Mt 16:27 - Testamente Ledrimpswha ni Mapsalma

²⁷ A N'wana wa Mhunu atata hi kuphatima ka Tatana wakwe, kun'we ni tintrumi takwe, kutani atatlhelisela mun'wana-ni-mun'wana kuya hi matirela yake.

Mt 16:27 Referans Kwoze

II Kor 5:10

Hikusa swifanelile leswaku hinkweru hita ya tikombisa mahlweni ka huvu ya kuyavanyisa ya Kriste, leswaku mun'wana-ni-mun'wana ayamukela mayelana ni leswi nene kumbe leswakubiha aswiyentxiki, akuhanyeni kwake lani misaveni.

Rm 2:6

lweyi atakatlhelisela mun'wana-ni-mun'wana kuya hi mintiro yake,

Rm 14:12

Hikolahu-ke, mun'wana-ni-mun'wana weru ata tiyangulela mahlweni ka Xikwembu Nkulukumba.

Ef 6:8

na n'widrimuka leswaku a mun'wana-ni-mun'wana atayamukela ku Hosi hinkwaswu leswi swinene atakaswiyentxa, nambi xi xikarawa, kumbe wa kuntrhunxeka.

Yd 1:14

Na yene Henoki, lweyi wa vuntlhanu na vabiri antrhaku ka Adamu, aprofetile ha vone, aku: Lavisa, Hosi yata ni madzana-dzana ya Yone,

Mpfuletelo 20:12

Nakone ni voni ni vafi hinkwavu, lavakulu ni lavatrongo, lava faka vayimisiwile mahlweni ka xiluvelo na vapfuli mabuku. Nangweso mapfuliwile mabuku, ni buku drin'wana, kupfuliwa ni buku dra vutomi. Kutani a vafi vatremeliwi ntremo mayelana ni mintiro yavu, ni hi leswi afaka switraliwile amabukwini lawo.

Mpfuletelo 2:23

Nitadlaya a vana vakwe hi lifu. Kutani a makereke hinkwawu mataswitiva leswaku hi mine lweyi akambisisaka miyanakanyu ni timbilu ta vhanu, mfuri nitan'winyika, mun'wana-ni-mun'wana hi kulandra a mintiro yenu.

Mt 25:31

Kambe kutaku loko a N'wana wa Mhunu ata vumenyemenyeni byake, kun'we ni tintrumi hinkwatu, atatrhamisa a xitrhan'wini xa vumenyemenye byake.

Lk 21:27

Hilahu-ke vatakavona a N'wana wa Mhunu ata hi tlavi, na ani ntamu ni kuphatima kukulu.

Marka 14:62

Yesu aku: Hi mine. Mfuri n'witavona a N'wana wa Mhunu na atrhami axineneni xa Xikwembu Nkulukumba wa mintamu hinkwayu, apfa hi le henhla ka matlavi ya tilo.

Marka 8:38

A mhunu lweyi atakavani tingana ha mine ni maritu yanga amakari ka lixaka dra kusandra, ni dra kudoha, a N'wana wa Mhunu na yene atava ni tingana ha yene, a siku atakabuya hi kuphatima ka Tatana wakwe, kun'we ni swirun'wa leswi swakuxwenga.

Mt 24:30

Hi laha kutakavoniwa atilweni a xikombiso xa N'wana wa Mhunu, a matiko hinkwawu ya misava matadrila, mfuri matavona a N'wana wa Mhunu loko abuya hi matlavi ya tilo na ani ntamu lowu wukulu ni kuphatima.

Mpfuletelo 1:7

Vonani, awata hi le makari ka matlavi, a mahlu ya vhanu hinkwavu matamuvona, nambi lava vamutlhaviki, mfuri a vhanu va tinxaka hinkwatu ta misava vatamudrilela, im'na, Amen!

Mintiro Ya Vapostola 1:11

volavo vaku ku vone: Vavanuna va Galileya! Xana n'wiyimeli yini kolahu na n'wilavisa Tilweni? Yesu yelweyi asukiki ku n'wine aya Tilweni, atatlhela abuya hi ndlela yoleyi n'wimuvoniki antlhantuka ha yone.

Mt 26:64

Yesu ayangula aku ku yene: Uhlayi swone. Mfuri nan'wibyela leswaku, kusukela swoswi, n'witavona a N'wana wa Mhunu atrhami xineneni xa ntamu wa Xikwembu Nkulukumba, ata henhla ka matlavi ya tilo.

I Ptr 1:17

Ke loko n'wine n'wivitana swanga Tatana wenu, lweyi ayavanyisaka mun'wana-ni-mun'wana mayelano ni mintiro yake, na angayentxi xihlawu-hlawu xa vhanu, hanyani hi kutxhava, ankameni lowu wa kuhundra kwenu lomu misaveni,

Lk 22:69

Akusungula swoswi, N'wana wa Mhunu atatrhama axineneni xa ntamu wa Xikwembu Nkulukumba.

Lk 9:26

Lweyi atakavani tingana ha mine ni hi maritu yanga, na yene N'wana wa Mhunu atava ni tingana ha yene, loko atabuya hi kuphatima kwake ni kuphatima ka Tatana wakwe, ni ka tintrumi ta kuhlawuleka.

Mt 13:49

Hi swoswo switakahumelela akuheleni ka misava: a tintrumi titahuma a kutatatravukanisa a vhanu lava vamfani ku lava vanene,

I Tsl 1:10

na n'wilavisela a n'wanakwe Matilweni, lweyi amupfuxiki kufeni, anga Yesu, lweyi a hi huluxaka ku mahlundru lawa matakata.

I Tsl 4:16

Hikusa a Hosi hi ntshima ya yone, yitaxika hi le tilweni, hihuwa leyi yileletaka, hi ritu dra ntrumi leyi yikulu, ni hi mhalamhala ya Xikwembu Nkulukumba, kutani lava vafeliki ku Kriste vata pfuka hi kusungula.

Mt 13:41

A N'wana wa Mhunu ataruma a tintrumi takwe tihlengeleta a handle ka Mfumu wakwe hinkwavu lava vayentxaka leswaku van'wana vadoha, ni hinkwavu lava vayentxaka leswi swimfani,

I Kor 8:8

Kambe a swakuda aswihiyisi kusuhi ni Xikwembu Nkulukumba; hikusa nambi hingadi ntxhumu, nambi hida, ahiyengeteliwi ntxhumu.

Mt 8:20

Yesu amuyangula aku: A mabuwana mani mimpala, ni tinyanyana ta tilo tini vusaka, kambe a N'wana wa Mhunu angana lomu angadamaka nhloko yake kone.

Yohana 21:22

Yesu aku ku yene: Loko nirandra leswaku atrhama niko nibuya, swingava yini ku wene xana? Wene nilandre!

Yohana 21:23

A ritu drahangahuma a makari ka vamakwavu leswaku a mudondrisiwa lweyo angatifa. Kasi Yesu afa angamubyelanga leswaku angatifa; kambe afa ati: Loko nirandra leswaku atrhama niko nibuya, swingava yini ku wene xana?

I Kor 3:13

a ntiro wa mun'wana-ni-mun'wana wutavoneka alivaleni; hikusa a siku ledro dritawuvonekisa, wuvonekisiwa hi ndrilo, a ndrilo lowu wutakakambisisa a ntiro wa mun'wana-ni-mun'wana leswaku i ntiro muni!

I Kor 15:23

Kambe mun'wana-ni-mun'wana, hi nkama wakwe: Hi kusungula, Kriste swanga xirangana; hi kulandra, lava vanga va ka Kriste akubuyeni vakwe.

Va-le-Kolosa 3:25

Kambe lweyi ayentxaka swakubiha ata yamukela hakelo dra swakubiha, hikusa akuhlawuliwi ni mun'we.

Yakobe 5:7

Ke, laviselani vamakweru, n'wirindrela kubuya ka Hosi. Lavisani, swanga hi mudrimi akotaka kulavisela, a mihandru leya lisima ya misava, kukondra kuta timpfula ta hlovo ni ta Malanga.

I Yhn 2:28

Kutani swoswi ke vana vanga, trhamani ku Yene, akuva loko Yene ativonakalisa hita dumba, na hi ngavi lava vasoliwaka mahlweni kwake, akubuyeni kwake.