Mt 16:16 - Testamente Ledrimpswha ni Mapsalma

¹⁶ Simoni Petrosi amuyangula aku: Wene u Kriste N'wana wa Xikwembu Nkulukumba lweyi ahanyaka.

Mt 16:16 Referans Kwoze

Mt 14:33

Lava afaka vali byatrhwini vakhisama amahlweni ka Yesu vaku: Kunene, wene u N'wana wa Xikwembu Nkulukumba!

Yohana 11:27

Aku ku yene: Im'na Hosi. Napfumela leswaku hi wene Mesiya, N'wana wa Xikwembu Nkulukumba, lweyi afaka afanela kuta amisaveni.

I Yhn 4:15

Lweyo ni lweyo lweyi ahlayaka leswaku Yesu i N'wana wa Xikwembu Nkulukumba, Xikwembu Nkulukumba atrhami ku yene, na yene ku Xikwembu Nkulukumba.

Mt 27:54

A ndruna ya dzana (100) dra mabutrhu ni mabutrhu lawa afaka malavelela Yesu, loko vavona kutrekatreka ka misava, ni leswi swihumeleliki, vatxhava ngopfu vaku: Ha kunene, lweyi afa ali N'wana wa Xikwembu Nkulukumba.

I Tmt 4:10

hi swoleswo-ke hitikaratelaka ni kulwela swone, hikuva hibeki a kulavisela kweru ku Xikwembu Nkulukumba lweyi ahanyaka, lweyi anga Muhuluxi wa vhanu hinkwavu, ngopfu-ngopfu wa vapfumeli.

Mintiro Ya Vapostola 9:20

Kolahu asunguli kudondrisa amasinagogeni, ahlaya leswaku Yesu i N'wana wa Xikwembu Nkulukumba.

I Tsl 1:9

Mfuri vone vadrungula manhingenela yeru ku n'wini, ni hi kundruluka kwenu ku Xikwembu Nkulukumba, n'witrika a swikwembu swakuka ndlela, akuva n'witirela Xikwembu Nkulukumba lweyi a hanyaka ni wa xihlayelamfuri,

Mt 26:63

Kambe Yesu amiyela. Kutani a muprista lwenkulu aku ku yene: Nikufungisa hi vito dra Xikwembu Nkulukumba lweyi ahanyaka, leswaku uhibyela loko ali wene Kriste N'wana wa Xikwembu Nkulukumba!

I Yhn 5:5

Kutani i mani lweyi angaswikotaka kuhlula misava? Loko ange lweyi apfumelaka ntsena leswaku Yesu i N'wana wa Xikwembu Nkulukumba?

Va-Heberu 10:31

Aswakutxhavisa i kuwela mandleni ya Xikwembu Nkulukumba lweyi a hanyaka.

Rm 1:4

kambe a kombisiwiki hi ntamu leswaku, i N'wana wa Xikwembu Nkulukumba hinkonta ya Moya wa Kuxwenga, hi kupfuka kwake ku vafi, anga Yesu Kriste a Hosi Yeru.

Marka 14:61

Kambe Yesu amiyela angayanguli ntxhumu. Kolahu a muprista lwenkulu atlhela amuvutisa aku: Hi wene Kriste, N'wana wa Xikwembu Nkulukumba lweyi akhensiwaka, xana?

Yohana 20:31

Kambe a timhaka leti titraliwi akuva n'wipfumela leswaku Yesu i Kriste, N'wana wa Xikwembu Nkulukumba, ni leswaku hi kupfumela, n'wiva ni vutomi avitweni drakwe.

Yohana 1:49

Nataniyele amuyangula, aku: Rabi, u N'wana wa Xikwembu Nkulukumba, u Hosi ya Israyele.

Va-Heberu 12:22

Kambe loko n'wine n'witlhasile a nhaveni ya Sion, ni mutini wa Xikwembu Nkulukumba lweyi a hanyaka, a Yerusalema wa le tilweni, madzana-dzana ya tintrumi,

I Tmt 3:15

kambe loko nihlwela, utativa a mayentxela lawa mafanekelaka andlwini ya Xikwembu Nkulukumba, dringa kereke dra Xikwembu Nkulukumba lweyi ahanyaka, mhandre ni xiseketelo xa xihlayelamfuri.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

II Kor 6:16

Kuni ntlhanganu muni amakari ka yindlu ya Xikwembu Nkulukumba ni swikwembu swakuka ndlela xana? Hileswaku hine hi tiyindlu ta Xikwembu Nkulukumba lweyi a hanyaka, swanga hi kuhlaya kwake: ni ta yaka makari kwavu ni famba na vone. Nitava Xikwembu Nkulukumba wavu vone va tava tiko dranga.

II Kor 3:3

Hikuva n'wivoniwaka leswaku n'wimapapela ya Kriste, lawa matraliwiki hikola ka ntiro weru, lawa mangatraliwangakiki hi inki, kambe hi Moya wa Xikwembu Nkulukumba lweyi a hanyaka, na kunge hi swipeperele swa maribye, kambe, atimbilwini ta vhanu.

Mintiro Ya Vapostola 14:15

Vavanuna va-le-kweru! Xana n'wiyentxela yini leswo? Na hine hi vhanu ntsena lava vanga ha n'wine hi ntumbuluku. Hin'witivisa a Ivangeli, akuva n'witrika a mintxhumu ya kuka-ndlela, n'windrulukela ku Xikwembu Nkulukumba lweyi ahanyaka, lweyi angahamba a tilo ni misava ni likhulu, ni hinkwaswu leswi swinga ku swone,

Mt 4:3

A mudringi atrhindrekela ku Yene aku: Loko uli N'wana wa Xikwembu Nkulukumba, hlaya leswaku a maribye lawa amandruluki makati.

Mintiro Ya Vapostola 8:36

Vaku na vafamba hi ndlela, vatlhasa lomu kungani mati, a ndruna yiku: Hi lawa mati! Xana kuni xa ntxhumu xingasivelaka leswaku nibabatisiwa? [

Yohana 6:69

Kutani hine hini kupfumela ni kuswitiva leswaku hi wene Muhlawuleki wa Xikwembu Nkulukumba.

Mt 1:16

lweyi avi tatana wa Yosefa a nuna wa Maria, lweyi avi mamana wa Yesu, lweyi atxhuliwaka Kriste.

Mt 16:15

Yene avutisa aku: N'wine ke? N'wili ni mani xana?

Lk 2:11

Hi leswaku namunhla n'wipswaleliwi Muhuluxi anga Kriste Hosi amutini wa Davida!

Yohana 6:57

Swanga hi leswi Tatana lweyi ahanyaka anirumiki, na mine nihanya hikola kwake, na yene lweyi anidaka atahanya hikola kwanga.

Yohana 6:68

Simoni Petrosi ayangula aku ku yene: Hosi, hingaya ku mani xana? Uni maritu lawa manyikaka vutomi lebyi byingahelikiki.

II Kor 1:19

Hikusa Yesu Kriste N'wana wa Xikwembu Nkulukumba, lweyi n'wingadondrisiwa ha mine na Silivano na Timotewu, angavanga ina ni im-him ha nkama mun'we. Kriste avi ina ha kunene-nene.

Va-Heberu 3:12

Tivonelani vamakweru, leswaku kungavi na mhunu makari kwenu lweyi angani mbilu ya kubiha, ya kuka kupfumela, yitakafularela Xikwembu Nkulukumba lweyi ahanyaka

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

Mpfuletelo 7:2

Nivoni yin'wana ntrumi afaka yitlhantuka hi lomu kuhumaka a dambu, na yini xifungu xa Xikwembu Nkulukumba lweyi ahanyaka, kutani yibandlukana hi ritu ledrikulu ku mune wa tintrumi leti tinyikiwiki a ntamu wa kuhona misava ni likhulu,

Mintiro Ya Vapostola 8:37

Filipi aku: Loko upfumela hi mbilu yaku hinkwayu, akuna lexi xingasivelaka. Yene aku: Napfumela leswaku Yesu Kriste i N'wana wa Xikwembu Nkulukumba.]