Mt 14:23 - Testamente Ledrimpswha ni Mapsalma

²³ Loko a switrhungu swifambile, Yesu antlhantukela anhaveni vuswake akuya khongota. Amadambyeni, afa ahali kone, vuswake.

Mt 14:23 Referans Kwoze

Lk 6:12

Amasikwini lawo, Yesu asuka aya nhaveni a kuyakhongota, aheta vusiku hinkwabyu hi kukhongota.

Marka 6:46

Kuti loko avahangalasile asuka aya anhaveni akuyakhongota.

Mt 26:36

Kutani Yesu afamba ni vadondrisiwa, ambangwini lowu valiki i Getsemani, aku ku vone: Trhamisani kola, nahaya lahaya niyakhongota.

Mt 6:6

Kambe wene, loko ukhongota, nhingena andlwini yaku, kutaku loko upfali a xipfalu, khongota Tatana waku lweyi anga xihundleni; Tatana waku lweyi akuvonaka axihundleni, atakunyika a hakelo draku.

Mintiro Ya Vapostola 6:4

Hine, hitatiyisela akukhongoteni ni le ntirweni wa kuhlaya ritu dra Xikwembu Nkulukumba.

Lk 9:28

Afa swidjula kuva ntlhanu wa masiku na mararu a ntrhaku ka maritu lawo, Yesu antlhantukela anhaveni akuya khongota. Ateki Petrosi, na Yohana na Yakobe.

Marka 1:35

Ampundrwini, na kahatimphu, Yesu apfuka, ahuma, atiyela mbangwini wa hula, ayakhongota.

Lk 3:21

Kati loko Yohana ababatisa hinkwavu, Yesu na yene ababatisiwa; na ali kari akhongota, a tilo dripfuleka,

Lk 5:16

Kambe Yesu asuka aya ahuleni, lomu kutengiki, akuva aya khongota.

Lk 9:18

Siku drin'wana loko Yesu ali kukhongoteni, vuswake, a vadondrisiwa vakwe afa vatrhindrekela ku yene, avavutisa aku: Xana a vhanu vali ni mani, xana?