Mt 20:22 - Testamente Ledrimpswha ni Mapsalma

²² Yesu ayangula aku: An'wiswitivi leswi n'wikombelaka swone. Xana n'wingaswikota a kunwa a ntrheko lowu ninga kusuhi ni kuwunwa? Vone vaku: Im'na hingaswikota!

Mt 20:22 Referans Kwoze

Lk 22:42

Tatana, loko uswirandra, susa ntrheko lowu ku mine, kambe kunga yentxiwe kurandra kwanga, ake kuva kwaku. [

Mt 26:42

Asukiki ka vubiri aya khongota aku: Tatana wanga, loko swingakoteki akuva a ntrheko lowu wuhundra ningawunwanga, akuyentxeke a kurandra kwaku.

Yohana 18:11

Yesu ahangaku ku Petrosi: Tlhoma lipanga ankotlotweni! Xana ningaka ninganwi a ntrheko lowu Tatana aninyikiki wone xana?

Marka 14:36

Afa aku: Abba, Tatana, ku Wene hinkwaswu swakoteka. Trhindreta a ntrheko lowu kule na mine. Kambe, kungayentxiwi a kurandra kwanga, kambe im'na, akuyentxiwi a kurandra kwaku.

Mt 26:39

Kutani aya kulenyana, awa a hansi hi liso, akhongota aku: Tatana wanga, loko swikoteka, a ntrheko lowu awuhundre kule na mine; kambe kungayentxiwe a kurandra kwanga, akuyentxiwe a kurandra kwaku.

Rm 8:26

Hiswoleswo na wone Moya wa hipfunisa a gomeni dreru, hikusa ahitivi kukhongota hilaha swifaneliki, kambe a Moya hi ntshima wu hi kombelela hi minkonyo leyi mingeke na kutlhamuxeliwa.

Yakobe 4:3

N'wakombela n'wingayamukelisiwi, hi leswi n'wikombelaka hi kubiha, akuva n'wiswihangalasa akunyoxeni kwenu.

Lk 12:50

Nini babatiso ledri nitaka babatisiwa ha drone, nivaviseka swakunhati a kukondra drihetiseka!

Mt 26:56

Kambe hinkwaswu swihumeleli akuva a Matralwa ya vaprofeta mahetiseka. Kutani a vadondrisiwa hinkwavu vamusiya vatrutruma.

Mt 26:35

Petrosi aku ku yene: Nambi swingafanela kufa na wene, ningaka ningakulandruli. Hinkwavu a vadondrisiwa vahlaya swoleswo.