Mt 16:28 - Testamente Ledrimpswha ni Mapsalma

²⁸ Nihlayelamfuri nili ku n'wine, amakari ka lava vayimiki kola, vakone van'we lava vangatikifa na vangavonanga kutlhasa ka N'wana wa Mhunu akuphatimeni ka Mfumu wakwe.

Mt 16:28 Referans Kwoze

Lk 9:27

Nihlayelamfuri nili ku n'wine: van'we lava vanga kola vangatifa, na vangasinavona a Mfumu wa Xikwembu Nkulukumba.

Marka 9:1

Yesu atlhela aku ku vone: Nihlayelamfuri nan'wibyela: Van'we ku lava vayimiki kola vangakhumbiwi hi lifu vangasinavona a Mfumu wa Xikwembu Nkulukumba wuta hi ntamu.

Yohana 8:52

A va-Yuda vaku ku yene: Swoswi haswitiva leswaku uni demoni, Abrahamu afile na vone vaprofeta vafile; kutani wene uli: Loko mhunu abekisa ritu dranga, angaka angafi hi la kungahelikiki.

Mt 26:64

Yesu ayangula aku ku yene: Uhlayi swone. Mfuri nan'wibyela leswaku, kusukela swoswi, n'witavona a N'wana wa Mhunu atrhami xineneni xa ntamu wa Xikwembu Nkulukumba, ata henhla ka matlavi ya tilo.

Mt 10:23

Loko van'wixanisa ku muti lowu, trutrumelani ku wumbeni; nihlayelamfuri nili ku n'wine: N'wingaka n'wingaheti miti hinkwayu ya Israyele na N'wana wa Mhunu angasinabuya.

Lk 2:26

Mfuri afa ativisiwi leswaku angaka angafi na angasanganavona Kriste lweyi atakarumiwa hi Hosi.

Marka 13:26

Kolahu vatavona N'wana wa Mhunu, ahumelela matlavini hi ntamu lowu wukulu ni hi lidrumu.

Va-Heberu 2:9

Hivonile na kone, lweyi hi nkamanyana ayentxiwiki lweyi ntrongo ku tintrumi, anga Yesu, hi kuxaniseka hi lifu, a yambexiwile ngiyana ya kutwala ni xitxhavu, akuva hikola ka timpswalu ta Xikwembu Nkulukumba atwisiwa kufa hinkonta ya vhanu hinkwavu.

Mt 24:3

Kuti loko atrhami nhaveni ya Minhlwari, a vadondrisiwa vakwe vatrhindrekela ku Yene na vali swavu vaku: Hibyele a nkama lowu switakahumelela ha swone, utivisa ni xikombiso xa kubuya kwaku, ni xa kuhela ka misava?

I Tsl 1:10

na n'wilavisela a n'wanakwe Matilweni, lweyi amupfuxiki kufeni, anga Yesu, lweyi a hi huluxaka ku mahlundru lawa matakata.

Mt 24:42

Hitekani-ke, hikusa an'witivi a siku ledri a HOSI yenu yitakata ha drone.

Lk 18:8

Nan'wibyela nili: Atahangwesa avalulamisela a mhaka yavu. Kambe xana N'wana wa Mhunu, akutlhaseni kwake, atakuma vupfumeli amisaveni xana?

Mt 8:20

Yesu amuyangula aku: A mabuwana mani mimpala, ni tinyanyana ta tilo tini vusaka, kambe a N'wana wa Mhunu angana lomu angadamaka nhloko yake kone.

Mt 16:13

Loko Yesu atlhasi atikweni dra Khezareya wa Filipi, avutisi vadondrisiwa vakwe aku: Xana a vhanu vali a N'wana wa Mhunu i mani?

Mt 24:34

Nihlayelamfuri nili ku n'wine: A vhanu va nkama lowu vangaka vangakhaluti, na leswo hinkwaswu swingasinahumelela.

Marka 8:38

A mhunu lweyi atakavani tingana ha mine ni maritu yanga amakari ka lixaka dra kusandra, ni dra kudoha, a N'wana wa Mhunu na yene atava ni tingana ha yene, a siku atakabuya hi kuphatima ka Tatana wakwe, kun'we ni swirun'wa leswi swakuxwenga.

Yohana 8:51

Nihlayelamfuri nili ku n'wine, a mhunu lweyi abekisaka ritu dranga, angaka angavoni lifu hi la kungahelikiki.

Yohana 21:22

Yesu aku ku yene: Loko nirandra leswaku atrhama niko nibuya, swingava yini ku wene xana? Wene nilandre!

Mintiro Ya Vapostola 1:11

volavo vaku ku vone: Vavanuna va Galileya! Xana n'wiyimeli yini kolahu na n'wilavisa Tilweni? Yesu yelweyi asukiki ku n'wine aya Tilweni, atatlhela abuya hi ndlela yoleyi n'wimuvoniki antlhantuka ha yone.

I Kor 15:23

Kambe mun'wana-ni-mun'wana, hi nkama wakwe: Hi kusungula, Kriste swanga xirangana; hi kulandra, lava vanga va ka Kriste akubuyeni vakwe.

Yakobe 5:7

Ke, laviselani vamakweru, n'wirindrela kubuya ka Hosi. Lavisani, swanga hi mudrimi akotaka kulavisela, a mihandru leya lisima ya misava, kukondra kuta timpfula ta hlovo ni ta Malanga.

II Ptr 1:16

A dondro leyi hi minyikiki henhla ka ntamu ni kubuya ka Hosi yeru Yesu Kriste, ayi tiseketelanga ha swihitana swavutlhari, kambe hine hi timboni tikulu ta yone hi kuswivona hi mahlu yeru.

I Yhn 2:28

Kutani swoswi ke vana vanga, trhamani ku Yene, akuva loko Yene ativonakalisa hita dumba, na hi ngavi lava vasoliwaka mahlweni kwake, akubuyeni kwake.