Mt 18:31 - Testamente Ledrimpswha ni Mapsalma

³¹ Hi kuvona leswi swihumeleliki, a malandra-kulobye mavaviseka ngopfu, mayabikela mufumi hinkwaswu leswi swihumeleliki.

Mt 18:31 Referans Kwoze

Rm 12:15

Trhavani ni lava vatrhaviki n'widrila ni lava vadrilaka.

Va-Heberu 13:3

Yanakanyani lava vanga bohelweni, swanga hi loko na n'wine n'wibohiwile kun'we na vone, ni lava vaxanisiwaka, swanga hi loko na n'wine n'wixanisiwa mirini hi kufana.

Marka 3:5

Yesu atiki avarala-rala hi mahlu na ahlundrukile, avaviseka hinkonta yakunonon'hwa ka timbilu tavu, aku ku nuna lweyo: Nalavuta a voko. Ahanga drinalavuta, dritlhela driwololoka.

Lk 19:41

Loko atrhindrekelile a Yerusalema avona muti, Yesu awudrilela

Lk 14:21

Lweyi wa nandra amukiki aya bikela n'winyi wakwe a maritu lawu. Kolahu an'winyi wa yindlu ahlundruka aku ku nandra wakwe: Hangwesa uhuma uya tihubyeni ni le tindleleni, utisa a swisiwana ni swilema ni lava vakufa-mahlu ni lava vakukhuta.

Va-Heberu 13:17

Yingisetani vafambisi venu, n'witibeka hansi kwavu, hikusa vone va hitekela mahika yenu, swanga lava vataka vutisiwa ha wone, akuva vaswitira hi kutrhava, na vanga konyi, hikusa afa swingatin'wipfuna leswo.

II Kor 11:21

Nihlaya leswo nani nitingana, ingi ha yentxi hi gome, kambe axin'wana ni xin'wana lexi mhunu atiyaka akutitwalisa ha xone, na mine ninga tiya.

Mt 14:9

Kutani a mufumi Heroda avaviseka; kambe hinkonta ya kuva afungile ni hinkonta ya varambiwa, apfumeli leswi a n'wana Herodiyasi akombeliki swone,

Mt 18:28

Kambe loko nandra lweyo ahuma ayatlhangana ni nandra-kulobye, lweyi afaka ani nandru ku yene wa dzana (100) dra madenari. Amukhoma, amukama makolo, aku ku yene: Driha nandru waku.

Mt 18:30

Kambe lweyo angapfumelanga, loko kunge kumuyisa abohelweni akondra adriha a nandru wakwe.

Mt 18:32

Kutani a mufumi aruma vavitana a nandra lweyo aku ku yene: Nandra lweyi mfani! Nikudrivaleli a nandru waku hinkwawu, hikuva unikombeliki.