela kunhingena a Mfun'wini wa Xikwembu Nkulukumba.

Mt 21:31 Referans Kwoze

Lk 7:29

Hinkwavu lava vayingeliki Yohana ni vahakelisi va tinemba lava vababatisiwiki ha yene, vakhensa a kululama ka Xikwembu Nkulukumba.

Mt 7:21

Ahi hinkwavu lava vanihlayaka: HOSI, HOSI! Vatakanhingena a Mfun'wini wa Matilo, kambe ntsena lava vayentxaka a kurandra ka Tatana wanga lweyi anga Matilweni.

II Ptr 3:9

Hi leswaku a Hosi ayihlweli kuyentxa leswi yi dumbisiki swone, swanga heswi a van'we vapimisaka leswaku yahlwela, kambe an'wilehisela mbilu, hikusa angadjuli kuva ni mun'we alahleka, kambe leswaku hinkwavu vandruluka.

Rm 5:20

A nawu wutile wutayengesela ngopfu a xidoho. Kambe lomu kuviki ni kudoha ngopfu, kuvi ni timpswalu hi kuyandra,

Rm 3:19

Ke haswitiva leswaku hinkwaswu leswi swihlayiwaka hi nawu, i swa lava vanga hansi ka nawu lowo, akuva milomu hinkwayu mipfaliwa, ni leswaku misava hinkwayu miva ni kuyavanyisiwa amahlweni ka Xikwembu Nkulukumba.

Mt 20:16

Hi swoleswo, a va vugamu vatava va kuranga; ni va kuranga, vatava va vugamu.

Mintiro Ya Vapostola 17:30

Ke a minkama ya kukohleka loku, Xikwembu Nkulukumba amitrikile mikhaluta. Kambe swoswi, aleleta a vhanu hinkwavu amimbangwini hinkwayu leswaku vatlhelela ku Yene;

Lk 19:22

Aku ku yene: Nandra lweyi mfani; nitakuyavanyisa hi nomu waku. Afa uswitiva leswaku ni mhunu wa kunonon'hwa, nitekaka leswi ningaswibekangakiki, niva nitrhovela leswi ningaswibyalangakiki.

Lk 15:10

Hiswoswo, nili ku n'wine kutrhava kukone amahlweni ka swirun'wa swa Xikwembu Nkulukumba ha mudohi mun'we lweyi andrulukaka.

Mt 18:3

aku: Nihlayelamfuri nili ku n'wine: Loko n'wingandruluki n'wiva swanga hi vatrongwana, n'wingaka n'winganhingeni a Mfun'wini wa Matilo.

Mt 12:50

Hikusa lweyi ayentxaka akurandra ka Tatana wanga lweyi anga Matilweni, lweyo i makweru waxinuna, ni makweru wa xisati ni mamana wanga.

Mt 9:9

Kuti loko Yesu ahundrela mahlweni, avona a mhunu lweyi valiki i Matewu, lweyi afaka atrhami ambangwini wa nhlengo, aku ku yene: Nilandre. Kutani Matewu asekeleka amulandra.

Mt 6:5

Loko n'wikhongota n'wingayentxi swanga hi vhanu va mandrendre lava varandraka a kukhongota na vayimile, amasinagogeni ni le matlhanganwini ya maruwa, akuva vatavoniwa hi vhanu. Nihlayelamfuri leswaku a vhanu lavo vayamukeli khale a hakelo dravu.

Mt 5:18

Nihlayelamfuri nili ku n'wine: Loko a tilo ni misava swingasinahundra, kungatisusiwa a Nawini letela kumbe xintrhatana xin'we, na hinkwaswu swingasinahetiseka.

Mt 5:46

Hikuva loko n'wirandra ntsena lava van'wirandraka, n'wini hakelo drini xana? Na vone a vahlengisi avayentxisi xiswoswo xana?

Mt 21:30

Aya ku lweyi wa vubiri, amubyelisa xiswoleswo; yene ayangula aku: Im'na, we hosi, nitaya. Kambe angayanga.

Yohana 3:3

Yesu amuyangula, aku: Nihlayelamfuri nili ku wene, akuna mhunu lweyi angavonaka Mfumu wa Xikwembu Nkulukumba, loko angatlhelanga apswaliwa hi vumpswha

Yohana 3:5

Yesu ayangula, aku: Nihlayelamfuri nili ku wene, loko mhunu angapswaliwi hi mati ni Moya, angaka anganhingeni Mfun'wini wa Xikwembu Nkulukumba.