Mt 13:8 - Testamente Ledrimpswha ni Mapsalma

⁸ Kutani tin'wana mfuri, tiwela amisaveni leminene, tihumexa a mihandru ya kuxonga: yin'we a mbewu yihumexa dzana (100), yin'wana ntlhanu wa makume na drin'we (60), ni yin'wana makume mararu (30) ya tinhleke.

Mt 13:8 Referans Kwoze

Lk 8:15

A mbewu leyi yiweliki misaveni leminene, hi vhanu lava yingelaka a ritu hi timbilu leti tinene, vayingiseta kutani vadribekisa, vatiya vanyika a ntrhovelo wunene.

Mt 13:23

Mfuri lweyi abyaliwiki amisaveni leminene, hi lweyi ayingelaka ritu adriyingelisisa, ava abeka a mihandru, a nhleke yin'we yibeka a dzana (100), a yin'wana ntlhanu wa makume na drin'we (60), a yin'wana makume mararu (30).

Yohana 15:8

Tatana wanga atwalisiwa hi loko n'wibeka mihandru yakutala, akukombisa leswaku n'wi vadondrisiwa vanga.

Va-le-Filipiya 1:11

N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.

Rm 7:18

Hikusa naswitiva leswaku a vunene abyi trhamanga ku mine, nidjula kuhlaya leswaku antumbulukwini wanga. Nambi nini kunavela ka kuyentxa leswi swinene, aniswikoti leswo.

Mt 13:7

Tin'wana kambe tiwela amakari ka mitwa, loko a mitwa mikulile mitikamanyeta.

Marka 4:8

Kambe a timbewu tin'wana tayi wela a misaveni leminene, tikula, tirumbuka tibeka a mihandru ya kuyandra, kutlhasa makume mararu, ni le ku ntlhanu wa makume na kume drin'we, ni le ku dzana (100), ha yin'we ha yin'we

Marka 4:20

Kambe lava vabyaliwiki amisaveni leminene, hi lava vayingelaka a ritu dra Xikwembu Nkulukumba, vava vadriyamukela, vabeka mihandru, a nhleke yin'we makume mararu (30), yin'wana kambe ntlhanu wa makume na kume drin'we (60), yin'wana dzana (100).

Lk 8:8

Kambe axin'wana xiyenge xa timbewu tiwela amisaveni leminene, kutani timila, tinyika ntrhovelo wa kuxonga, tinyika dzana dra tinhleke yin'wana ni yin'wana. Kuku loko Yesu ahlayi leswo, atlakuxa a ritu aku: Lweyi angani tindleve ayingelisise!