Mt 19:5 - Testamente Ledrimpswha ni Mapsalma

⁵ Kutani aku: Hikola ka leswo a wanuna atasiya a tatana wakwe ni mamana wakwe akuva ayanamarela nsati wakwe, hi vubiri byavu vatava nyama yin'we.

Mt 19:5 Referans Kwoze

I Kor 7:4

A wansati angafumi a miri wakwe kambe im'na, a nuna wakwe hi yene awufumaka; xiswoswo, na yene nuna angafumi a miri wakwe kambe im'na, a nsati wakwe!

I Kor 7:2

Kambe hinkonta ya leswi kungani vuwoswi ni vumbuye, a wanuna mun'wana-ni-mun'wana aveni nsati wakwe, ni wansati mun'wana-ni-mun'wana aveni nuna wakwe.

Ef 5:31

Hinkonta ya leswo, a mhunu atatrika a tatana wakwe ni mamana wakwe, a namarela nsati wakwe, hi vubiri byavu vatandruluka nyama yin'we ntsena.

I Kor 6:16

Kumbe xana an'wiswitivi leswaku lweyi atitlhanganisaka ni wa vumbuye atindruluta miri min'we ntsena na yene? Hikusa kuhlayiwa leswaku lava vabiri vatava nyama yin'we.

Rm 12:9

Ingi lirandru drenu dringava ni kudumbeka, nyenyani swakubiha n'wiyentxa leswi swinene.

Mt 19:6

Xileswo avehe vabiri, kambe i nyama yin'we ntsena. Hileswo-ke leswi Xikwembu Nkulukumba angaswitlhanganisa, a mhunu angatxhuki aswitravukanyisa.