Mt 21:17 - Testamente Ledrimpswha ni Mapsalma

¹⁷ Kutani avatrika, asuka mutini, aya Betaniya ayayetlela kone.

Mt 21:17 Referans Kwoze

Yohana 11:18

A muti wa Betaniya afa wu kusuhi na Yerusalema; afa swidjula kudringana mimpfhuka ya makilometro mararu (3 Km).

Yohana 11:1

Afa kuni mhunu lweyi afaka avabya, anga Lazaro wa Betaniya, amutini wa Maria na Marta vamakwavu

Lk 24:50

Kutani Yesu avayisa ahandle ka muti, kuyatlhasa Betaniya. Atlakuxa mavoko henhla, avakatekisa.

Marka 11:11

Kutani Yesu atlhasa a Yerusalema, anhingena a Tempeleni; kuti loko aralarali hinkwaswu, leswi afaka me madambu amuka Betaniya kun'we ni lava va khume na vabiri.

Marka 11:19

Amadambyeni, (Yene ni vadondrisiwa vakwe) vahuma amutini.

Mt 16:4

Lixaka ledri drimfani ni dra vumbuye drikombela xikombiso xin'we xa mahlolana; kambe dringatinyikiwa xikombiso loko xinge xa Yona. Kutani avasiya, atifambela.

Lk 19:29

Kuti loko atrhindrekeli Betefage ni le Betaniya, hi le nhaveni leyi valiki i ya Minhlwari, aruma vabiri ku vadondrisiwa aku:

Lk 10:38

Akufambeni ka Yesu ni vadondrisiwa vakwe, anhingeni a mutanini wun'we, kutani lweyi wansati a vito drakwe afaka ali Marta ayamukela Yesu andangwini wakwe.

Marka 11:1

Kuti loko vatrhindrekela a Yerusalema ni le Betefage, ni le Betaniya, anhaveni ya Minhlwari, Yesu aruma a vadondrisiwa vakwe vabiri,

Marka 3:7

Kutani Yesu afamba hi tlhelo dra tiva, kun'we ni vadondrisiwa vakwe. A xitrhungu xikulu xi mulandra xipfa Galileya ni le Yudeya,

Mt 26:6

Kuti loko Yesu ali Betaniya; andlwini ya Simoni lweyi wa nhlokonho;

Marka 14:3

Kuti loko Yene ali Betaniya, andlwini ya Simoni, lweyi wa nhlokonho, na atrhami atafuleni kutrhindrekela ku yene wansati, lweyi afaka atameli nhlembeto ya vumba dra ntlhohe na yini mafura ya kunun'hwela ya lisima, mahambiwi hi xinsinyana xa nardo; adlaya a nhlembeto, kutani atxhela mafura anhlokweni ya Yesu.